¹ Fyopelefyo ba Lesa balibushishe webo muli ba Kilishitu, fwayeni ifintu ifi bakililepo ba Kilishitu aba aikala kukuboko kwa kulyo kwa ba Shikulu. ² Langulukanipo, tali nipa fintu ifya muno mukyalo ifintu ifili pano pesamba lya kyalo kya panshi. ³ Pantu mwebo, mwalifwile, kabili ubumi ububwafisamina muli ba Kilishitu ba Lesa. ⁴ Elyo ba Kilishitu amonekele, na mwebo ubumi wenu, benka mwebo mukaba nekumonekela mubuleme bwabo. ⁵ Ipayeni nefwa, nefya mibili yenu iya pano pakyalo ubukende, ulunkubwa, nekukumbwa efya pakyalo kya panshi no ukubuka fibubwabubwa. ⁶ Pakuti pali fyefyo ifintu ubukali bwa ba Lesa bukesa mwana wabo ukubulo kutalila, bambi bali pekanyanipa mulandu wafilya fintu fibipile ubukali bwa ba Lesa buleisa. ⁷ Pakuti nikuli fifi fintu na mwebo limo muli mukenda elyo muli abatutulu buli fya fintu. ⁸ Sombi luno mufwile ukufumako kuli ifi fintu, ubu kali, nekufilwa, nemiponto, nokutukana, ukufuma mutunwa twenu. ⁹ Twelelibe pa fwebene na bene, pakuti mwali fwile umuntu wakale na fyonse efyo alikukita. ¹⁰ Kabili mwebo mube no kubika umuntu wamukipasha ukulingana nowakipangile. ¹¹ Pakuti pali fyefye takwli ba Giliki na bangetila, naga kusembululwa nokubulwa ukusembululwa nangu umweynike, nangu abena sikitya, abasha nokuba umuntu ukakulwile, pakuti ba Kilishitu ni bonse kabili bali muli fyonse ¹² Pakuti pali fyenka, ba Lesa basala umo, wamushilo nabatemwikwa, pakubika umutima wa luse, kuba ne nkumbu, ukulikepesha, nekutekanya. ¹³ Tuleliitekanisha fwebene na bene. Mube aba kuwamwa na kubanenu. nga kyakwebati muli umo ako ilishangana ifi tafyalelwe na kuli umbi, mumulekeleleko kumulandu koti ni ba Shikulu efyo ba balekeleniko mwebo. ¹⁴ Nokukilapo pali fyonse, ifintu mube nekutemwa, ekukakwa kya kulumbuluka. ¹⁵ Lekeni umutende wa ba Kilishitu ube uwakumitangileni mumitima yenu. Penka walibele pakuti mwalichilwe muli umo umubili, abili mube aba kutotela. ¹⁶ Lekeni ishiwi lya ba Kilishitu likale muli mwebo mubunoshi, ukusambilisha nokubatangilileni umo no munakwe ukuba na mano, ukwimba ya masamo ya nimbo ne sha kumupanshi ubapo ne shakutote mumitima yenu kuli ba Lesa. ¹⁷ Muli fyonse efyo mulekita, ishiwi lyali, kiteni fyonse mwishina ilya ba Shikulu Yesu, Ukupelo amatotelo kuli ba Lesa ukupitila na muli bo. ¹⁸ Mwebanakashi, nakileni balume benu, emokilingile muli ba Shikulu. ¹⁹ Mwelalume temweni abakashi benu, kabili mwaba no bukali kuli bena. ²⁰ Mwebana, nakilileni abafyashi benu mufintu fyonse, ifi efifwaya ba Shikulu. ²¹ Mweba fyashi, mweli kukolomona abana benu, mweba nokubabwesha munuma. ²² Mwebasha, kamubofwila abapwingishi benu ukulingana kumubili mufintu fyonse, tali mulimo wamenso, tali kwebati abantu batutoteni, bakweba pamo ne kuba nekumba mumutima mubene mweso kuli ba Shikulu. ²³ Muli fyonse efyo mulekite, bobenu ukufuma ku mweo nakuli ba Shikulu tali kya kufumaku bantu. ²⁴ Wishiba ati mwebo muli nokupokelela ukufuma kuli ba Shikulu ne npense ya mubuswani pakuti nikuli ba Shikulu uyo mwebo mubobela. ²⁵ Uyo ukita ifi tafyelele akaboka ikilambu ikya kubifya kwakwe pali, fyefye efyakitile nakwakabe inkumbu.