¹ Pakuchi ndukufwaya mwebo ukwishiba ubulwi bukulu kwete pali mwebo, pali babo abali mu Laodikeya, nabambi abengi abatabanga monapo ipumiyangi mumubili. ² Ndapyunga kwebachi imitima yabo ye nga kabishiwa ukuletwa pamo mubutemwe namu mamboni yakwi shushiwa nokufwisha, mukalongo mubupyungushi bwa ba Lesa, uli Kilishitu. ³ Muli ye fyonse ifyabulamishi ifyamano na kalongo emokafiseme. ⁴ Nalabila ifi kwebaci takulipo nangu umo egami bepa nolulumi lwa kufituka. ⁵ Nangu ningaba nemwebo muli bumubili, pakuci ndina mwebo mumu panshi Ndukusangalala pakubona ubume bwakoka nokukoseleshiwa mulwitabilo muli Kilishitu. ⁶ Ili mwapokelela Kilishitu Yesu baShikulu, endeni muli ye. ⁷ Libweni muli ye, Nokwibakwa pali ye. Ikaleni mulwitabilo fyenka ba myebele, Nakuli pela mufya mabupe. ⁸ Mumone kwebati takulipo nangu umo wakumikata ukupichila pandamano Nabakubula mano, ukulingana kukifyalilwa kya bantu, ukwesakanya nakulingana nefipimo fyamipashi yaba kyalo, ukubula ukuba muli Yesu. ⁹ Pakuci mulibo fyonse ifyakwi sushiwa muli ba Lesa filekalilikwa muli bumubili. ¹⁰ Mwebo mwaisushiwa nu ye, uli matwi wa pali bafilolo ne sambu. ¹¹ Muli ye emo mwa nembulwilwe nokusembululwa tali kumaboko yabantu mukufumyapo kwa mubili bwa kumunefu. Lomba mukusembululwa kwa ba Yesu. ¹² Mwali shikulwe naye mulubatisho, namili ye mwali mishiwe ukupitila mu makosa ba Lesa. U - wamwimishe ukufuma kubafwile. ¹³ Ili mwafwile mukubifya nokubulwo kusembululwa kuli bumubili. Ali mipangile ukwikala pamo nokutalekela fyonse ifyakumbifya fwesu. ¹⁴ Alitufuchila ifilembelwe ifyakongoleni ifitwimakanina ne mukambisho yafiko. Alifipichile pakumupopa pamutaliko. ¹⁵ Kalekanya intangishi nesambu nokubaalengesha ukupanga ukwishibaikwa palibo, ukubakiluka ukupitila pamutaliko. ¹⁶ Penka, mweleka nangu umo amipingile mu kulya nangu mukunwa, nangu mukusekela nangu mwenshi wabukumo, nangupashiku shasabata. ¹⁷ Ifi fishingwa shafintu ifili kwisa, Lomba keshibelo Kilishitu. ¹⁸ Lekeni nangu umo ulukufwaya ukulikefya nokutota kwaba malaika kupingulwa mwebo ukufuma pamutengo. Abantu bafifi balengile mufintu ifi bamona nokwalululwa apakubula mulandu wa kulanguluka kwamubi. ¹⁹ Tekatapo ku muntu, kufuma kumutwi kwebati umubili onse mufyako nefiputulwa filalundwapo nokulishiwa kupelwa kui ba Lesa. ²⁰ Nga mwafwa pamo na Kilishitu kukuludwapo umupashi wapa kyalo. Nido mwikalile ukwalukoso pa kyalo. ²¹ ''Mwaikata, nangu kutopa, nangu kwikata''? ²² Fyonse ifintu fikonaika pa kupyunga, ukulingana ukubulana na masambishi yabu muntu. ²³ Aba bafilolo balamoneka aba kalango, namano yakulipangila amabungano yabu muntu kabili nokutengulusha kwa mubili. Lomba taba kwete umutengo kulwiso lwamubili.