¹ Penka Agilipa alilabile kuli Paulo ati , '' Pano wasuminishiwa ukulilabilila . '' Pailo alimishe ukuboko nekulilabilila ati . ² '' Mwemfumu ba Agilipa ndukwebati nashuka , pakuti ndukulilabilila kuli mwebo pafintu ifi bafwaya aba Yuda ukunshinina ukwakumbepesha . ³ Pakuti mwebo mulishibishe ukwakuti ulwishibila lwaba Juda nekitala kyabo . Pakuti pali fyefyo ndukumupapateni ati mu ngumfwe mutumanteka . ⁴ Aba Yuda bonse balyeshi amekalilo angi ukufuma kubasankwa bwangi . Balishi ifyakwikala kwangi konse pakutanga mukyalo kangi kabili namumushi wa Yelusalemi ukufuma pakutatika lukoso. ⁵ Ngabafwaya kushimika ifyangi ngabalishi ati inshiku shonse ukufuma lukoso nakukale nalikwikala ndi wamukikoto kya mwibumba lyabo ilyakukindika ba Lesa , ne kulukutonda fyonse koti nifyefyo ifibakita aba Falishi . ⁶ Lomba nabukumo ndimakene pamenso enu mukushololwesha pakuti ndukupembelela ati , ba Lesa baka konshe kulaya kwabo , ukubalaile kuli baa wishifwe . ⁷ Uko ukulaya uku imikoka yabantu besu ikumi naibili ilukuketekelo kupoka paku lukukindika ba Lesa akasuba ne bushiku . Lomba nipakuti paluketekelo ulu mwe mfumu , epo balukundobela aba Yuda . ⁸ Mbanindo , mwe muli pano , mulikumonati , kikateshe ukuketekela ti ba Lesa balukubushya na bafwa ? ⁹ Nebo kine nalikulanguluka ati uku ngelelwa ukukite fintu ifingi ifyakulile ngulula ishina lyaba Yesu baku Nasaleti . ¹⁰ Ifyo efi nakitile namu Yelusalemi : kabili nalukubakaka abengi abalungeme mukifungo , ili napokele ubukulu kuba papatilishi abakulu . ¹¹ Ena ali ba penseshya mushita ishingi namonse umwakusambishishamo nekwesekesha ukulola palibo mukubakitisha , umwenga . Nalifulilwe ifyakupekanya pali bena kabili nali kuba pensha bena nekufika kufyalo fimbi . ¹² Ili nale pyunga fino fyonse , nalile naku Damasiko namaka aya ba papatishili pakachi kanshila bamfumu nalimwene kamona; ¹³ mushila ili naleya pakachi kakasuba ba mfumu nali mwene akasuba akafumine mwiulu ukusama no kukila akasuba akene kalimonekele kulinemo nabo nalinabo bonse . ¹⁴ Ilyo bonse twaponene panshi nalyumfwile ishiwi la ba Lesa ukulabila kuli nemo mu mulaka waki Hebelewu , 'Saulo , Saulo , nindo mule kyushisha ? Kiliko sele kuli webo ukupanta in'ombe .' ¹⁵ Kabili nali labile ati , ' Nimwe banani mwe bo Lesa ? Lesa alyasukile ati nine Yesu mwaipeye pakaluvale. ¹⁶ Pano buka imakana namolu obe . Mulandu waifi nalimonekele kuli webo no kukwimika ayi wikale kabomba kabili nemboni pafintu waishiba pali ine nafimbi ifi nkakubula nafimbi ifi uka mona . ¹⁷ Kabili nkakupokolola kubantu naku Jentile ukunkakutuma . ¹⁸ Ukwisula amenso abo nokubafumya kufya mumfishi ukuya kulubuto , ukufuma kubutemwe bwa satani ukuya kuli ba Lesa , ukuti Lesa akabalekeleko imilandu shaba , nokupyana ubufumu bwa mwiulu kuli ba Yesu Kilishitu abalifye noluketekelo . ¹⁹ Mfumu Aglipa , nshasulile ifimonwa fyamwiulu ; ²⁰ Abo abali mu ma Damasiko kabili nabali mu Yelusalemi namukyalo kyonse ikya Yudeya kabili naku ma Jentile . Nalipele amashiwi lyakwe bati koti balapila ukubwela kuliba Lesa nokubombela ba Lesa mulifyonse . ²¹ Fimo efyalengele ati ama Yuda bangikate mukipwilo no kufwa ukungipaya . ²² Kine napokelelapo ubukwashi uku fuma kuli ba Lesa ukufika na lelo , naima kana mukulondolola kubanike nabakulu , ifyalabile abasa pwishi na ba Mosesa ati fyonse fikamoneka . ²³ Ati na Yesu akachula , kabili eukekala umutashi ukushikuka kubafu . Akalabila akalumbulula ne fya ikyeya kubantu besu nakuma Jentile .'' ²⁴ Ilyo Paulo apwishishe ukulabila mfumu Fesitasi ali patile ukweba Paulo ati alitota mulandu wakusambilila sani ali tota . '' ²⁵ Paulo alikene , ati talitotele , nimwe ba mfumu . Nemo Paulo ndelabila fye ifya kishinka ukukonkelafye umulandu ifyo uli . ²⁶ Pakuti ifumu yalishibile ififintu ; penka , nalabila ukwakubula mwenso pakuti nakatashiwa kwebati takulipo nangu kimo ikya fisama kuli ye; pakuti takikitilwe mufinso . ²⁷ Muletabila mulibakashimikila , Mfumu Aglipa ? Nalishiba ati mulisumine .'' ²⁸ Aglipa alilabile kuli paulo mushita inini ati ulefwaya ukunkakatisha ukwikala umwina Kilishitu ? '' ²⁹ Paulo alyebele ati , '' Ila lomba kuli ba Lesa kana bukumo nangu kuntashi pamo nabantu benu abofwa ikyebo bakekale kwati ninemo Paulo ukwakubula iminyololo shakukifungo.'' ³⁰ Ba mfumu balimakene na umukulu , Benisi nabambi umubaikalile bonse , bali makene ; ³¹ Ilibafumine mu koti balile elyoba labila pamuntu ati uyu muntu takwete umulandu uwa kumwipaya nangu ukumukaka.'' ³² Aglipa alilabile kuli Fesitasi , uyu muntu ngabakimulekafye ngata bamutwele kukoti ya Kaesa.''