¹ Mfwile ukulitota, nangula tapali ifi limo. Lomba nakutwalilika kufilolo ne kufisulula kufuma kuli ba Shikulu. ² Ndishibile ati uyu muntu - nangu mu mubili nangu pesonde ya mubili, shishipo, pakuti Lesa alishibile. ³ Ndishibile umuntu muli ba Kilishitu uyo pa myaka ikumi na ine - nangula mumubili nangula pensonde ya mubili, shishibile Lesa alishibile uwapitilwe mwiulu lya butatu. ⁴ Ali pitilwe mu paladisa ne kufwa abipile ashelelwe kulabila abantu kulabila. ⁵ Mukwi makaninako umuntu wafyopele fyo nakulitota. Pakuti pakuli makaninako ne mwine, shakalitotepo pakuti pakunaka kwangi. ⁶ Nga nasalapo ukulitota shabe utumpile, pantu nakuli kulabila ifya kine. Sombi nakulifumyako kukulitota, pakwebati neli umo engande ngulukila ifikilile ukukila pafyo abona muli nemo nangu ukumfwa kuli nemo. ⁷ Ukulifumya mukulimya ne mwine pamulandu we bukulu nali pelwe umunga mumunefu wangi, uwakutuma kuli satana mukumpensha nemo kanshi teti ndimye koku. ⁸ Nkapapata kuli ba Shikulu pamiku itatu pamulandu wakiki, pakwebati enga kifumya pali nemo. ⁹ Pakuti kalabila kuli nemo ati,'' inkumbu shangi shifulile pali webo, pakuti amakosa yalyelelwe mukunaka.'' Kanshi kiweme alitotela pakunaka kwangi, ukwebati amakosa aba Kilishitu engekala pali nemo. ¹⁰ Kanshi ndiuwa kwikushiwa mukufwaya kwakwa Kilishitu mukunaka mukutukwa mukupeshiwa, mufyaku katasha wefibwesha munuma. Lyonse nga na ba unakile, nishi naba akosele. ¹¹ Naba utumpile! Kamumpatikisha kuli fi pantu nali ne kutotwa kuli mwebo. Lomba shalipo uwa nsoni kuli babo abaifilwe abasambishi, nangabati shalipo akantu. ¹² Utwishibilo utwabukine utwa musambishi fyeli kitikilwe muli mwebo mukushipa konse, Ifishibilo nefya kukumya ne fingelengwe. ¹³ Mwalibele shani ukubula ukukindama kukila makelesha yambi, pamulandu wakwebati shalipo ikyakulema kuli mwebo? Mufitulukile pali kuku kulufyanya! ¹⁴ Boneni! Ndi uli bambile ukwisa kuli mwebo umuku wabutatu. Shakabepo ikipinto kuli mwebo, pantu shifwayapo ifyenu ukuba ifyangi. Ndukufwaya mwebo. Pakuti abana teti bapyungile abafyashi, sombi abafyashi ukupyungile abana babo. ¹⁵ Kaba ulipeleshe ukupana nekupanwa pa myeo shenu. Nga ndi mitemwisheni, mwingatemwa shani panini? ¹⁶ Kwati ifyo kili, shamipelenipo ifya kulema. Lomba ifi mbele ukangela nali mikatileni mufya kutumpaika. ¹⁷ Kanshi kabapo ne shiko pali mwebo pamulandu wa bantu abo natumine kuli mwebo? ¹⁸ Nali kambishe Tito ukuya kuli mwebo kabili katuma ne mubyakwe umbi ukuya naye,: kanshi Tito kakwatilapo ishuko pali mwebo? kanshi tatwendele mumupashi umo wenka? Kanshi tatwaendele mutapulo shimo shenka? ¹⁹ Mulelanguluka ati impindi shonseshi twali kulikingilile kuli mwebo? Ku menso aba Lesa mweba temwe bangi twali kulabila fyonse muli ba Kilishitu pamulandu wakumikoselesheni. ²⁰ Pakuti ndi ne mwenso ati nganaisa teti misange kwati fintu ntontokanya. ndi ne mwenso ukwebati teti musange kwati ifyo mulanguluka. Ndine mwenso ukutina, ulwenfyo, ukukosesha imitima ne kubula ukufwana. ²¹ Ndine mwenso ati ngana bwela, Lesa wangi enganasha kuli mwebo. Ndine mwenso ati benga litilwa ku bengi abo abakupulaisha pali ilya mpindi kabili abatabalapile kufya kubifya fyabo ne fya bukengeshi ne kulibika mufya kaso ifyo balukuukita.