¹ Nemo ndesumisha pakuti mwebo mulakita mukubika mukusutula pamo na nemo muli bamo abakita ifya kutupaikwa. Pakuti mwebo muli nekusumina ukufibika mukusutula pamo na nemo. ² Penka nemo ndi ne bukwa pali mwebo, nemo ndikwete ubukwa bwa bulesa pali mwebo. pakuti nemo nali kubalayeni mwebo mu fyakwambisha kuli umo umwalalume ukupwa. Nemo nali milaileni nekupela mwebo kwati uswetelele umwanakashi kuli ba Kilishitu. ³ Pakuti nemo nekuchina ati kwati nifyopele fyo, Ifyo na mulolo atupaikile Eva pafyo ali nekukengela, mwebene imilanguluko ifwile yaba ilipekenye kwati kuya mushila ukufuma na mukulanguluka kwenu kabili kuwama kwa milanguluko kuli ba Kilishitu. ⁴ Pakuti kani pakati pali umo ulukwisa ne kutulisha na umbi Yesu utauli ni uyo umo fwebo twatulishe. Nangu kani nipali mwebo twapokelele ne upuseneko mu mupashi utali niuyo mwebo mwapokelele. Nangu kani nipali mwebo mwapokelele ne ikipuseneko ikyebo kiweme kwati ni kimo mwebo mwapokelele. Mwebo bikeni pamo ifi fintu fyonse bwino ukwelelwe! ⁵ Pakuti nemo ndalanguluka ati nemo ndi mukubula palyabo abalilemesha napalyabo bonse abakilwe mubuleme bwaba tuminwe. ⁶ Pakuti neli nipali nemo ndi uwakubula ukusambilila mu kulabila, nemo ndi utakwetepo ukusambilila mu fya kwishiba. namuli yonse ishila kabili namuli fyonse ifintu fwebo tukwete ukukita ifyo tatwishibile kuli mwebo. ⁷ Mba nindo nemo mbifya pa kulikefya nemo nemwine pakuti mwebo mulaba mukulimya? Fyopelefyo nemo jikakulukile mukutulisha ne kyebo kiweme kuli ba Lesa kuli mwebo. ⁸ Nemo shibapo naambi amakelesha pa kusuminisha ubukwasho ukufuma kulibo pakwebati nemo imbe nekuba pulusheni mwebo. ⁹ Penka nemo ilyo nali kuli mwebo kabili nemo nali mukufwaikwa. Nemo shakichilapo mukukatashapo nangu uo. pakuti mukufwaya kwangi kwali kukumanama ne bakwabesu abo abafumine kuMakedonya, muli fyonse fintu nemo ndaba nekusunga ne mwine ukufuma mukuba uwakulufyanya kuli mwebo, kabili nemo katwalilila ukuli kukita ifyo. ¹⁰ Penka na bukishika bwa ba Kilishitu ubuli kuli nemo, ifya kulitota kwangi kuli ne mwine takulipo kwa kwila kelele mu mapusha aku Acaakaya. ¹¹ Mba nindo? pakuti nemo shikwetepo uku batemweni mwebo? Ba Lesa bali shibile. ¹² Kabili pakwebati nemo ndakita nemo ukuli kulama ifyokita, pakwebati nemo kabe ne kufumyako ifyo ififwaikwa kuli bonse abo ababa ne kufwaya kuba kwati ni fwebo na mufintu ifingi bena bulitotelamo apakulu. ¹³ Pakuti abakubefi abantu bali bele bakutupaika abekilwe kabili balalyalula mukubomba, penka balalilangisha bekabo abene kwati bekilwe ba ba Kilishitu. ¹⁴ Kabili ifyo tafili fyakusakamana, Penka nangu ni satana alalyalula umwine ukuba nikalamba ya kutuba. ¹⁵ Ifyo tali fikulu ifyakusakamana ifi ku bapyungishi abo abalyalula bwa abene ukuba nitangishi sha bulungami. penka lukoso ukupelelwa kwabo kukaba kwati kwa milimo yabo bakichile. ¹⁶ Nemo kalabila nalibili: mweleka nangu umo alanguke nemo ndi tupile, pakuti ifi mebo mukita, mukupokelela nemo kwati mutupile penka nemo kaba nekulitota na kutunini. ¹⁷ Pakwebati nemo ndi nokulabila pali fyo ifyakutota konse ukwa kupemamo - nemo ndi ne kubula ukulabila ne shila yaba Shikulu kwati - nemo ndi ne kalabila mufya kutupa. ¹⁸ Penka lukoso abengi abantu balalitota mukulingana na kumubili nemo ndaba ne kulu kulitota. ¹⁹ Pakuti mwebo mulatemwa mukubika pamo ifya kutupa, mwebo mulya abamano mwebo mwebene. ²⁰ Pakuti mwebo mulabika pamo ukuba umbi umo nekuba ena nikalume kuli mwebo, nga ena abakaneni mwebo, nga ena apita ifyelelwe kuli mwebo, nga ena alilemya uyo umwine, nangu ne ena abapamene mwebo naku menso. ²¹ Nemo nekulabila ne kulipufya nemwine ati fwebo tube abanakile ne mukita ati, nga pali umo ulitota - nemo ndi nekulabila kwati mutupile, nemo kali kulitota. ²² Kani penka aba Ebeya? Efyenka ndi ni nemo, kani penka ba Isilaeli? Efyenka ndi ni nemo, kani penka ba mukikota kya kwa Ablaama? Efyenka ndi ni nemo. ²³ Kani penka mupyungishi wa ba Kilishitu? (Nemo kalabila ukuba kwati nemo tafikofumo mumano angi) Nemo ndi ne fingi: mufya kubomba mumilimo, na mwingi lya mukaleya, na mukupumwa ukukilapo mukipimo, na mukusangwa ukwingi mukufwa kwaku kengesha. ²⁴ Ukufuma impindi nemo kapokelela shisanu mpindi ne ''makumi ane ukupanwa mukukepa kumo.'' ²⁵ Shitatu mpindi nemo nalibele mukupumwa pamo mumusebo, Limo lukoso nemo kanda swaamabwe, shitatu mpindi nemo kapanwa kundondo, nemo kamba ne kulala ubushiku kabili nabumo ubushiku nalikele pamanda atali. ²⁶ Nemo kaba mukuba mu myando palwendo, na mufyakukasha ukufuma munika, namufya kukatasha ukuma kuba kwipayañgana, na mufyakukatasha ukufuma mubangi abantu. na mufyakukatasha ifya mumushi, na mufyakukatasha ifya mupanga namufyakukatasha ifya mukishiba, na mufyakukatasha ifyakumakubakwasu. ²⁷ Nemo kaba nekupuluka kumilimo na ku fyakwesekwa, na mufingi mukulalushuka ubushiku, na musala na mukupenga, na mukwila mukuleka ukulya, na mupepo kabili na mukusakula konse. ²⁸ Na fimbi ukufuma kuli fyonse ifintu tafyali, penka lukosa ifilibele ne shiku shonse ukulanguluka pa kuba nemo mumalangulushi apali onse amakelesha. ²⁹ Uyo uli nekunaka, kabili nemo ndi uwakubula ukunaka? Uyo uli nekuba mukutwala na mukilitutula, kabili nemo ndakitapo ukumulekesha? ³⁰ Nga nemo nda litotapo, Nemo kali kulitota pakwebati ndangishe mukunaka kwangi konse. ³¹ Penka ba Lesa kabili baWishifwe na ba Shikulu Yesu, ni bamo abo abali nekushesha ishiku shonse isha muyayaya, mukwishiba ati nemo ndi nekubula ukubepa! ³² Na ku Damasiko, ikilolo kya mfumu Aleta kyali kulama umushi wa Damasiko bali kwete nemo. ³³ Pakuti nemo balibele nekuselusha mu kitumbe ikyali kuwindo mu kibumba, kabili nemo kafyuka ukufuma ku maboko abo abene.