¹ Ukulutana kubungika kwabana bakwa Lesa aba mushilo: fyenka na layile kumakelesha aya mungilatiya, na mwebo mukakita fyenka fyo. ² Pabushiku ubulantanshi ubwa mulungu, mwense umo umo mulitulile kyalimo ifya milambu kwenu kuli ngana nefyo mukwete mukokite fi pantu takwakabe ukubunaya ili nkesa. ³ Kabili ili nkafika benka balya mwamona ukufikilamo ebo nkapela akamakalata ayakubalambula kabili nkabatumo ne fyabupe fyenu ku Yelusalema. ⁴ Nga kilengelelwe nemo ukuya, bakuya na benu. ⁵ Lomba nkesa kuli mwebo ili nkpita muMakedonya. Pakuti nkapita muMakedonya. ⁶ Pambi nkekala na mwebo nangu mumpindi ya mwela. Pakuti mu kanga fweko mulwendo lwangi. konse uko nkaya. ⁷ Pakuti nsilekabila ukumimona bukumo mwebo kwati umweni ulepita. Pantu ndeketekela ukwikala namwebo mupindi shingi. Anga ba Shikulu ba suminisha. ⁸ Kabili nkekala mu Efesa ukufika nakunshita lya kupentekosta. ⁹ Pakuti ikibi ikikulu kyangiswilwa nemo, lomba muli abapate abengi. ¹⁰ Nga kya kuti Timote afikoko, mubone ukwebati akekale na mwebo ukwakubula umwenso, Pantu ena alapyunga imilimo iya ba Shikulu kwati ifyo nkokita. ¹¹ Tekuti muleke umo amusule yowo, kabili mukamu kwasheko mulwendo lwakwe mumutende, ukwebati akese kuli nemo. pantu njimuketekele ukwisa ne bakwabo. ¹² Lomba pamulandu wamukwasu Apolose, Namipapachileni makosa ukwebati akamipempule ne babyakwe. Pakuti takwali kufwaya kwakwe ukwebati ese bwangu. Lomba akesa pampindi iyelelwe. ¹³ Kamulaba ne kukengela, kamukosela mukiketekelo, kamukita kwati balalume, mube abakosele. ¹⁴ Lekeni fyonse mukite kamufikita mubutemwe. ¹⁵ Mulishibile aba muñanda yakwe Stefano, ati bali ifisepo ifi tanshi ifya kwa akaya, ne kwebati bali lipeleshe abene kumulimo ku bantu abashilile aba ba Lesa. Lomba nkomikambisha, mwe bakwasu. ¹⁶ Nekuba mukuli pelesha ku bantu aba fifyo nakuli bonse abakwasha mu milimo ne kupyunga na fwebo. ¹⁷ Ndasangalala pakwisa kwa Stefwano, Fotunatusa ne Akayikusa. pakuti bena bapingakenapo mukubulapo kobe. ¹⁸ Ifyo babweshamo umupashi wangi ne wenu. Lomba, suminisheni abantu nibena. ¹⁹ Amakelesha aya muasha atuma imitende kuli mwebo Akwila ne Pilisila bamiposheni muli ba Shikulu ne kelesha lya mumishi yabo. ²⁰ Abakwasu bonse bamiposheni liposheni umo ne munakwe ne kuli fyompo bumushilo. ²¹ Nemo, Paulo, Nalembe fi ne minwe yangi. ²² Kani umbi tatemenwepo ba Shikulu, nga fingwe. Ba Shikulu besu, iseni! ²³ Ubupe bwaba Shikulu Yesu bube na mwebo. ²⁴ Ubutemwe bwangi na bube na mwebo bonse muli ba Kilishitu Yesu.