¹ Beni abakuba ne butemwe ne kufwaisha impese sha mupashi, ikikulu ati mwingaba kusesema. ² Pakuti ulya ulabila mululimi talabilaku bantu lomba kuli ba Lesa. Takulio umufwisha pantu alalabila ififiseme mumupashi. ³ Na ulya uwakutulisha alalabila ku bantu mukuba kusha, mukubemya, ne kubetekenesha bonse. ⁴ Lomba ulya ulabila mundimi alalikusha umwine, pantu uwakutulisha alakusha ikilonganino. ⁵ Ifi nafwaisha bonse nga mwalilabile mundimi. Ne kukilapo lukoso, nafwaisha nga mwali abakutulisha. Uwakutulisha alikilile ulaabila mundimi. (kani mwaba uwakulumbulula ukwebati ikilonganino kinga kula). ⁶ Lomba pano, mweba byangi, nga naisa kuli mwebo ili ndalabila mundimi, mba nifindo ifyo ninga minonkesheni? Tekutipo, kani nalabila mukufisulula, nangu mukalango nangu mukutulusha, neli ukusambilisha. ⁷ Munshila fye imo ifyambeshe ifitafipelepo mweo ngafilemba - kwa misankayi ne ñoma. ngaafile imba ifipusene, kwati umuntu aishiba shani ifyo umusankanyi neli iñoma ilukwimba. ⁸ Nga kwebati ulupenga lwaimbwa mushiwi ishili bwino - umuntu kuti aishiba shani impindi iya kulipekanya kuya kunkondo? ⁹ Ekimo fye na mwebo ne lulimi nga mwaabila amashiwi akubula ukufwinka, nge fyalabilwa kuti fya ufwika shani? mukali kulabila fye mumwela. ¹⁰ Muli ifitundu ifingi ifyakubula ukutwishika mukyalo kabili takulipo ikitaki kwetepo ubupilibulo. ¹¹ Lomba, nga shishibile ifyo umutundu alukupilibula nkaba umweni kuli ulya ulu kulabila kabili ne ulukulabila akaba mwensu kuli nemo. ¹² Efikili na mwebo. Ili mwafwaisha ukuboneka kwa mupashi, fwaisheni ukukula mwakyalo nanino pakwebati mwingaya pantungile. ¹³ Kanshi onse ulu kulabila mundimi atembele ati engalumbulula. ¹⁴ Nga na lomba mundimi umupashi wangi alatembela, lomba akalango takakwatapo ifisabo. ¹⁵ Kanshi kitendo? Na kulomba ne mupashi wangi, kabili na kulomba nakalango kangi. Nakwimba ne mupashi wangi, kabili nakwimba ne kalango kangi. ¹⁶ Nangabefyo, ngamwapala ba Lesa ne mupashi, nga aba pesonde kuti ba labila shani ati, ''Ameni'' ili mulikutota ngatamwishipo ifi mulukulabila? ¹⁷ Pakuti mulapela ukutota ukufikilemo makosa, lomba bambi abantu tafile bofwapo. ¹⁸ Natota ba Lesa pakwebati ndikulabila mundimi ukukila mwebo bonse. ¹⁹ Lomba mwikelesha ninga labila amashiwi asanu mukumfwa kwangi pakwebati ninga tungululapo bamo, ukukila amashiwi imyanda ikumi mundimi. ²⁰ Mweba byangi, mwiba utwana mukulangulula kwenu. Lomba, pamulandu wakibipile mube kwati nikeke. Lomba mukule mukulanguluka kwenu. ²¹ Kilembelwe mwifunde ati, ''Kubantu bandimi shabukumo kabili ne milomo sha beni nkalabila kuli baba bantu. Napo tabakangufwepo.'' Ifya labila ba Shikulu. ²² Kanshi indimi keshibilo, tali kubasumine, Lomba kubatabali abasumine pano ukutulisha keshibilo, kubashili abasuminina, lomba kubasuminia. ²³ Fyenka nga kyabati ikelesha lyonse lyaisa pamo kabili bonse balabila mundimi, kabili abaposonde ne bashili abasuminina baingila tekuti balabila ati bafulungene? ²⁴ Pakuti bonse nga mwali kusesema kabili ne bashili abasuminina ne ba posonde baingila, ali ne kwikatwa ne mashiwi onse alukumfwa. Ali ne kupingula na mashiwi ali kulabilwa. ²⁵ Ifyanfinso fya mumutima wakwe fili ne kufisululwa. Nefikafumamo, ali ne kupona panshi ne kutota ba Lesa. Ali ne kubilika ati kyakine ba Lesa bali nafwebo. ²⁶ Nga ikikonkelepo nikindo, mweba byangi ili mwisa pamo, kila umo ali ne lwimbo, nefya kusambilisha, nefyakufisulula, ne lulimi, nangu ifyakupilibula kiteni fyonse pakwebati mwinga kusha ikelesha. ²⁷ Nga umuntu alabila mundimi, nga kube umo nangu babili nangu batatu abakupilibula, kabili umo engapilibula ifile labilwa. ²⁸ Lomba nga tapali uwakupilibula bonse nga bekale shilili mwikelesha kila umo nga lilabilile umwine kuli ba Lesa. ²⁹ Abakutulisha babili nangu batatu kaba labile, kabili bambi bomfwe ne kukebelesha ifiluku labilwa. ³⁰ kabili nga kuli ikyakusululakuli umo uwikele lekeni umutanshi ekale kelele. ³¹ Pantu uli onse engasesema umo umo pakwebati umo enga sambilila kabili ati bonse bengasuntulwa. ³² Pakuti imipashi yabakasesema ili pelwe kuli bakasesema. ³³ Pantu ba Lesa talipo wakifumfulu, pakuti uwamutende. Ili efunde mumakelesha onse abaswetele abakwa Lesa. ³⁴ Abanakashi kabekale shilili mu makelesha. Taba lembelwepo ukulabila. Lomba, bafwile ukunakila, kwati ifilabile ifunde. ³⁵ Nga palipo fimo ifyo balukufwa ukusambilila, kabepusha abalume babo kuñanda. pantu kyansoni umwanakanshi ukulabila mwikelesha. ³⁶ Ishiwi lya kwa Lesa lyalifumine kuli mwebo? Emo mwenka yaishileko? ³⁷ Umuntu nga alelangukila ukuba kasesema nangaba uwa mupashi afwile ukwishiba ati ifintu alembele lifunde ukufuma kuli ba Shikulu. ³⁸ Kabili umuntu ngatafipo ifi, eba uwakwishibwa. ³⁹ Fyopele fyo mweba byangi, fwaisheni ukusesema, kabili mwibakanya bonse ukulabila mundimi. ⁴⁰ Lekeni fyonse fikitwe bwino kabili mukonka.