¹ Pafya bupe ifyo mupashi, mwebakwasu, nshilefwaya mwebo ukubula ukumishibisha. ² Mulishibile ukwebati ili mwali abena fyalo, mwalikutwalwa mumbi kutulubi utu tatulabila, mumashila onse umo balemitangilila. ³ Palififyo ndefwaya mwishibe ukwebati takulipo ulabila ne mupashi wakwa Lesa uwenga labila ati, ''ba Yesu bafingwa.'' Takulipo unga labila, ''ba Yesu baShikulu.'' kani lukoso ukupichila mumupashi wamushilo. ⁴ Pakuti kuli ifya bupe ifipusene - pusene, lomba umupashi umo. ⁵ Kuli imilimo ishipusene - pusene lomba ba Shikulu bamo; ⁶ Kabili kuli imitundu ya milimo ipusene, lomba Lesa fye umo ulebomba monse monse. ⁷ Pakuti umo umo alipelwe ukumoneka kwaku bomba kwa mupashi ukwa kumwenano bonse. ⁸ Pakuti kuli umo alipelwe kumupashi amashiwi ya mano ya kifyalilwa, bambi nabo bali ne mashiwi ya mano ya kufunda. ⁹ Kuli bambi nabo balipelwe ikiketekelo kwenka kumupashi umo, kuli bambi ikyabupe ikya kutendulusha kwenka kumupashi umo. ¹⁰ Kuli bambi balipelwe imilimo iya kunkamana, nabambi uwakushimika bambi balipelwe amakosa aya kupusanya imipashi, bambi ikyakulumbula injimi, naba bambi ukwishiba imitundu shandimi ishi pusene pusene. ¹¹ Iyi yonse milimo ya mupashi umo wenka ukupela ifya mabupe kuli umo umo pamuntu kwati kusala kwakwe. ¹² Pakuti ifi ali umubili umo kabili kuli fiputulwa ifingi fya wenka umubili, Efili naba Kilishitu. ¹³ Kwenka kumupashi umo eko fwense twabatishiwe kumubili umo, Nangu aba Yuda nangu aba Ngiliki, nangu abasha nangu muli ubwana bwabene, fwense twalinwineko kwenka ku kumupashi umo. ¹⁴ Pakuti umubili tauli ne kiputulwa kimo, lomba fingi. ¹⁵ Kani ukulu kwa labila ati,'' ifyo nshili ukuboko, nshilipo ikiputulwa kya mubili,'' Nshilipo ukubulwa kwakiputulwa kya mubili. ¹⁶ Kabili nga ukutwikwa labila ati, ''Pantu nshili ilinso, nshili ikiputulwa ikya ku mubili,'' Talipo ukubulwa kwakiputulwa kya mubili. ¹⁷ Kani kya kwebati umubili onse ali ilinso, mba ni kulipi akalango kakumfwa kakalikuipi? kani umubili onse ali ukutwi, mba kwisa ukwakumfwila ubwema? ¹⁸ Pakuti ba Lesa balifibikile ifiputulwa, ikipalwakiko, Bonse umo umo, mwenka mumubili fyenkefyo afwayile. ¹⁹ Nga lomba kuli ifiputulwa fimo fyenka, nga umubili nga walipi? ²⁰ Pakuti lomba kuli ifiputulwa ifingi, lomba umubili umo. ²¹ Ilinso tekuti li labile kukuboko, ''nshile kufwaya webo'' ''Umutwi tekuti alabile kumolu, ''nshile kufwaya webo.'' ²² '''Pakuti ifiputulwa fya mubili ifimoneka ukumaka efilemene. ²³ Penka fiputulwa fyesu ifi tafimoneka fililemene ukwakuti. Naba palamono besu bali kwete ubuleme. ²⁴ Pakuti ifiputulwa fyesu ifimoneka tafikwete inkito. Lomba ba Lesa bali pangile umubili, kuupela umukinshi kuli filya ifiputulwa ifibulilwepo. ²⁵ Alikichilefi mukwebati fyengabula ukwaba ninama mumubili ifiputulwa fifwile ukuli sakamana ifine ne fine ne kutemwa kumo. ²⁶ Ukwebati ikiputulwa kimo nga kya kyula, ifiputulwa fyonse fi kyule pamo,' nangu nga kiputulwa kimo kyapelwa mukinshi, ifiputulwa fyonse fisangalale pamo. ²⁷ Lomba muli umubili wakwa ba Kilishitu ne fiputulwa ifya bushimwa ifyaiko. ²⁸ Naba Lesa kabasala mwikelesha abatumwa abatanshi. Abakushimika ababubili, Abakusambilisho ababutatu, ili na balya abakokita ifyakukumya. Eli ifyabupe ifya kutendulusha, nababo abapela, ifya kukwasha, nababo abakubomba mufya kutanshika, nababo abakwete injimi ishipusene pusene. ²⁹ Bushe bonse abatumwa? bonse abakushimika? Bonse ni bakasambilisha? Ni bonse abakita ifyakukumya? ³⁰ Ni bonse abakwete ifyabupe ifya kutendulusha? Bonse pamo balalabila mu injimi? Bonse pamo balatuntulula mu njimi? ³¹ Ne munkonsha fwayeni ifya bupe ifikulu. Lomba nkamilangisha mwebo inshila iweme makoso.