¹ Beni aba nkusombolola nemo ngefyo nemo ndi uwakuba sombolola ba Shikulu. ² Pano namitoteni pakuti muli kunganuke muli fyonse. Namitoteni mwebo pakuti mwakwachilila ne makosa kukufyalilwa fyenka naba letele kuli mwebo. ³ Pano ndukufwaya mwebo ukumfwa ati Kilishitu emutwiwa mwalalume, kabili umwalalume emutwi wa mwanakashi, kabili naba Lesa emutwi waba Kilishitu. ⁴ Onse umwalalume umo uli kutembela nangu ukwaula nemutwi wakwa uyo tafimbilwe asula umtwi wakwe. ⁵ Pakuti umwanakashi uli kutembela nangu ukwaula nemutwi wakwe uyo tabafimbile asula umutwi wakwe. Pakuti pali kiki kintu lukoso naulya umwanakashi wabeya imishishi shakwe umukusu. ⁶ Pantu umwanakashi nga tafimbile umutwi wakwe, afwile abeya imishishi mukushipikishisha. Nga kya kwebati kya nsoni umwanakashi ukubeya imishishi nangu ukubeya ipala, lekeni afimbe umutwi wakwe. ⁷ Lomba kumwalalume tafwile ukufimba umutwi wakwe, pantu kipashanyo kyabuleme bwaba Lesa. Lomba umwanakashi kyabuleme bwa mwalalume. ⁸ Pantu umwalalume tapangilwe ukufuma kumwanakashi. Pakuti palififyo umwanakashi ali pangilwe ukufuma kumwalalume. ⁹ Sombi palififyo umwalalume tapangilwe umwanakashi. Pakuti, umwanakashi ewapangilwe umwalalume. ¹⁰ Iki ekilengele umwanakashi ukukwata ekeshibilo kansambu kumutwi wakwe, pamulandu wa ba malaika. ¹¹ Palififi, muli kapa umwanakashi talipo ukakulukile ku mwalalume, nangu umwalalume talipo ukakulukile ku mwanakashi. ¹² Pakuti umwanakashi alifumine kumwalalume, fyenkefyo umwalalume naye alifumine ku mwanakashi. kabili ifintu fyonse filafuma kuli ba Lesa. ¹³ Lipinguleni mwebeni: Bushe kiweme kumwanakashi ukutembela kuli ba Lesa ukwakubula umutwi wakwe ukufimbwa? ¹⁴ Bushe ikifyalilwa nakyo takusambusha ati nga mwalalume alikwete imishishi ishitali, takipela umukishi kuliye? ¹⁵ Bushe ikifyalilwa nakyo takisambisha ati nga umwanakashi ati nemishishi ishitali, lulumbi lwakwe? Pakuti imishishi shakwe shilipelwe kuliye nga ikya kuli fimba. ¹⁶ Lomba umo nga ulukufwaya ukupachika pali fifi, tatukwentepo fimbi ifyakukita, nangu ifi puilo fya ba Lesa. ¹⁷ Lomba mukunkoka ifya kumwenako, shikomitota. Sombi ili mwaisa pamo, takili ikiweme pakuti ikibipile. ¹⁸ Pakuti mupindi ya kutachika, naumfwa ati ili mukesa bonse mwitepule muli amabano muli mwebo, kabili mukiputulwa kya kutatika nasumina. ¹⁹ Penka pali lingile paba ifya kukita pakatukenu, pakuti pali babo abasuminishiwe bengaba abakumoneka pali mwebo. ²⁰ Ili mwaisa pamo, tali kililo kyaba kapa iki mulya. ²¹ Ili mwalya, umo naumo alalya ikyakulya kyakwe ilyo abakwabo taba nga poka ikya kulya. Umo ali ne nsala naumbi kapendelwe. ²² Tamukwete amañanda umwakulila nekunwina? Mulefya itepuli lya ba Lesa nekususha aba tabakwete nangu fimo? pano kuti nalabila ati shani kuli mwebo? Kuti namilumba nyeni? Shamilumba nyeni pali fifi! ²³ Pakuti nali pokelele kuli ba kapa ifyo napele kuli mwebo, pakuti ba kapa ba Yesu, pabushiku ba esekelwe, balitolele umukate. ²⁴ Pakupwisha ukupela ukutotela, bali mokwele ne kulabila, Uyu emubili, uyo uli wenu. Mukalikukitafi mukundanguluka.'' ²⁵ Mushila imo yenka alibulile inkomeki ili bapwishishe ukulya, nekulabila,'' iyi ninkomeki yakilayañgano kyabukumo ikya mumulopa wangi. Mulikukitafi lyonse ili muli kunwa mukunganuka.'' ²⁶ Imipindi yonse ili muli kulya umukate ne kunwa iyi nkomeki, mulatulisha imfwa ya Yesu ukufika ne mpindi ya kwisa. ²⁷ Uyo onse, uwabo, uwakulya umukate nangu ukunwa inkomeki yaba kapa mumusango amano abipile akashininya kumubile naku mulopa waba kapa. ²⁸ Lekeni umuntu alipime umwine pakutatika, kabili muliki mulekeni alye umukate nekunwa ku nkomeki. ²⁹ Kuli uyo ulya nekunwa ukwakubula kupima umubili alalya nekunwa ne kulipingula umwine. ³⁰ Ekyalengela abengi muli mwebo banakile nekulwala, kabili bamo muli mwebo bali mutulo twa lufu. ³¹ Lomba nga twalipima fwebene, tatwaka pingulwe. ³² Lomba nga twapingilwa kuli ba kapa, kufundishiwa, pakuti twikaba aba kusulwa pamo ne kyalo. ³³ Paliki, mwebakwasu, ilyo mwaisa pamo mukulya, lipembeleni umo ne mukwabo. ³⁴ Nga kya kwebati umo ali nensala, mulekeni alye kuñganda, pakuti ili mwaisa pamo takyabe ikya kupingula. Kabili pali fimbi mwalembele, nkanyebeni ifyakukita ilyo nkesa.