¹ Xa que Cristo padeceu na carne, armádevos vós tamén do mesmo propósito, pois quen padeceu na carne terminou co pecado, para ² vivir o tempo que lle queda na carne, xa non para os desexos humanos, senon para a vontade de Deus. ³ Porque o tempo pasado xa foi suficiente para ter feito o que agrada aos xentís, tendo andado en sensualidade, luxurias, borracheiras, orxías, esmorgas e idolatría abominable. ⁴ E así lles extrana que non andedes con eles no mesmo desenfreno de vicios, e vos insultan; ⁵ mais eles darán conta naquel día que está preparado para xulgar aos vivos e aos mortos. ⁶ Porque con este fin foi predicado o evanxeo aínda aos mortos, para que aínda que sexan xulgados na carne como homes, vivan no espírito conforme a vontade de Deus. ⁷ Mais o fin de todas as cousas está perto; sede pois prudentes e de espírito sobrio para a oración. ⁸ Sobre todas as cousas, sede ferventes no voso amor os uns polos outros, xa que o amor cubre multitude de pecados. ⁹ Sede hospitalarios os uns para os outros, sen murmurar. ¹⁰ Como cada un de vós recibiu un don especial, úseo servindo os uns aos outros como bons administradores da multiforme graza inmerecida de Deus. ¹¹ O que fala, que fale conforme a palabra de Deus; o que sirve, que o faga pola fortaleza que da Deus, para que en todo Deus sexa glorificado mediante Xesús Cristo, a quen pertence a gloria e o poder polos séculos dos séculos. Amén. ¹² Amados, non vos sorprendades polo lume da proba que saiu de en medio de vós para probarvos, como se algunha cousa rara estives acontecendo; ¹³ mais ben, na medida en que compartides os padecementos de Cristo, alegrádevos, para que tamén na revelación da sua gloria vos alegredes moito. ¹⁴ Se vos aldraxan polo nome de Cristo, benaventurados sodes, pois o espírito da gloria e de Deus repousa en vós. Certamente, por eles El é blasfemado, mais por vós é glorificado. ¹⁵ Que de ningún xeito sufra algún de vós como asasino, ou ladrón, ou malfeitor, ou por entremetido. ¹⁶ Mais se algún sofre como cristián, que non tse avergoñe, senon que, como tal, glorifique a Deus. ¹⁷ Porque é tempo de que o xuizo comece pola casa de Deus; e se comeza primeiro por nós, cal será o fin dos que non obedecen o evanxeo de Deus? ¹⁸ E SI O XUSTO SE SALVA CON DIFICULTADE, QUE SERÁ DO IMPIO E DO PECADOR? ¹⁹ Por conseguinte, os que sofren conforme á vontade de Deus, encomenden as suas almas ao Creador, facendo o ben.