¹ Yang naku wisna, prapati briaia uplika ba tukta sa kaka, alba lâ kara kum ba wal sim pitka sa, tasbaia ul ba dawan ka kabia sin. ² Witin ba ta brabrira, pura kakaira nani mina munhtara sa aisika bila âhkia kat wibia kaka. ³ Yawan sin tuktan kan pyua ra, tasba daukan ka mita alba lâ kara kan. ⁴ Kuna ai pyua balan bara, Dawan ai luhpia blikan balan, Musis lâ ka ba tilara an mairin biara ra. ⁵ Naku daukan na upla kum kum ra prî sakaia dukiara Musis lâ ka bila ra iwi nani bara, baku sin ai luhpia takbia dukiara. ⁶ Bamna manani sika witin luhpia sma na bila, Dawan ai luhpia pirit ka wan kupia ra blikan, witin naku aisi sa: "Abba, Aisa." ⁷ Baku nara man alba lâ kara apia sma, luhpia kum sma, luhpia sma kaka, Dawan prapati ka ba sin man wal sa Krais bilka bak. ⁸ Manani kau Dawan kaikras karam pyuara, taibi maimuni alba lâ kara mai brikan, witin ka nani Dawan baku sin apia yaba, tasba karhni ka kum kum bri ba wal. ⁹ Kuna nanara manani Dawan ra kakaira takram, kau pain wiaia kaka, Dawan wina mai kakaira takan, nahki tankara kli suapni kamra an lâ apia dukia nani ra taûma? Kli alba lâ kara banhwi kaihma? ¹⁰ Manani ba kulkan ka yabisma, kâti raya, bak sakan Pyua naniba, mani ul tâim nani nahki kai ba. ¹¹ Manani dukiamra srinhki sin aidauksa, warki ba bahki pali kaia sipsa. ¹² Muihni nani, mamkabi sna, yang baku taks, kan yang sin manani baku takri. Saura kum sin aidaukras karam. ¹³ Manani pain nusma pas trip Dawan bila mai smalkatna ba pyua ra wini tara siknis kari. ¹⁴ Wîni tara ba prup mai muni banhwan, kuna manani aima kum sin saura aimuni kangbi ai sakras karam. Kau ni Dawan insal kara baku ai alkram, Jisaskrais wini tara pitka. ¹⁵ Nanara ansara sa yamni kam ba? yang manani ra ban hilp kam aisi sna, sip kaka, namkra ma ba sut daiki aikaia pitka. ¹⁶ Dia waihlam aisakuma turi rait mai wisna wisi ki? ¹⁷ Witin nani ba wanin kam lawi sa win mai takaia wisi, kuna diara pain ra aihka apia. Witin nani yang wina laiuhra mai sakakaia trai kaikisa, witin nani ai wapan kara kama dukiara. ¹⁸ Pain pali sa diara pain kum kat wan aûya pah kaia, yang mamwan ra apu kamna sin. ¹⁹ Luhpilpia nani, aima wala ra luhpa baikaia latwan kaba daira waluna manani dukiamra ahkia pyua kat Jisaskrais mai paskbia bakat. ²⁰ Manani aikuki kan aidauksa na awarka ra an aisari wihta ta na sin sins munan aidauksa, kan manani wal aitani apia sna. ²¹ Wira aiwis, manani lâ minara kan mai dauki nani sma ba, Lâ bilara ulbanba walras sma ki? ²² Ulban kara bâra sa Abraham ba luhpa wal baikan, kum ba alba lâ kara mairin ka wal, wala ba marin prî kan ba wal. ²³ Kuna kum ba wîna tara ra alba lâ kara mairin kara ba, wala prî lâ kara mairin ka bara pramis luhpia ba baikan. ²⁴ Nahnan dukia nani na praki smalkan ka kum baku sa, kan nahnan mair ka wal na pramis wal tanka wan smalki sa. Kum ba Sinai Il ka wina witin ba alba lâ kara luhpi ka nani baikan. witin nina ba Agar. ²⁵ Naha pyua ra Agar ba Sinai il ka wal praki sa Arabia ra kaka; an witin sika Jerusalem raya ba, kan witin sika alba lâ kara sa ai luhpia aikuki. ²⁶ Kuna pura ra Jerusalem ka ba aihka prî pali sa, baha sika wan yapti sa. kan ulban kara wisa: ²⁷ LILIAM BAS MAN BIARA PÂRA, LUHPA BAIKRAS SMA BA. LILIA KIRA BILAM TARA SAKI MAKAS, MANANI LUHPA BAIKAIA LATWAN KA BRIRAS SMA BA. KAN MAIRIN MAIAS LUHPIA NANI BA KAU AILAL SA MAIRIN MAÎRA BA WAL KAN." ²⁸ Manani, Isaac kata baku, pramis luhpia nani sma. ²⁹ Patitara pyuara, ya wîna tara ra baikan ba pirit ra baikan bara nina bliki kan. Nanara sin baku sa. ³⁰ Kuna, ulban kara dia wisa? " AUT RA SAKS ALBA LÂ KARA TIARA BA AN LUHPIA BA SIN. KAN ALBA LÂ KA LUHPIA BA PRÎ MAIRIN LUHPIA BA WAL PRAPATI KUMI RA BRIBIA APIA." ³¹ Baku ba mita, muihki nani, yawan ba alba lâ kara mairin ka ba luhpia apia sa, prî lâ ka mairin kaba luhpia sa.