Lisslagos-miq-HN-miskitu_gal_text

Ulbanka baiki sakan tara 1

¹ Pâl, upla nani apastilka apia, upla nani mihtak sin apia kuna Jisas Kraist an Aisa Gâd wina, witin sika pruwan wina kli bukan ba, ² an muihni nani sut yang wal ba wina, Galisa sats ka nanira: ³ Wan Aisa Gâd an wan Dawan Jisas kraist lilika lâka bara prîka lâka ba man nani wal kabia, ⁴ Witin sika aiwina tara yaban yawan wan saurka dukiara, prî wan sakaia namit taimka saura na wina, wan Aisa Gâd kupia lâka bakat, ⁵ witin ra kabia mayunra ba bankaiara bankaiara. Amen. ⁶ Aihka lukisna manani ba Jisas Kraist wina laiuhra aumaba witin sika Kraist aililika lâkara maiwinan. ⁷ Aihka lukisna kan manani ba Kraist Turka Yamni ba wina Turi sat wala smalki bara dimi aumaba. Naha sika Kraist Turka Yamni ba sat wala kum apusa, kuna waitna nani kum kum ba manani ra pât maikisa an wantsa Kraist Turka Yamni ba sins munaia. ⁸ Sipsa sin yang nani mita apia kaka Insal kasbrika wina bal aisaya Turi Yamni sat wala kum wisi yang nani bili tara maiwisna na wina, baha ba lahtuban lâkara kabia. ⁹ Aima walara pat aisari kan, namit kli aisuna: " Ya mita manani ra Turi Yamni wisi diara wala aibila tara wal maismalkuya kaka, baha ba lahtuban lâkara kabia." ¹⁰ ¿Yang ba Dawan wina apia kaka waitna nani wina rait aikulbia plikisna? ¿waitna nani kupia lâka daukaihna? waitna nani kupia lâka daukaihna kaka, yang Kraist albaya kum apia sna. ¹¹ Muihki an laikra nani, yang wantsna manani nutakma, Sturi Yamni bili tara smalki snaba, waitna nani sturka yamni apia. ¹² Waitna kumi wina sin briras, aismalkan sin apia. Natka walara, Jisas Kraist spirit ra aimadikan (aikan). ¹³ Manani pat walram sa yang ba yâ kapri patitara, yû nani lâka kat, nahki yang Dawan Sats kara tankas slinbi tikaia traikaiki kari. ¹⁴ Yû nani lâka bara yang kasak dimiwari kan, pliski wina taihkia nani ba sut pura luri kan. Baku sin wanina karhna brikari almuki nani kulkanka bara. ¹⁵ Kuna Dawan, witin yang yaptiki biara wina pat wahki aisaki an aililikara aiwinan kan, ¹⁶ aiauya pah kira Spirit ra aimadikan ailuhpiaba, yang mita lukras nani ra smalkamna Jisas ba yâ, minit ka kat yang wina tara an winka puhbra bri nani kum wal sin aisikaikras kari. ¹⁷ Yang kainira Apastil takan nani bara wih kaikras kari Jerusalem ra, yang Arabia ni wari bawina kli Damasku ra balri. ¹⁸ Mâni yumhpa luan taim Jerusalem ra balri Cefas ra kakaira takaia an takaskri witin wal yu15 (piptin des). ¹⁹ Bara Apastil wala nani kaikras kari, Jems ra baman, wan dawan Jisas muihnika. ²⁰ Naha ulbisna tilara, kasak maiwisna Dawan mawanra yang kunin maiwiras sna. ²¹ Bawina wari Siria an Cilicia tasbaya ra. ²² Kau yang ra aikakaira apia kan Yudia satska nani kraist lâkara iwi nani kanba. ²³ Witin nani walra lika wali kan: " waitna kum yukumi wan nina bliki kata namit lika kasak lukan lâka ba aibila tara smalkisa, yukumi slinbaya traikaiki kataba." ²⁴ Baku witin nani yang tainka wali Dawan ra mayunikan.