¹ Apakah yam lahap omnas, bohe-bohe ebema yat yesra ehautar vendumat mal romnas hukum pe hukum tapul yatse testamtori samo tamtori saet renonp? ² Ebema testamtori ehonmovnito rivau ete hukum ehautar ehontomtutoebe samo ehontumtuto saet enon tavun wotop tavun ehontomtuto saet aper veenonse et dari hukum mal ovau ehautar ehon ebe saet? ³ Diksamo ehontomtuto enon et romnas oveiehla vehae et aenave ehon tamtorilus, wotop saet ehontomtuto ebe aper, et veenonse saet hukum, saebe et ben oveiehla, vehae et aenave ehonmovnito tamtorilus. ⁴ Ebema saet lavun-lavunebe, yam ema ete aper ve hukum taurat saete tani Kristus, saebe yam aenave ebema tamtori lus, saete ebema et mal ete etiaeraha dari molmalse tamtori rerper, saebe rer taenvoh ve Arpames. ⁵ Ebema samo rer tenon en warilon vanggomu fetes ehlah, mal rivei ete hukum Taurat ersa warilon vanggomu fetes ehlah mal rivei ete hukum Taurat, ersa warilon anggota-anggota tani rerbe saet rer taen voh ve maut. ⁶ Wotop samomaltit rer ete ovokparerer endu hukum Taurat ebema rer ete terper ve ebe mal eyal erer saebe rer tenon maltit maitmahenei warilon keadaan havou etaen vanggomu sop ben warilon omnas bilutap etaen huruf hukum Taurat. ⁷ Saet vehae ensampana mal etemaha rer tesra? Ensampana hukum Taurat saet ehlah? Sekali-kali lahap! Iterispar saebe ete hukum Taurat yat ete eilal ehlah, saebe yatyama lahap yomnas endu haet keinginan vehaet hukum Taurat lahap esra: "Baen mengingini!" ⁸ Wotop warilon riayaar saet ehlah mit kesempatan untuk ait etia en warilon taniyabe rupa-rupa keinginan, saete lahap hukum Taurat ehlah aper. ⁹ Matan yat yenon lahap hukum Taurat, tavun wotop aopar aerama eyaar saet, ehlah oveiero enon. ¹⁰ Iterispar yat yaper sop eyaar mal etebema itoma ehautar enon, ternyata veyau saet itoma ehautar rerper. ¹¹ Ebema warilon eyaar saet, ehlah it kesempatan ete edaltar yau sop ete eyaar saet et pelavun yau. ¹² Dik hukum Taurat aenave kudus sop eyaar saet ema aenave kudus melmal sop viya.