Pasal 6

Mati dan Bangkit dengan Kristus

1 Samo vehae hova mal etemaha rer tesra? Bolekah rer tavulaen warilon ehla saebe etebema nenehau serba karunia saet? 2 Hovaetma lahap benna rerte terper titaen ehlah endutaennohova rer tenon tait hidup en warilonebe? 3 Ave lahap omnassa yam pe rer penyekse mal ete dibaptis warilon Kristus ete dibaptis warilon etaper? 4 Ebema vehae rer ete enlipi warilon tilut ebema ema ete dibaptis warilon rerper saebe etaen pave Kristus ete itetia oro molmalse tamtori rerper ete viyaebe mam fehaetema rer tavun tenon warilon tenon mal havou. 5 Ebema saet rer dik taen nave tes ebema endu mal etaen ebema itetiae. 6 Saete rer tomnas, pe tamtormal matan rer ete tataaen enslatai saebe tani ehlah rerbe veriawparrit kuasanya, sop baen rer tavei tani rerbe ema ehautar ehlah. 7 Ebema leites mal ete aper etema veenonse dari ehlah. 8 Saebe rer ete aper tilut Kristus, rer tasnania pe rer tavun tenon tilut etema. 9 Etebema rer tomnas pe Kristus itehol et etiaraha dari molmalse tamtori rerper, lahap aper ero maut lahap tapul ero yatse Ebe. 10 Ebema etopesaet aenave etehautar ehla, tarates sop ve sansenamse, sop tenon maltit taenave tenon ve Arpames. 11 Vehaemape etemaha yam etuperom pe yam ete aper ve ehlah wotop yam menon fe Arpames warilon Kristus Yesus. 12 Ebema saet etemaha ehlah baen berkuasa ero en warilon tanimube mal bilutap saebe yam baen ero ataen fanggomuebe. 13 Sop baennelah yamative anggota-anggota tanim mube ehautar ehala ete riavei aenave padai kelaliman wotop tive tanimube ehautar Arpames aenave tamtori-tamtori mal matan rerper, wotop mal samomaltit tenon sop tive anggota-anggota tanimube ehautar Arpames ete aenave padai-adai melmal. 14 Saete yam lahap tavun dikuasai ero ete ehlah etebema yam lahap menon en orehi hukum Taurat, wotop en orehi serba karunia.

Dua macam perhambaan
15 Dik taenahova? ensampana rer tavun tavei ehlah, saete rerlahap tenon enoreho serba karunia? Hovaetma lahap! 16 Endwenova yam lahap omnas pe tavun yam ativi tanimyambe ehautar testamtori aenave hamba ete etaen yam aenave hamba tamtori saet, mal hovaetma yam ataaen viya warilon ehlah mal tapul yam ehautar rerper etebema warilon etaen mal tapul yam ehautar melmal. 17 Wotop yohimuviya yohautar Arpames matan etebema yam hamba ehlah wotop samomaltit yam tilut penyekse vituavo ete mitaen ersa mal ete itokmblaohe ehautaru. 18 Yamte dimerdekakan dari ehlah sop aenave hamba melmal. 19 Yatyesra ventitit etaen tamtormal ebema bilutap yam etebema etaen pave yam ete ativi anggota-anggota tanimube aenave hamba kecemaran sop kedurhakaan mal urao mim ehautar kedurhakaan, vehae ehlah yambe tenon maltit aentap tivi anggota-anggota tanimube aenave hamba melmal mal urao yam ehautar pengudusan. 20 Ebema samo yam mivei ehlah, yam menon dari melmal. 21 Sop voh ensampana mal yam mikis dari padanya? Penyekse saet ovei yam omnas meni samomaltit, saete aopar penyekse saet ete terper. 22 Wotop samomaltit, tavun yam dimerdekakan yambe ehlah sop tavun yam aenave hamba Arpames, yam mit voh mal urao yam ehautar pengudusan sop aenave aoparait saete tenon mal senam. 23 Ebema meno ehlah saete maut: Wotop karunia Arpames saete tenon mal senam warilon Kristus Yesus Tuhan rerbe.