Pasal 8
Domba Natunmat Afok segel saet limlu
1
Et aensisya domba natumay afok segel saet limtu aenon monapar ensurga aen angker-angker it lase fro aelani matanse.
2
Et yat yorom limlu malaikat mat rifar enon Arpames cofuar limlu tompet rurfri ebope fendumat.
3
Aholok malaikat lus rimi sop rifaren altar ritapul endues pendupaan emas; et bope aurfe sefe dupa ebe dipersembahkan ritilut afei mesou-mesou tamtori-tamtori fiori en altar afo emas riabonok papo cofuar.
4
Et dupa metarfe ento nenriunar rilat mesou-mesou tamtori-tamtori fiori riha ren Arpames cofuar ren malaikat mori afo.
5
Ahol malaikat ento ritit pedupaan sop ri eisor rilat yafu saet ritit en altar sop ait atepar ok fendu warilon; saet rioflae ari tanit ndano sop metlala ema sop fenduit atop.
Trompet matan aentit trompet fau rifpar
6
Aen ofetit limlu malaikat mat ritapu trompet limlu ento omapar aenta riifpar trompet fendumat.
7
Malaikat matan riifpar trompet sop aennofe mbrofi es sop yafu ferum ama tanisil: Sop riapalpar fenduwari lon tit afo, saet fofu an aenofe toul fendu warilon sop sepertiga ai sop afuan penyek hlabirau feyau.
8
Malaikat lumat rifpar trompet mat saet aentes aenofe salomat yafuyan sop riatepar ok aen matilon warilon sop aenfau ren matilon aenofe tendisila.
9
Saet aenofe toul en aipapo sap aen matilom so aur aen ainon nafei ferperwar sop aenofetdul ren wo.
10
Malaikat mat remtoul rifpar trompet mat, saet alot ahi en onotani aentes betwi dwahe mat aparnar aenofe obor, sop betwimat fone aenofe toul rani sop blelolaha.
11
Betwi mat ebe hat aenfe Apsintus, saet aenofe toul ren rani penyeksehe aenofe Apsintus sop tamtori mat sefa rerper ren ranilinto delyak aenofe mere.
12
Malaikat enfau rifpar trompet saet riafun aen riaryak frotoul, aenofe madotoul sop aenofe betyi aryak toul waheto aenfe rarmo sop aenofe ema bope pani.
13
Aholok, yat yorom e sop yoflae raukirya mani Rajawali apor aen molmal-molmalse onotani esrakri saet ilamat nyaring aenfetes-anfetes-anfetes fendumat monapar aenfendu warilon haet tanit dmu trompet entoul malaikat lus saet rensop rifpar."