Pasal 7
Segel en ramoha 144.000 tamtori Israel
1
Fehaet yat yorom fau malaikat rifaren fau penjuru fendu warilon, fehaet riafastane fai maro fendu warilon saet tapaen sop ahur ama aemaifu afe matilon afe ai-ai.
2
Aen samoma yat yarome malaikat lus ramarak oma renpele froomrak aha saet itoma segel en Arpames sop enon et teletnar sop ila dwahe bope fau malaikat saet sop turfritapul ebe lelelnar fenduwarilon sop matilon arahap.
3
Baen nela lelelnar fenduwarilon matilon afe ai-ai aenmata mim aopar aurfri fare segel bape ramoho hamba-hamba mimbe Arpames.
4
Yat yiflo miyak yaot fendumat sop risegel sefa 144.000 tamtori fendumat penyek riaenri taniryaa laba natun-natunri Israel:
5
Saet tapunlaba Yehuda 12.000 saet tapunlaba Ruben 12.000, saet tapun laba Gad 12.000
6
.Saet tapun Asyer 12.000, saet tapunlaba Naftali 12.000 saet tapun laba Manasye 12.000,
7
Saet tapun Simeon 12.000 saet tapun lewi 12.000 saet tapun Isakhar 12.000.
8
Saet tapun Zebulon 12.000 sat tapun laba Yusuf 12.000 saet tapunlaba Benyamin
9
Fehaet ento yat yorome, melmalse mayot dwahe sop tap ait ensefa miak yak yaot enpenyek negara sop tapunlaba et fendudawehe sop fenti rifarok en cofuar torena sop aen cofuar Domba Natun, sop eisor jubahfe pamo sop dahan-dahan palem ren fendumat morilalo;
10
Sop fendumat rateletnar sop ila erasnar; aop aenfia aenofe fe mim be Arpames maros en aipapo sop haet Domba Natun
11
Et penyek malaikat sop saet rifar riyale ai papo sop saet rifarriyale tua-tua saet raurkirya sop fendumat moritaife aencofuar aipapo saet sop riafahi e Arpames.
12
Et esrak.''Amin! Snanyak e sop aenfia sop fanggo mim aenfia sop atem ahae aur aen yam sop moritaife sop tapul aen sop ebe bilu aenofe mimbe Arpames aen senam senamse.'' Amin!
13
Afei biti rentapun tapunri riesrak sop riahimtare ebope yau.'' Hambe fendumat sop riesor jubah fepamo tit sop ennihifa fendumat riama?"
14
Haet yat yesrak bape e.''Tuanku u yamnas; hofa et esrak ut ebope.'' fendumat renon tamtori-tamtori sop saet ramarak ren rifeiri fetes awahe mal saet sop ferimar jubah fendumat sop afei aen fepamo en warilon Domba Natun tanisila.
15
Haet hofa toh fendumat riafar aen corifuar Arpames papo afo sop aur aenmim et waheto sop pani ren bait saet sop et maros enpapo afo sop saet ainon sop nahi fendumat.
16
Fendumat tapse riaen melihi sop broni sarak ma fetitse hofa fro tap afei u nahi fendumat hofa mofna malse saet lusma.
17
Haet Domba Natun saet sop aur aur aen fendumat ae corirani ainonri; sop Arpames sop sohus penyek cori rani ren corimana fendumat.''