Pasal 5
Laluk Ai wali saet Domba Natun
1
Samo mal saet yat yorome ebe ma maon sop maros en papo afo saen aentes laluk aiwali, ebema ater aen ebe mana warilon sop en ebe melamuar sop disegel saet limlu segel.
2
Ut yau yorome malaikat tes kapepari saet ila erasnari. " Hambepe saet ebe afok awali ralaluk saet sop segel-segelmat?"
3
Aen nofetit tap ainon tomtues aenfia saet en surga, sop fenduwa rilon, boufe saet sop en erihi fenduwarilon sop ait afok saet arom hofa ralalur ren warilon.
4
Yat sop yotim skekienyak skekienyakma haet top aenon tomtues sop ait etop ebe afok ai wali ralaluk sop ri arome ebe warilon.
5
Saet fehit tes enonri tapun-tapun sop resrak yat yibop.' Yomnapar yatintap! Yarom, atuahi ren tapun labari Yahudi en opor ehi Daud saet atuok fehaet ait afok aiwaliralaluk saet sop limlu segelnya.''
6
Saet yau yarom aen molmal-molmal torena saet fautorena arahap saet aen molmal-molmal se saet tapun tapunri raukirya Domba Natun etiak atu, aennofetit sop riakispar saet ebema tanduk sop limlu mata haet limlu Arpames fanggomu sop ater aen penyek fenduduaheit.
7
Domba Natun sop oma sop ait ralaluk aiwali sop enne morimaon et sop maros en aipapo afo.
8
Sop fetit Domba Natun saet ait aiwali raraluk sop fau torena sop duapuluh fau tapun-tapun ri afai aen cofuar Domba Natun sop. Tes-tes ri tapul aen kecapi tes-tes sop aetes cawan emas saet daen kemenyaan sop aen mesou tamtori-tamtori fia.
9
Hofa fendumat alok laotes lao fofou esrak aen: " Ut tafun tit aiwali ralaluk saet sop riafok ebe tanisilaebe ut utsop fermar u tamtori-tamtori ren setiap suku, kaum sop fensumat rene Arpames.
10
Sop ut tafun afeinar fensumat afeinar endute sop imam-imam haet membe Arpames sop fendumat saet ritaput fendu it afo.
11
Fehaet yat yarome sop yat yoflae malaikat rorimat ren sefa saet sop riyale aipapo fau fendumat sop para tapun-tapunri sop moriaot fendumat beribu-ribu haet puluhan ribu.
12
Ilaetepari rilat ilamat sop erasnari etopaene Domba Natun sop saet akispar, sop mat sife, sop aenfia sop snaniyak e."
13
Aensamoma yat yofla fehaet torenamat saet aenon ihi surga saet aenon ihi fenduit sop aenon ri warilon penyeksehe saet ri esrak hofa et sop maros aenaipapo sop hofa Domba Natun penyek snanyak e tafahi pelefia sop tapul aen samse namsenamse!"
14
Et torena fau sop esrak sop para tapun-tapunri sujud sop moritife.