Pasal 4
Yohanes erom en surga
1
Saet sop yat yorom ramtan tes firifok en surga sop rori arahap saet yat yofla enofe trompet ila esrak e mimpe mi lat mahaha hitit sop yat yifnau yam ebope ensanpana et sop yafei yainon matil.
2
Saet sop yama fanggomu omtu ahil erer sop tarome, endues ainon aipapo en surga tomtues maros en aipapo afomat.
3
Saet ut sop maros aen aipapo afo sop arome aennofe fati permata yaspis sop Sardis sop ainon mafe baetate sop al aen aipapo mat, sop arome aennofe zamrud.
4
Eyal en aipapo et enon lu snafut fau aipapo sop enafo aipapa aopapo mal sop yat yarom lusnafut fau tapun-tapun ri rameros en mayo fepamo sop torena-torena emas enon en fendumat dobri.
5
Sop rireni papomat melamuar belbel narfe meklata sop ehur ema ilafe ari sop ainon limlu diam sop apor narfe limfau aipapo mat sop aennofe Arpames fanggom.
6
Et sop limfau papo mat sop ematait endues aenofe matilon kaca aenofe kristal sop molmal se saet sop al aen papo mal sop aen fau papo sop daen rilat corimana sop ainon matan sop datiwarma.
7
Aipapo mat matan enofe raukirya singa, sop aipapo mat enlu enofe nau lumbu mono, sop aipapo mat sop sntoul aenofe corifu aenofe corifu tamtormal sop aipapomat sop fau aemofe mani morsas aensop apor ao.
8
Fau papi mat fetes-tes ribema paporimat limtes sop daen non comana, fia ahor motomia ainon warilon waheto masop pani fautit papo tap atu ahi esrak, " Fia-fia fiayahe Tuhan Arpames et enhap tapul, saet delyak enon sop enon et sop tafun ama."
9
Et aennahi raukirya-raukirya sop aurfri aenfia, mat aife, sop ateahari ebope et sop maros aen papo afo sop aoinon sam-senamse,
10
lu snafut fau tapun-tapunti saet aen corifuar et sop maros aen papo afo sop, aesnanyak et sop ainon fesamse nam sesaet atepar ao torena fendumat aen corifuar papo sop ainon esrak,
11
Ya Tuhan sop mimbe Arpames ut baentur aenfia, morian maifu, sop tapul aeninemim sop ut aenafei endu-enduhe aentes sop fehael atem ahamimpenyek sop ainon sop nenafei."