¹ Wahelo raya rati beragi tapse tansop nafete wereto paskaitoma Paskaitoma rarukse. ² Imam-imam dobrisop ahu-ahu rahopape nofasopriafum pare Yesus,saet fendu nenari rifei tamtor mal rensefe

³ Samo foman ehile en warilomyudas saet ridete Iskariot, saet ema tomtutes ren snafut bu :nurit ⁴ Saet Yudas mat. Wihi boni etsop imam-imam dobri Sop pengawal baik Arpamas et :aitem tartori edot Yesus ebope Fendu mat.

⁵ Sop Fendumat Imomlo etut Sop entehe Saet SopIFri doisen ⁶ Saet Sop Yudas boufri Sop Saet Fefibehe edot Yesus obope fendu mat saet tapase enon tantori sefe.

PANA PASKA

⁷ Samo mat Omap Waheto raya are “Beraga Tapse Saet samorifei mempersembahkan natun domba paska ⁸ Samomal saet Sop Yesus eyaarri Petrus Sop Yohanis Esrakkri, Aop Saet Afeinar Pana Paska Sop remna tom,” ⁹ Esrak Yesus ebape,saet elhifaut woryak yohim saet mima maenfon u?” ¹⁰ Yesus ehimtarri fenduneat ebope,”Saet yam delyak mecil en saomat yamsop mirome saet tamtor.tamtumal ,saet itoma kedil,Atakoma et enlimu saet sop yamecil. ¹¹ saet esrak ebope afirlimu saet,”Guru nimtar yebope: enihifa ruang tamu peleyau maen matin paska mimtilut naktukri-naturimat? ¹² Saet tit sop mofnawemian embopeyam memruangandwane sop ensinafo,sop endupenyesehe saet renfanne pana saet sop’ mim saet menonto.” ¹³ Samo Petrus rilat Yohanes riao sop titaenri penyek sehe sop afei saet aen Yesus Esrakri fendumat omnyaknar pana paskah.

PERJAMUAN PASKA

¹⁴ Saet delyak dapar samo mat, Yesus saet sop rirasul fendumat pana saet riyale meja ¹⁵ Samo Yesus esrakri Ebofe fendumat,” Yat waryak yohim saet yan pana paska rertilut yam,tafun yau mori. ¹⁶ Saet yau yesrak yibofe yat tap sop yan pana mat ero tafum endu mat tit dapare kerajaan Arpames warilon.'' ¹⁷ Saet Yesus it cawan opal Anggur sop aryak nar feyam. ¹⁸ Saet yat yisrak yibope tapu yafei arahap you tapse pak yamus anggur alnon Tafun Kerajaan Arpames Ama.'' ¹⁹ Samo Yesus it are sop snanyak syukur,et raryak nar-raryak nar are mat sop urfrima ebope fendumat saet esrak,”Are iti yabe tanyak saet yurfiam ebope: Afeisop entut fanggomu afeiyau ²⁰ Alnon sop umatafun Tin. Yesus it cawan anggur saet Esrak cawan mat opalen ubema sop aenon Perjanjian fofou warilon Sila.

SAET OMNASE ENOHOFA TAMTORI

²¹ Saet aen arome ma tamtorimat mat sop ti tao yatife enom mimtilut maen yau maen meja tit ²² matuntantormal mat sop pesao saet amon rife: saet detyak akisparaen saet aenfetes tamtormal.ritop:rifri ²³ Natunri-natumat rahamsintar tesrilus saet hamta enyam fendumat sop aen nenriafeinar.

AFEI TAMTORMAL RITOEEBE,FENTI

²⁴ Fara fafiak rorur eama ofei pe aenri para rasul saet hanta etenere pendumat.romas etop Dwahe ²⁵ Sae aen Yesus esrak ebope fendumat,” Dobri-dobri fendu-fenduhe sop tapse omnase TUHAN tapulerer aenafo rakyat sop tamtormal-tamtoramal mal dwahe afo dobri-dobri,mat ridate urenri rakyat. ²⁶ Saet yam baen demofetit arispar aennofe melmal Dhawe sop aenyam aentap afei sisyahe aenofe bromane saet Dobri aentop demofe fehaet Ritowini ²⁷ Hanbe sop sefa dwehe fendumat sop rameros rimpana hofa sop rito fenti? Baen tantorimat lus emeros Rin pana samomah yau yenom rimolmal’se yenofe tamtori mal saet ritofentifia. ²⁸ Yam menontamtori-tamtormal yamsop miki enon warilon madeldal-deldale ²⁹ Saet sop yau yurfian yigope endues Kerajaan aennofe saet mam urfian sop ebope yau ³⁰ Saet yama atitatiampana sop mesmus mejabehe relat.u Kerajaan warilon.sop yam sop meras aen takta afo menhakimi kedua belas suku Israel.

PETRUS SOP TANIFEYE YESUS

³¹ Simon-simon ofia yau foman eskiak sop pelaraf Tanyam. Aenofe ganoking ³² Saet yau delyak yofe mesou ebema sop iman mu Baen merkur. Sop saet yama farahi aensone lafukri-lafukri. ³³ Samo Petrus esrakri ebope Yesus,”TUHAN yau yaenon KawaLimu aen yaper rertilut penyek” ³⁴ Yesus esrak ebope,”yau Yisrak ya yibope,Petrus,wahe tit ayam mono tapse sop berkokok taputara tou.saet yam sop ateparya hofa yam a tepar ya.”

TAENFAN-TANFAN TECILOK FETES

³⁵ Samo,Yesus ehimtari ebope para natunri: saet yau akisparyam taptapo dasen tapo hofa sandal ensanpana yam endutes yamtap sea?” ehimtari fendumat,”Tapse, ³⁶ Esrak ebope Fendumat,”Sama Arahap hanta Sop et ebema hoba afek pare et jual jubahnya sop oftiait noba ³⁷ Saetsop yisrak yam ebope Saet esam pana etbe Eter enon ai wali wanlon fia tit sesya atuahi sop warilonyau Etsop maaot ritilut tamtori-tamtormal rifei ehla.” Saet Sop Eterenom mopfeyau Saet aen nofe aranap.” ³⁸ Sop fendum resrak.” Ecomao Tuhan entut enlu nobamat : Saet, Yesus esrak ebope fendumat mat,” tit dapar.''

YESUS OFEI MESOU EN WITILON GETSEMANI

³⁹ Sama Yesus Sop Pelao aen Salo Saiton fehaet Sop renfia Sop nafeinar saet natunri-natunrimat rima aop riataan, e ⁴⁰ Saet yesus etuehitit en pelemat en. Et esrak e bopo Fendumat,” Afei mesou fehat yam baen elilok aen ehla warilon,” ⁴¹ Samo Yesus tani Feiri saet fendumat angkerit-angkerit enoto ateparaofati saet sop aedobri seeho sop ofei mesou,” ⁴² Mam Saet ut Sop titya Cawan titien yau. Saet Sop baennela waryak yahim yabe saet aenihi hofa waryar yohim.'' ⁴³ Saet sop tamtori malaekat ren surge ramarakam he tendir ebope saet sop riresworenri ⁴⁴ Saet rom femori et ofei mesou sefa mulmal-memal seet tani mensao helo semat afei fehaet Tanisila petpate sop petpate elot wanafo. ⁴⁵ Samo Yesus Mesou Ofeidik et opetak ori natun-natunri Sop eronmi Fendu, renmoni Saet Sop Skeki nyak pee ⁴⁶ Yesus Esrak Ebope Fendumat? Endu en hofa yammi yafar tetiak sopafe mesou fehaet yam baer ecilok sop war lon fetes.''

Redot Yesus

⁴⁷ Saet Yesus ennen esrak yomi miki enon tamtori mat Sop et saet ribope Yudas et emates enri lubelas natunri sop uren imim fendumat saet Yudas derdirnare Yesus Sop eyastane ⁴⁸ Yam Sop,Yesus esrak ebope, ”Yudas esanpana yam murfri Nutu Tamtorimat Saet wiyastane?” ⁴⁹ Saet natun natunri sop rifaren riyale sop, rirome ensanpana sop saet aenon fendumat esrak,” Tuhan, aensisya yam aharirit noba he?” ⁵⁰ Saet aen tehe ripara natum ririhahari pelayaan imam agama saet eal tilyak frou maon ⁵¹ Saet Sop Yesus esrat,”delyak dapar!” Sop Yesus maopalahe tilarau pelayan etsop ofei belau ⁵² Yesus esrakri ebope imam-imam dobri,dobri ritem Bait Ardames. Saet tua-tua mat Sop rimi nedat ensanpana etbe Denyak miminar saet noba Sop Petuangan saet-saet Sop edot e Perampok ⁵³ Saet yau mikien bait Arpames waheto rinai,yam tapedotyau samomat tit saet ubema saet ebe dwahe enramno,”

PETRUS EDALTARE JESUS

⁵⁴ Saet ridot Sop tamtormal-tamtormal saet Sop rita aen Sop ritoe Yesus alimu imam dwahe Sop saet Petrus etaane Fendumat enonto ⁵⁵ saet samo tamtori-tamtori mat ritiak pare yafu en molmal-molman se pele rikienon Petrus ema mares enri fendumat. ⁵⁶ Samo fendumat pelayan am Sop rirome Petrus enrarukse pele yafu saet enmelim yafu Sop riromfe cofu naja Petrus Saet Sop Esrak tomtumatit ema ritaanema,” ⁵⁷ Saet sop petrus edaltar riesrak,”Ha,amfendi yal lahap eilale ⁵⁸ Tapse matan samo tamtori mal lus rirome sop resrak,” yam yama meal en tes Rifendumat !” ⁵⁹ Angke urur-angker orur frolami tes samo tamtorimat lus lo esrak enmelmalse,”aennihi tamto mal tit yama mikienon sop saet yamtamtori Galiea,” ⁶⁰ Saet sop Petrus esrak “Yautap yomnas esampana etbe yam mesrak a saet sop yama elennahi petrus aen nenesarak ayam mono ila. ⁶¹ Saet Yesus erispar erome petrus, sop, Petrus fanggomu ofel Yesus esrak e tit tama e et esrak ebope, ”Ayam mono ⁶² Pak ila arahap tit yam delyak adal tarya sefa tara toul tit samo Petrus op omrak Sop etane saet skekiennyak.

RADARDAR RIFE YE FETES YESUS.

⁶³ Tamtori-tamtorimat sop rifastane Yesus rifei rinite sop rifunma ⁶⁴ fendumat ratel tilfan camana sop resrak, ”Bernebuetlah hanta Sop efunu?“ ⁶⁵ Fendumat yama esrak ,” Bernebuetlah sop farafafiak ril sop rihitema.

YESUS RITOE DOBRI YAHUDI

⁶⁶ Amer waheto tua-tua yahudi imam –imam dobri saet ahli-ahli taurat rikienon sop ritomae Yesus enmaha kamah agama Fendumat, ⁶⁷ Fendumat resrak saet ut Mesias yisrak U yebopo mian,”samo Yesus esrak ebope mian,”samo Yesus esrak ebope fendumat saet yaen esrak emian yam tapse sop snanyak ebope U. ⁶⁸ Sop saet yau yohian tar U yebope Ut yam tapse sop yabou. ⁶⁹ Saet ainon afei arahap , Natun Tamtormal sop maros aen falwar maon Arpames etop Dwahe.” ⁷⁰ Fendumat Penyek resrak,” Ut hofa ensanfana Ut Arpames be natun?,Yesus boufri fendumat,”Yam sop yisrak pe Ensan pana saet yaulah et,” ⁷¹ Samo fendumat resrak e snanyak e Esampama ema sop rer tahim e rer delyak yoflae ehaemal bewarifnou!”