Pasal 21
Urfrima Tamtormal Adak Mofni
1
Samo Yesus ecok aha yatse.El oromri rilus tamtormal kaya rirelecili rurfri fendumat riu aipapo pele rurfri.
2
Ut uma wirome tamtormal adak mofni miskin ehil oma 2 doisen keping tembaga.
3
Yesus esrak,"Yat yisrak yam melmal yibope adak mofni miskin tit urfyam sefa feyam penyek sehe feyam tamtormal kayatit.
4
Saet fendumat rurufri persembahan mat sefafe ribe rurfri fendumat saet adak mofni mat entit urfiam persembahan mat manentuen,saet penyek sehe tit ebema endu barsamat renon matit,
Fare-Fare Bon Samo Itoma Rarukse
5
Saet sop lus yam men mensrak e hofa bait Arpames sop monrofia saet sop fati-fatimat fiori sop rurfri-rurfri Yesus esrak,
6
"Saet orak aha samumat sop yam arome tit sop omdarernar.Tapse enon tehe sop etiak etuen fati afomat lus saet tapse riki enon."
7
Saet para maturi rihimtare ebope," Guru, samofa endumat sop cofu aur aha?" Saet ensanpana fare-faremat saet mat penyek sehe sop cofu au aha?"
8
Yesus esrakri fanggomu-fanggomu saet yam tapse pak ao fetes a saet tamtormal sefa sop riminar sop rit ebeha tit sop resrak,'Yautit-yau sop." Samo oma rarukse." Baen nela yam atak aen fendumat.
9
Saet sop samo yam oflae aen ofe Bare mat mat rahehas.Baen yam menarimtap saet saet endu-endu fehaet ainon afei saf sefa hematan saet ainon nenafei delyak tap sop sesya ama."
10
Samomat Yesus esrak ebope fendumat," Fendumat rifar rafak fiak rorur fendumat kerajaan sop etiak rafak fiak orur kerjaan.
11
Saet ennofe fendu etop mat dwahe endu-enduhe feklotut,sop endu-enduhe mehaletma sop en pele-pele emna loma sop omrak aha endu saet sop fanerer sop fare-fare mat dwahe en onofu.
12
Saet tafun penyek sehe matiti afei tamtormal-tamtormal sop redok sope riornare yam.Fendu sop rurfrima en sinagoge saet ritop rirecele en kawalimu-kawalimu.Fendumat rima saet sop ritoma e etak omari para raja sop gubernur saet ebehamat.
13
Samo,endumatit sop afei aenfan ahi fehaet sop ut uma boufe.
14
Saet sop fehaet ainon ahi fitum afo saet tap fanggomuafei ensampana et besop yam esrak aen aryartani.
15
Sop yam saet aurfri esrak sop aen afei ao ebope yam sop sop tapse somne sop aenofe saet bare-bare yam.
16
Yam sop afei meni saetri dobriyam tamtori-tamtori yam ehom risop tanim-tamim maro sop fendumat sop riat ut tamtormal lus aen yam.
17
Yam sop ahite saet penyek sehe tamtormal saet yabe hak.
18
Aenn sop,tapse daburau tehe sop saet ebope yam sop merur.
19
Saet atuainon yamsop aurfiam ainon."
Fanggomu Ifri Tafun Yerusalem Om darer
20
Saet sop samo yam arome sao Yerusalem rialus tit saet pasukan-pasukan bare yam sop omnas saet omdarer delyak rarukse.
21
Sop samo mat tamtormal-tamtormal aen nihi wilayah Yudea harus roflof aurtendirtit aen salo tamtormat-tamtormal renon nihi sao warilon aentap aop omrak saumat tamtormal-tamtormal matsop renon nihi desa-desa tapse aentap ecil aensao Yerusalem.
22
Saet waheto-waheto penghakiman saet penyek endumat delyak etenen fonnihi.
23
Aennon fetes amfendim-amfendim saet sop ten tanima sop miaf natum. Samo mat saet sop enohofa sop atuahi femarmori en melamuar omnas en negeritit saet murkamat dwahe aeni fendu-fenduhe.
24
Fendumat sop ritut prari en witilon sop rifastan rifendu-fenduhe sao Yerusalem sop tapul en fendu-fenduhe riminar ritak omae enonfia fendu-fendu he sop rifar enyak."
Oma Natun Tamtormal En Kemuliaan Warilon
25
Saet enon fare-farebun samo fro,mado sop bet wi en fendu it fendu-fendu ritit tendi bilu warilon rapo papare sop etmo matilon sop etmu beltama.
26
Tamtor-tamtormal mat mataoki saet sop tendi bilu sop aenfan sop endu-enduhe saet anfan fendu afo tit sop penyek dwahemat sop en onotani saet sop eneme top.
27
Samo fendumat sop rirome natu tamtormal omap melfe saet ebe dwahe sop kemuliaan saet dwahe.
28
Samo hofa endu-endumal entit aen nenafe,etiak aha sop etiak dabumat saet samo afokpari penyek rarukse."
Esrak Eyale Ai Ara
29
Samo Yesus esrakri esrak eyale fenties ebope fendumat arome ai aramat sop penyek sehe aimat sop lus.
30
Samofa ai-ainat sop berkit aha rerau-rerauma yamsop omnase mundumat pelefei aen samo mofna itoma rarukse.
31
Fehaet ainohofa yam arome penyek sehe sop ainon yam sop omnas sae et omnas hofa saet kerajaan Arpames oma rarukse.
32
Melmal sebe yau yesrak yam yebope abori arahatit tapse sop erper ainon penyek sehe endumat tit ainon.
33
Omotani sop fenduit sop aopar saet ebe fenti yam tap sop aholok."
Somsamo yaenen Yamfanu
34
Fanggomu-fanggomu fiahe aen fanggomu tapse daen saet waryak yahim sop afei domo,mori-mori-mori sae fanggo mufeahe ainon waheto ensop oma afai ofe lelwo.
35
Saet sop waheto mat oma enpampenye sehe endumat enon saet penyek sehe en fendu warilon tit.
36
Tadardar-radardar saet samo sop taenon tafei mesou saet sop atur aen bilum sop afok pare tani saet penyek endu maksop aentit sop atu ainon safe natun tamtormal.
37
Saet waheto Yesus mengajar tamtori sefe natun tamtori sefe ren pelan tara bait Arpames sop aen pani waheto et tanifeiri sao sop pani ensalo saiton.
38
Sop omrarmo panimahe penyek sehe tamtormal riminar ribope sop ren warilon Bait Suci saet rioflau.