Pasal 1
EN MATAN
1
Teofilus haet fia tamtori sefa aenahi rifetare endues fenti oma enofa endu endu haet aen afei e aen mim
2
Enofe haet atuahi bope mim aen fendu mat haet aen matan aenon boufri comen mana uren fentialo
3
Enhaet aenhife yat yafirnar penyek endubout aha haet rilat enpenyesehe enrer enon matan yat yait yakispar ube afok ero rilat abonfiahe ut aryak.
4
Enofe ut tit aen omnas bofupe penyek endutes haet unfe fentifia yibope melmalse.
Fentioma erer enofa ribun Yohanes ranis ripal
5
Bope matan Herodes, dabu Yudea enon tamtori imam haet hat e Zakharia renon rikienon sefa Abia ehon mat ema enon enri Harun opor ihi hat Elisabet.
6
Enlumat aenon melmalse er Arpames cofuar sop ainon atak aen penyek eyaari sop atuaem Tuhan rentap tap afeie.
7
Aenahi fendumat tap ribema natun Elisabet ensobno sop relat aen yame mblamal.
8
Bope endues aen samo ama fonuulo akiaen sefa, Zakarias riyaar e kelmanam en Tuhan cofuar.
9
Ofeibehe omrak aha sopap endues/diundi aenofape omnas ube ofetar endu imam haet dardar, etsaet ofnau U Ut ahil aen Limufia sop riatun ukapan sihaet.
10
Mawaihaet penyek sehe fendumat aen melamuar sop afei mesou samomat haet aenon ero samoriatun ukupan.
11
Aen omrak aha bope Zakarias tamtues papouma Tuhan be etuen falwar semaon mesba periatun ukupan.
12
Arome enduhaet et aeheswis sop aen nenari.
13
Aenahi tamtori papouma haet resrak yebofiam nenam afeitap yo Zakrias afeibehe ubemesou aen ri boufu sop Elisabet ube ehon aen abonfu natum tomtu-tomtu tamtues ubema sop aentit ut, adete hat Yohanes.
14
Ut aentit yam afei momlo sop aenfiamalse aensefa tamtormal haet afo riabone haet.
15
Et ofeibehe aen dwahesop aene Tuhan cofuar sop et tap aen amus anggur afe amus rani somne haet ut aen darn ri fanggomu omtu aen anri tina moli warilon.
16
Et aen afeisefa tamtori Israel resrispar ribope Tuhan Arpames fendumat ribe.
17
Saet aen salil matan Tuhan warilon fanggon haet Elia dwahe ribe afeidanggon mam-mam esrispar ebope abori-abori haet fanggomu tamtori-tamtori sare ribope fanggomu tamtori-tamtori melmal haet rilat ainonri amnyak nar aryaknar Tuhan aentes fendu mat haet riabonok ar yaknar.''
18
Holok Zakharias ebope tamtori papouma haet aenohofa yat yimnas bofupe enduhaet tit aen afei? Behe yat delayak fetapun sop yabe ehok enofe tapun dik.''
19
Boufri tamtori papouma haet ebope: ''Yatit Gabriel haet ene Arpames sop yat yaen riakispar ube esrakri fenti rilat ut sop ebe esrakri fenti oma fiatit yibope.
20
Melmalse ut aen afeilla tapse sop tap ait aen esrak-esrak atuahi waheto haet en ihifa penyeksehetit afei enhaet ut tap snanyak e aen esrak haet aen melmal melmal malse bope samomal.''
21
Mawaise haet tamtori sefa renerenfane-renfane Zakharias fendumat aenon opraptan ebofupe et aenofe matan renon limufia warilon.
22
Sisyahe ut omrak ut tap tit aen, menesrak-esrak ebope fendumat, sop riomnas fendumat bofupe ut aen arom endutes enpelialo en limufiawarilon ut wiholok aufri mafnoniu ehope fendumat Ut rife behe ut fetit lilatapse.
23
Fesisyahe opar anker it samo rife endabu et op en limu.
24
Rilus renmatan ensamoma Elisabet ebe ehon tentanima sop enmatan madolim ut tap tanim fnaumim wesrak,
25
''Titsop endutes afeiaen Tuhan afotfe yau, sop arahap ut atem ahae sohusfube aibyabe aentamtori haet corifuai.''
Yesrak yam aenofa riabun Yesus
26
Warilon madu haet enlimte Arpames eyaari tamtupa pouma Gabriel op saotes enGalilea ebehat Nazaret.
27
Ebope tomtumal lahap omanas endu-enduhe rauofeye rilat tomtues ebehar Yusuf en lafunri Daud ebe hat tap omnas endues haet Maria.
28
Fesisyahe tamtorpapouma haet mofni lahap afei endues haet ehilen marialimu, et esrak fiamal et haet rifu Tuhan auranu ut.''
29
Maria aeheswis ofla fenti haet eholok ehimtare en fituafomat enwarilon ensanpana hofa fiamal haet.
30
Esrak e tomtu papouma haet ebope: "Nenam afeitap, hai Maria uyifei beheserba urfiamfia Arpames cofuar.
31
Melmalse ut aen tentanima sop aen abon Natum tomtu-tomtues sop atem aha ut tifehat-Et Yesus.
32
Et aen aofe dwahe sop aen adete Arpames natun haet enaha, sop Tuhan Arpames aen aurfia ebope Daud aipapo. Mane enmatan.
33
Sop et aen aenofe dabu enofa yam Yakub atuahi samsenam-senas haet sop ebe sau.''
34
Aoahofa endu haet aen afei enhaet yat ehot dapse?"
35
Boufe tomtu papou mahaet ebope.''Fanggomu omtu aen apor ahi aen ut afo sop dwahe mal Arpames haet enaha aen teltilut; Behe haet Natun haet aen ut abon haet aen riadete Fia Arpames Natun.
36
Et melmalse, Elisabet natunri haet et sop tentanima natun tontu tontu bope waheto ebe dabu sop titsop mado haet limtes ut aryak, haet riadete sop haet.
37
Ofeibehe aryak Arpames tap aenon haet yapopapnar.''
38
Maria esrak melmalse yat tit aenonfe hamba Tuhan afei yat wibope atakyan ube fentihaet.'' Eholok tamtori papouma haet tendiafeiut.
Maria rilat Elisabeth
39
Rilus samo ensamoma titiak aonar Mariasop emblohe salila ae etiahae ahoaen saotees en.
40
Aen filtit et ahi aen limu Zakharia sop ourfri fiamat ebope Elisabet.
41
Sop fesisya Elisaber oflae fiamal Elisabet sop daen rihar fanggomu omtu.
42
Eholok ila teletnar rilat naeteparfia: "Et mat diaha teltili ut ent enero amfendi penyek sop mat ediaha teltili fo rahiammu.
43
Hanta ut tit atuahi nen Tuhan ut o map etal oam ut?
44
Ofeibehe melmalse omrah aha ut fia atuahi ebope yat tilak rat atuk haeten yabe molyak warilon sahutnar momloit.
45
Et enonfia et haet en snaryak e behe ensanpana haet wesrakri ebope ene Tuhan aen afeinar.''
Milok lao mas nanyak e Maria
46
Maria eholoj esrak: Ebe tani netu yabet enfiamalse Tuhan,
47
sop fituk afo yabe itmomlo ene Arpames juruselmat yabe,
48
et aen urenfitu afo adar ahi enfendumat. Melmalse afeiero arahap penyek apor ahi aen riadete yat yaenonfia.
49
Enhaet et tapul aen afeinar enduofei-enduofeinar dwahe yebope sop ebe hat mal aenon ferinar.
50
Et ateaha rer opor ihi-opor ihi tamtorimat afo haet nenariafei E.
51
Ut tanifnau dwahemal rilat ofeinar mafare mat sop rofris-rofrisnar tamtor-tamtor haet fituafokilo;
52
Et it opor ihitamtori-tamtori haet ratopul enri torena sop ediah ritamtori-tamtori haet renihi;
53
Et sefamalse penyek sehe haet fia yebope tamtori haet metihis, sop eyaari tamtorihaet endu barsa sefa rio mori talo warilon tapse.
54
Et sorokri Israel fendumat enhaet Et fanggomu ifri ateahae,
55
Aenofe haet faokri rebope tapun laba mimbe ebope Abrahamsop en aporahi ebe aensam-senamse.''
56
Et Maria aenon angker-angker mado taul en matan tilut ri Elisabet eholok ao arispar aen limtimat
Rebon Yohanes ranis ripal
57
Ensamo haet mado haet rarmo malse Elisabet ut abon sop Et abon natun totues-tomturmal.
58
Fesis yahe tani maro-lani maro ri natunri lafun mat roflae, ebofupe Tuhan aen ofnau ateahau haet feae dwahe ebope atit momlo fendumat ritilu-ritilut aen et.
59
Renriminar fendumat bope waheto haet limtoul satri menyunatkan natun saet sop fendumat ateahari riahime et zakharias ataane tamanbe hamal.
60
Aenahi tinamat esrakri: "Baen et en ebehat Yohanes.''
61
Esrakri fendumat ebope: "Tap ainon aenero naturi lafunri mat haet ebe hat ainonri. ''Fendumat ricolok rufri ofei mahebe abofripe mamat saet ehimtar ebeha hanta haet ahautar ritifema ebope natun haet.''
62
Lalu mereka memberi isyarat kepada bapanya untuk bertanya nama apa yang hendak diberikannya kepada anaknya itu.
63
Et ehimri fati ater, aholok ater aen esrak-esrak ritit: "Hamal enontit Yohanes Et fendumat ren rapop prap tan penyeksehe.
64
Et fesisyahe haet yama afuk warifnou sop afokpare malatano, ut eholok esra-enesrak sop snanyak Arpames.
65
Aenri nenari afe tamtori mat penyek haet ainon rihititse sop penyek endumat afeitaha hat aenone fo pele esrak ripenyeksehe rirenon Yudea.
66
Et penyek sehe tamtor haet roflae ture afot fentimat sop esrak: "Afeinar ensama atun tit aenfane?'' Ofeibehe Tuhan auraen yam.
Rilok lao snanyak e Zakharia
67
Et Zakarias tamanbe daen enon fanggomu omtu eholok esrak ehis e esrakri:
68
Esnanyak e Tuhan Arpames Israel Et, rifeibehe fendumat elolok fendumat sop titao afokpare enonri,
69
Et aboit aha aentes sona enonfiamal aryak aen mim menwarilon apor ahi Daud fendumat saet.
70
Fetit haet aen fentialo saet aen samo matan enero warifnou nabi-nabimat haet ferinar fia.
71
Ut afokparmim menbare-bare mim sop menri peceksehe morilalo fendumat saet rihitemim,
72
ut ofnaumim fiamal ebope tapun labasri mim sop fanggomu aifemin haet akispar haet fia,
73
Ut saet obari haet ofnau ahae ebope Abraham mam mal mim mibofoupe et aurfemim.
74
Fehaet afokparmim menribare morilalo ait afeimesou ebope ut nenam afeitap.
75
Warilon aenfia sop melmalse encofuar maenyame-yamehe yainon mim.
76
Ut uma hai natukri, saet adete nabi Arpames haet enaha enhaet ut aen Saul ao matan ube Tuhan ferinar ebema raramat
77
ube ferinar ebope fendumat omnas aen fiamalse haet aftatane ferinar fendumat ehla-ehla,
78
enero urfemim sop ait aenserba enArpames denmim rilat ha et aen afiak aurmim mbreri omrarmo aen pelehaet enahe,
79
ube tanim mela atepari fenduhaet monapar ren rarmo warilon sop ainon yam warilon rerperwar utube ofnaumim erim ebope rara haet fiap malse.''
80
Aenon natun saet oboit aha fedwahe sop aenahi bilu fanggomum, uma et aenone witilon gurun aenahi ebope waheto et aent tanifnauri ebope Israel.