¹ Te erai olo, kede Yesus desung ngajar nelang ngulek kabar buen ke Allah tong kawan ulun tesuang belai Tuhan. kawan imam kepala, kawan guru agama, sendro kawan pemimpin Yahudi sulet. ² Pelos ngulek tong Yesus," coba ulek tong kain ali dasar se ko ngene kawus ye ihe.? Dase ye ngokoi hak iro tong ko.? ³ Yesus nuing," ab kakan nyituk. ulek tong ab. ⁴ Da Yohanes membaptis makai hak dase,? Allah atawa meresia.? ⁵ Dali belalu mempakat," aka taka ngulek,' makai hak Allah.' da sagar ngulek,'aka nget iro, kone me kam sa percaya tong da? ⁶ Et aka taka ngulek, makai hak meresia, kawus ulun sagar numuk taka ali batu. leka dali percaya da Yohanes erai keulun nabi. ⁷ Belalu dali nuing," kain beloh ketoan. ⁸ Belalu Yesus ngulek tong dali," aka nget iro ab ade sa sagar ngulek tong kam makai hak dase ab ngene kawus ye ihe. Perumpamaan hal kawan ngekarun kabun anggur. ⁹ Yesus ngesah tong kawan ulun iro perumpamaan nget ihe, naan erai keulun sekule anggur tai erai kelamar kabun. da pesewa kabun iro tong sasenu keulun ngekarun belalu tulak tong jaa lain nelang ola nondo te biduh. ¹⁰ Kede apu wayah mutik bua anggur. puun kabun iro ngirim pelayan da tong kawan ulun ngakarun iro dion nerima bagian ye. Et kawan ulun ngakarun iro penare mupuk pelayan iro pelos nyiu da uli ali beloh pengahan. ¹¹ Belalu puun kabun iro ngirim eso erai keulun pelayan ye lain ; et pelayan iro ade na penare, pupuk nelang nahina ene kawan ulun ngakarun iro, belalu na siu uli ali kami lawe. ¹² Uli iro puun kabun iro ngirim pelayan ye ketolu, et pelayan iro ade na pupuk penare ene kawan ulun ngekarun iro pelos na obet tong luar kabun iro. ¹³ Akhir ye puun kabun ye iro ngulek, se eso ye harus na ene ab.? Ab sagar ngirim anak ab gegales ye nakasihi ab. pasti da sagar nahormat.! ¹⁴ Et kede kawan ulun ngekarun kabun iro kite anak puun kabun iro. dali ngulek sameh dali, ihe da ahli waris ye. ayu taka munu da, dion taka mahan warisan ye. ¹⁵ Belalu dali nyujut da tong luar kabun iro pelos munu da.belalo Yesus nyituk,"nah. aka puun kabun iro uli, se ye sagar na ene ye ali kawan ulun ngakarun iro.? ¹⁶ pasti da sagar sulet pelos munu kawan ulun ngakarun iro, belalu ngokoi kabun iro tong kawan ulun ngakarun ye lein.? keringa iro, kawan ulun iro ngulek tong Yesus,pasti sa.! ¹⁷ Yesus meneneng dali belalu ngulek," aka nget iro, se arti ye ayat surat berasih ihe.? batu ye sa tepakai ene tukang bangunan, apu jaji batu penjuru. ¹⁸ kawus ulun ye lotu tong batu iro sagar hancur, nelang dase ye tipan batu iro sagar ramuk. ¹⁹ Kawan guru agama ali kawan imam kepala ketaru pasti perumpamaan iro na tuju Yesus tong dali, leka iro dali nulung da kede iro ade, et dali takut tong ulun deo, Situkan nget ngebayar pajak ²⁰ Belalu dali ngeto kesempatan ye buen. dali pepura aseng tulus dion dali kate jebak Yesus ali kawan situkan, dion dali mahan nyarah da tong kewajiban nelang kekuasaan gubernur. ²¹ Belalu kawan ulun ye apu na siu iro ngulek tong Yesus," Guru,kain ketoan kawan ye na ulek nelang naajar ene ko iro bujur.kain ketoan ade ko ngajar ali tarus terang nget na ga Allah tong meresia, leka ko sa neneng leen ulun. ²² leka iro cuba ko ngulek tong kain, menurut aturan agama taka, se ahan bayar pajak tong Kaisar atawa sa.? ²³ Et Yesus ketoan akal dali, leka iro da ngulek. ²⁴ coba petendre tong ab erai ensoi duit perak. gambar nelang aran dase ihe.? Kaisar.! " ulek dali. ²⁵ Aka nget iro, ulek Yesus tong dali,okoi tong Kaisar,se ye na kaisar nelang tong Allah,se ye na Allah. ²⁶ Betantu bene te hadapan ulun deo iro dali beloh tau mahan sunah erai kesala te Yesus, dali belalu enteng nelang mandam leka engan tuing iro. ²⁷ Situkan ulun Saduki. ²⁷ Sasenu ke ulun ke golongan Saduki sulet demasu Yesus.( dali ye iro golongan ye ngulek pasti ulun mate sa sagar bolum mulik.) dali nyituk tong Yesus. ²⁸ "Guru, da Moses nyurat hukum ihe tong taka.; aka erai ke ulun upo mate nelang da sa naan anak,belalu erai butung da harus ngebane balu ye ²⁹ Pini naan turu keulun erai butung. ye tela ngebane, belalu mate ali beloh naan anak. ³⁰ uli iro ye kedue ngebane balu ye. et da ade mate ali sa naan anak. ³¹ Hal ye buen nget iro ade ali erai butung ye sa ketolu nelang pelos ade empe ye keturu. ³² Akhir ye bawe iro mate ade. ³³ Teolo ulun mate nailuk mulik,bane dase bawe iro.? leka keketuru ye apu ngebane da. ³⁴ Yesus nuing, kawan ulun ye bolum nehe ngebane. ³⁵ Et kawan ulun ye patut nget nailuk bulu mulik ke pampate nelang bolum tai jaman one diruh,dali sa ngebane. ³⁶ Keadaan dali nget malekat,nelang sa tau mate. dali yeiro kawan anak Allah, leka dali apu na iluk bolum mulik ke pempate. ³⁷ Da Moses gegales jelas bene ngulek nget ulun mate sagar nailuk bolum, tesuang surat ye nget juet bedui ye dolan iro da ngulek Tuhan yelah. Allah Abraham, Allah Ishak nelang Allah Yakub. ³⁸ Nah, Allah iro beloh Allah ulun mate.! da Allah kawan ulun ye bolum.! leka tong Allah,kawus ulun bolum te hadapan Da. ³⁹ Sasenu guru agama ngulek, engan tuing guru buen bene." ⁴⁰ leka iro dali sa ronu eso nyetuk se aran tong Yesus.Kristus adalah Tuhan. ⁴¹ Yesus nyituk tong dali," se ye ahan na situk Raja penyelamat iro keturunan Dawid. ⁴² Pedahal da Dawid gegales te suang buku mazmur,Tuhan ngulek tong Tuhan ab. tuet te sila sanan ab. ⁴³ Empe ab ngene kawan musuh ab menyarah aleh tong ko, ⁴⁴ Jaji aka da Dawid ngulek Raja penyelamat iro Tuhan. nget me da keturunan Dawid. Peringatan dion hati - hati nengkawe ahli taurat.. ⁴⁵ Desung kawan ulu deo ngeringa Yesus bepander, da ngulek tong kawan ulun ye siut da, ⁴⁶ Bebuen ngehadap kawan guru agama. dali ketuju ngampot makai jubah ye moo, nelang ketuju nahormat te kawan pasar dali ketuju kawan runa tehormat tesuang belai sembayang ali te kawan pesta. ⁴⁷ Dali nipu ngakal kawan balu nelang ngerampas belai ye. nelang dian nutup kejahatan dali iro, dali bedoa panjang - panjang.! Hukuman dali odi olo boyat.!