¹ Kede Yesus empe te Yerikho, da pelos malan lalo jaa iro. ² Te jaa iro naan erai keulun kepala penagih pajak ye tatau.aran ye da Zakheus. ³ Da kakan kite dase Yesus iro, et leka ulun deo bene, nelang unuk da udok, belalu da sa mahan kite Yesus. ⁴ Belalu,da mensit one keulun deo mengket tonga kayu, dion mahan kite Yesus ye sa ola eso sagar lalo te biro. ⁵ Kede Yesus empe te tonga kayu iro, da sedongak tong moo belalu ngulek,"zakhius, ngolek dolui.! leka ab harus koteu tong belai ko olo ihe." ⁶ Da Zakheus jao dolui pelos nyeruku Yesus ali ego aseng. ⁷ Kawus ulun ye kite hal iro mulai ngomel, dali ngulek,"Seh.! da koteu te belai ulun ye sa buen. ⁸ Demih apu te belai da,da Zakheus jakat pelos ngulek tong Yesus," Tuhan, separu ke harta ab sagar na sedakah ab tong ulun susah; nelang dase ye pini kune tipu ab, ab sagar bayar mulik tong da opat kali lipat.! ⁹ Belalu ulek Yesus,te olo ihe ko ali kawus kulawarga ko naselamat leka Allah nelang na okoi pemolum ye kado, leka ko ade keturunan Abraham. ¹⁰ Anak meresia sulet laang keto nelang nyelamat ulun ye taang. Pelayan ye setia ali pelayan ye jahat. ¹¹ Desung ulun ngeringa Yesus bepander, da ngesah erai peribahasa,leka,kede iro da apu dani Yerusalem, nelang ulun ngabahe pasti Allah sa ola eso sagar merentah yelah Raja te denia, ¹² Yesus ngulek,"naan erai keulun bangsawan ye tulak tong negeri oro na dudus jaji raja, uli iro da uli eso. ¹³ Se male tulak, da nook sepuluh keulun pelayan ye, belalu ngokoi tong dali tiap unuk erai soi duit amas," bedagang makai duit ihe pedesung ab tulak." ulek da tong dali. ¹⁴ Et penduduk negeri da iro merikang ali da. demih da apu tulak,dali ngirim utusan dion ngulek," kain sa kakan ulun ihe jaji raja kain. ¹⁵ Et bangsawan iro nadudus jaji raja, uli iro da mulik eso tong negeri da. belalu da nook kawan pelayan da ngehadap, dion ngentoan senu keuntungan ye apu ahan dali. ¹⁶ Pelayan ye tela sulet pelos ngulek,'tuan, erai duit amas ye na okoi tuan tong ab iro, apu ab mahan jaji sepuluh,' ¹⁷ "buen, ulek tuan iro, ko pelayan ye buen.! Leka te suang kawan hal ye idis ko tau napercaya, ab sagar ngene ko jaji penguasa sepuluh jaa.' ¹⁸ Pelayan ye kedue sulet pelos ngulek, tuan, erai duit amas ye naokoi tuan tong ab iro, apu ab mahan jaji lime. ¹⁹ Tong pelayan iro raja iro ngulek, ko sagar jaji penguasa lime jaa. ²⁰ Pelayan ye lain sulet pelos ngulek,'tuan, ihe duit tuan, onteh ab te saput tangan. ²¹ Ab takut ali tuan, leka tuan ulun keras. tuan ngepe se ye sa na tuan, nelang tuan ngutik hasil teruna ye sa na ule ene tuan . ²² Raja iro ngulek tong da,ko pelayan ye jahat.! sesuai ali kawan engan ko gegales ab sagar ngehukum ko, ko ketoan ab ulun karas. ab ngepe se ye sa na ab nelang ngutik hasil te runa ye sa ab ngule. ²³ Aka nget iro kone me ko sa ngemasuk duit iro tong bank dion aka ab uli ab tau nerima duit iro ali bunge ye.? ²⁴ Uli kero raja iro ngulek tong kawan ulun ye jakat te biro.' epe duit iro ke da pelos okoi tong pelayan ye runa sepuluh duit amas iro. ²⁵ Et kawan ulun iro ngulek,' tuan da apu naan sepuluh ²⁶ Raja iro nuing,,ingat; ulun ye apu naan,tong da sagar na okoi lewi deo eso, et ulun ye beloh naan se - se ye naan te da sagar na epe ade ke da. ²⁷ Nehe oit tong he kawan musuh ab iru ye sa kakan ab jaji raja ye, bunu dali kawus te hadapan ab.! Yesus na sambut nget Raja. ²⁸ Uli Yesus ngulek kawus ye iro da malan one te hadapan dali nuju Yerusalem. ²⁹ Kede empe dani Betfage ali Betania tai Bukit Zaitun, da nyiu due keulun kawan ulun ye siut da tulak one. ³⁰ Alan tong jaa ye te hadapan iro, ulek Yesus tong dali,"aka kam litep te biduh kam sagar kite erai keikui anak keledai na suruk. Keledai iro beloh pini na tunggang ene ulun. ugah surukan keledai iro belalu oit tong ihe. ³¹ Aka ulun nyituk kam, kone me kam ngugah surukan keledai iro.? Ulek,'Tuhan perlu makai ye. ³² Kedue ulun - ulun ye siut Yesus iro tulak, belalu sengkeruku kawus ye nget ye naulek ye. ³³ Desung dali ngugah surukan anak keledai iro. puun keledai iro ngulek tong dali," kone me kam ngugah surukan keledai iro.? ³⁴ Dali nuing,"Tuhan perlu makai ye." ³⁵ Belalu dali ngoit anak keledai iro tong Yesus. uli iro dali ngondok jubah dali te moo keledai iro pelos ngawat Yesus mengket tong munan ye. ³⁶ Kede da lalo makai keledai iro, kawan ulun ngurak jubah dali te alan. ³⁷ Kede Yesus dani empe te Yerusalem, te alan ye dolui te bukit Zaitun, kawus kawan ulun deo siut da iro tela ngehormat Allah nelang ngotus terimakasih tong da leka kawus keajaiban ye apu nasaksi dali. ³⁸ dali nook," Naberkat Raja ye sulet te suang ngaran Tuhan.! sanang buen te surga, nelang hormat tong Allah. ³⁹ sasenu ulun Farisi ke botuk ulun deo iro ngulek tong Yesus,"Guru, siu kawan ulun ye siut da menteng." ⁴⁰ Yesus nuing. Percaya lah.! aka dali menteng, kawan batu ihe sagar negkeriak. Yesus nangis Yerusalem. ⁴¹ Kede Yesus makin dani Yerusalem, nelang kite jaa iro, da nangis jaa iro. ⁴² Ulek ye,"U asi ko,tamam buen ye aka olo ihe ko ketoan se ye tau ngoit perdamaian.! et nehe ko satau kite da. ⁴³ ko sagar kesa sindai kede,kawan musuh ko nemuet punte ngehalang bekeliling ko; dali sagar ngegeliling ko nelang ngebure ko ke kawus arah. ⁴⁴ Dali sagar pehancur ko ali kawus penduduk ko; nelang sa sunah erai kesoi batu sagar nepeladar dali besusun te runa ye, leka me ko sa mentaru kede Allah sulet nget nyelamat ko. Yesus ngusir ulun - ulun bejualan tai Bait Allah. ⁴⁵ Yesus litep tong belai Tuhan belalu pelos ngusir tong ongon ulun - ulun ye bejualan tai biro. ⁴⁶ tesuang surat berasih,"ulek da tong dali, nasurat nget ihe,"Allah ngulek. belai ab sagar jaji belai runa bedoa, et kam ngene ye jaji sarang perampok.! ⁴⁷ Tiap olo Yesus ngajar te belai Tuhan. kawan imam kepala ali kawan guru agama, ali kawan pemimpin Yahudi kakan munu da. ⁴⁸ Et sa mahan alan nget nampelos hal iro, leka kawus ulun tetap ngeringa da, nelang terpikat tong kawan engan ye.