Na Selamat Ene Anugerah ¹ Bayuh une kam mate ene rohani leka kam bedosa nelang ngelangar kawan perintah Allah. ² Kede wayah iro kam siut kawan kebiasaan dunia ihe; berarti kam ngunau moyo tong penguasa dolek enus, ye iro roh ye nehe nguasa ate kawan ulun ye sa ngunau moyo tong Allah. ³ Bayuh une taka kawus sama ade nget dali, taka bolum nget pedasaran meresia taka nelang nampelos se ye pe sanang unuk ali pikiran taka. Te kede iro taka uras kawan ulun ye kune rekek Allah ade , sama nget ulun lain. ⁴ Et leka bene solai ye ke buen ate Allah! Da nget iro sinta taka. ⁵ Empe te kade taka sengke mate nget rohani leka kawan pelanggaran taka, Da namulum taka mulik sendro ali Kristus, jaji je leka ke buen ate Allah, kam na selamat ene da. ⁶ Ene taka sendro ali Kristus Yesus, Allah namulum taka mulik eso sendro da, dian taka merintah ade sendro da te suang surga. ⁷ Allah nempelos iro dian te jaman udi olo ye, meresia mahan kite nget ro solai ye kasih Allah . Kasih iro na petendre Allah lalo kebuen kasih ye tong taka ali lalo Kristus Yesus. ⁸ Ngene ye Da nyelamat kam leka kam percaya tong Yesus keselamatan kam iro sa hasil usaha kam gegales. ⁹ Iro nemba asi Allah . Jaji, sa mudah erai ke ulun ye mahan sakah nget hal iro. ¹⁰ Taka puna ene an Allah, ali lalo Kristus Yesus, Allah ngene taka dian taka nampelos kawan hal ye buen ye na sedia ye tong taka. Napekaerai Suang Kristus ¹¹ Kawan erai butung ye sa ulun Yahudi! Ingat keadaan kam te kede one ye, kam na ulek "Ulun sa besunat" leka ulun Yahudi ye mengaku unuk na sunat. (maksud ab ye apu mahan siri ye na ene meresia te unuk dali) ¹² Te kede iro kam sa sendro ali Kristus, kam puna ulun asing ye sa temasuk ulun pelian Allah. Kam sa te masuk te suang ikatan janji ye na ene Allah ali ulun na'a. Kam bolum te suang denia ihe ali beloh naan pengharapan nelang beloh naan Allah. ¹³ Et nehe, leka kam apu sendro ali Kristus Yesus, kam ye one bayuh aro, apu na pedani ene pempate Kristus. ¹⁴ Ene Kristus gegales puna pendamai taka. Da pesendro kawan ulun Yahudi ali ulun sa Yahudi jaji erai bangsa. Dining pagar dian nempisah dali, ye ro permusuhan, apu pehancur ene Kristus ali ngurban unuk Da gegales. ¹⁵ Hukum agama Yahudi, kawan perintah ali kawan aturan ye apu na pejaweh ene Kristus dian due bangsa iro jaji erai bangsa meresia kado, ye sendro erai dali ali da. Maka cara iro Kristus ngene perdamaian. ¹⁶ Leka pempate da te kayu salib Kristus aran ye due bangsa iro nelang na temuen dali ali Allah, empe pepantan ro jaweh. ¹⁷ Iro sebab ye Kristus sulet dian ngulek kabar buen nget na te muen iro tong kam, buen tong kam ulun sa Yahudi ye one ro aro ke Allah, me tomh ulun Yahudi ye dani ali Allah. ¹⁸ Ali lalo Kristus, taka kawus me ulun Yahudi se ulun sa Yahudi ene Roh Allah erai iro kate nyenrani Allah. ¹⁹ Leka iro, kam sa eso te masuk ulun lain (asing) atawa ulun luar. Kam nehe uras kawan ulun warga Allah. Kam ye iro kawan ulun pelian na'a Allah. ²⁰ Kam ade na temuet te mundan dasar ye na ondok ene kawan rasul ali kawan nabi, nelang Kristus Yesus jaji batu penjuru. ²¹ Da ye nyusun kawus bangunan iro jaji belai Allah ye khusus tong Tuhan. ²² Leka bolum sendro ali Kristus, kam ade desung na temuet sendro kawan ulunbali jaji erai bua belai tong Allah, te biro Allah nondo ali Roh ye.