Surat Paulus Tong Jemaat Te Efesus. Salam neke Paulus. ¹ Ke Paulus, rasul Yesus Kristus leka ke ngakou Allah. Tong ulun-ulun kudus te Efesus, ulun-ulun be iman suang Yesus Kristus. ² Anugerah ali damai sejahterah tong kam ke Allah, Ma"taka, ali Tuhan Yesus Kristus. Berkat -Berkat rohani suang Kristus. ³ Terpujilah Alah ali Ma" ke Tuhan taka Kristus Yesus, Ye apu nge berkat taka suang Kristus ali berkat rohani te suang surgawi. ⁴ Sa male dunia ihe na pe jaji, Allah apu meli taka lalo Kristus ali maksud dian taka jaji tempun ye gegalas nelang beloh naan olo wada te wae mate ye, leka sinta Allah. ⁵ Da apu neges ke une ali lalo Yesus Kristus, da sagar ngengkat taka jaji kawan anak ye gegales. Nelang puna iro ye kakan na ene da. ⁶ Hormat tong Allah ye soloi, ali lalo Anak ye na kasih da bene-bene mengasihi taka ⁷ Leka ngene pempatei Kristus, taka na towus ene Allah, bearti da apu ngampun taka kawan ulun bedosa. ⁸ Da nampelor iro leka da bene-bene mengasihi taka nelang kasih iro na okoi tong taka ali ponu ke pintaran nelang rahati. ⁹ Nget na ga da gegalas Allah ngulek tong taka rasia rencana da; da apu neges rencana da iro sagar na sampunah lalo Kristus. ¹⁰ Rencana ironget ihe dian nget kawus, nget ye naan te sorga nget ye naan te mundan tana, jaji erai ali Kristus ye nget ke pala. Nelang hal iro sagar na sempunah ene Allah aka apu empe olo malem ye. ¹¹ Allah ngene nget kawus dian kehendak da nelang keputusan da gegalas. Nget mula asal da apu meli taka leka da kakan dian taka jaji ulun da leka sendro ali Kristus. ¹² Supaya taka ye membasang percaya tong Kristus memuji Allah leka ke solai mulia ye muji. ¹³ Kam ade apu jaji ulun na Allah kede kam keringa firman Allah, ye iro kabar buen ye ngokai selamat tong kam. Kam percaya tong Yesus Kristus, leka iro Allah ngokoi sari milik da tong kam, ye iro Roh da ye na janji da. ¹⁴ Roh iro ye jaminan taka ye pasti sagar nerima se ye apu na janji Allah tong ulun da, hormat tong Allah leka salai ke mulian da. ¹⁵ Leka iro, demih ab keringa kam percaya tong Tuhan Yesus, nelang kam sinta kawus ulun na Allah. ¹⁶ Ab eloh tau wa seleur beterima kasih tong Allah nget kam, seleur ab ngotus aran kam te kede ab bedoa. ¹⁷ Ab kaweng dian Allah Tuhan taka Yesus Kristus, Ma'a ye mulia, ngokoi Roh ye tong kaul, Roh iro sagar ngene kam pintar merahati, nelang sagar pendre Allah tong kam empe kam ketaru da. ¹⁸ Ab kaweng dian Allah ngujah pikiran kam dian tau ma'a; dian kam ke temu se ye tau na harap ke Allah ye nook kam, nget ro ade dian kam ketoan nget me limpah ye kawan berkat ye buen ye ne sedia Allah tong ulun da. ¹⁹ Nelang nget me tamam ye Allah mengkone ali ponu kuasa te suang taka ye percaya. kuasa Allah iro sama nget kuasa luar biasa. ²⁰ Ye na tundre kede na molum Kristus ke matei nelang ngokoi tong da kedudukan penge mou sendro Allah te sirga. ²¹ Kedudukan Kristus iro lewi solai ke kedudukan kawan pemerintah, kawan penguasa, kawan pemimpin, kawan tuha-tuha nelang dase-dase ade ye apu na okoi kedudukan moa, me ye bolum te jaman ihe, me ye bolum te jaman une diruh ye. ²² Allah pekoret nyengkaleh ke kawus ye tong wa kuasa Kristus nelang ngokoi Kristus tong jemaat jaji kepala ke kawus ye. ²³ Jemaat ye iro unuk Kristus, ye ne sempurna leka da ye menyempurna ke kawus te kame-kame.