Yesus Ngapun dan yambuh urak nang lumpuh ¹ Berape ari dulu a, kalo Yesus atang ke kapernaum, tadangarlah barita ia ada karumah . ² Lalu rami dangan bakumpul sampe nanak ada bilik agi, bahkan di samping talobok sekalipun, dan ia madah a firman kepada ayung a ³ Lalu, ayungk a nelek Ia, maba sotek urangk lumpuh nang diusung oleh empat urangk. ⁴ Pas ayungk a nanak namu maba urangk nak ka samak Yesus barang ayungk a bedakah, ayungk a pun mukak atap ka atas Yesus. Pas mukak ia, ayungk a nurunkan tikar tampat urangk lumpuh na tergurikt. ⁵ Pas Yesus nelek imam ayungk a, Ia bakata ka urangk lumpuh nak, "Hai anak-Ku, dosa-dosa kao udah diampuni." ⁶ Lalu , ada berape ahli Taurat nang duduk ka sanak mule bepikir dalamt hati ayungk a, ⁷ "Ngape urangk nak bepadah macam inya? Ia mao ngina! sape nang namu ngampuni dosa-dosa kecuali Allah sorang?" ⁸ Yesus lansong nao dari dalamt Roh-Ia kalo ayungk a bapikir-pikir dalamt ati ayungk a. Ia bakata ka ayungk a, "Ngape kao bapikir macam nak kadalam hati kao? ⁹ Manekek nang labih mudah, madah ka urangk lumpuh nak, 'Dosa-dosa kao diampuni', atau madah, 'lumpat, angkatlah tikar kao dan bajalantlah'? ¹⁰ Akan tatapi, nao kalo Anak manusia mampunya kuasa ka bumi untok mengapuni dosa-dosa." Yesus bepadah ka urangk nang lumpuh nak, ¹¹ "Aku bepadah ka kao: lumpat, angkatlah tikar kao, dan pulangk ka rumah kao." ¹² urangk nang lumpuh nak capat badiri, ngambil tikar ia, dan ampus kaluar, ka adap samua urangk. ayungk a samua heran dan memuliakan Allah, lalu bepadah, "Kami nanak pernah nelek hal nang macam nak!" Lewi nunak Yesus. ¹³ Yesus ampus agik ka tepi danao, dan samua urangk beduyun-duyun atang ka Ia, dan ia ngajar ayungk a. ¹⁴ Pas ia lewat, Ia nelek Lewi, anak Alfeuss, gik duduk ka tampat pembayaran pajak. Lalu, Yesus bepadah ka ia, "ikutlah Aku." Lalu, Lewi pun badiri dan ngikuti-Ia. ¹⁵ Dan, sementara Yesus gik duduk makant ka rumah urangk Lewi nak, ada manyak pengumpul pajak dan urangk-urangk badosa nang ugak makant berata gik Yesus serta murid-murid-Ia, pas ka sanak manyak urangk, dan pas ngikut Yesus. ¹⁶ Pas berape ahli Taurat dari kaum Farisi nelek Yesus gik makant berata dengan urangk-urangk badosa dan ngumpul-penyumpul pajak, ayungk a betanya ka murid-murid-Ia, " ngape ia makant berata para penagih pajak dan urangk-urangk bedosa?" ¹⁷ Pas Yesus nangar, ia bakata ka ayungk a, "ayungk a nang sehat naanak perlukan dokter, malainkan aayungk a nang sakit. Aku atangk bukek untok manggil urangk-urangk banar, melainkan urangk-urangk badosa." Batanya macam mane puasa. ¹⁸ Murid-murid Yesus dan urangk-urangk Farisi gik bapuasa. Berape urangk nang atang dan batanya ka Ia, "Ngape murid-murid Yohanes dan murid-murid urangk Farisi bapuasa, tapi murid-murid-Kao nanak bapuasa?" ¹⁹ Lalu, Yesus bepadah ka ayungk a, "Namukek para pengiring panganten bapuasa samantara panganten laki-laki masih barata ayungk a? Salama panganten laki-laki nak masih berata-rata dengan ayungk a, ayungk a nanak namu bapuasa. ²⁰ Tapi, hari inya mao atangk pas panganten laki-laki ditangkap dari ayungk a, dan pada hari naklah ayungk a mao bapuasa. ²¹ Nanak ada urangk nang nambal pakeyan bontok nang rantangk dengan kaing'k nang baru. Kalo macam sanak,tambal kaing'k nang baru nak mao rantangk pakeyan nang lama, dan rantangknya mau batambah ayak ²² Dan, nanak ada urangk nang ngaleleh anggur baru ka dalamt kantong kulit nang lama. Kalo macam nak, anggur maopun kantongnya pas rusak. Lakak nak, anggur baru disimpan ka dalamt kantong kulit nang baru." Yesus adalah Tuhan atas Hari sabat. ²³ Dan, pada pas hari sabat, Yesus ngelewat kabon gandum, dan dalamt jalan, murid-murid-Ia mule ngetes bulir-bulir gandum. ²⁴ Lalu, urangk-urangk Farisi bakata ka-Ia, " Telek, ngape ayungk a ngelakukan ape nang ngelanggar hukum hari Sabat?" ²⁵ Lalu, Ia bakata ka ayungk a, "nanak dah pernah kao maca ape nang dimuat Daud pas ia dan urangk-urangk nang berata ia pas kekurangan dan lapar? ²⁶ Macam pape ia tamak ka Rumah Allah pada masa Abyatar pas imam nang ayak, dan makant roti persembahan, nang hanya boleh dimakant gik para imam, dan ugak merek Roti nak ka urangk-urangk nang berata ia?" ²⁷ Lalu, Yesus bakata ka urangk-urangk Farisi mak, "Hari Sabat dibuat untok manusia, bukek manusia untuk hari sabat. ²⁸ Jadi, Anak manusia adalah Tuhan, ugak atas hari sabat."