Palayanan Yohanes Pambaptis ¹ Ginaklah pamulaan Injil Yesus Kristus, Anak Allah, ² macam nang tatulis dalamp kitab Nabi Yesaya: "Telalah! Aku ngantat utusan-ku ngalumak kao nang akan nyiap jalant merek kao. Maleakhi ³ Ada suara dagan nyaruk-yaruk di padang belantara: 'ngiaplah jalant bagi Tuhan, buatlah jalant nang lurus.''' Yesaya 40:3. ⁴ Jadi Yohanes membaptis urangk urangk ka padang belantara dan mengkhotbahkan baptisan batobat untuk pagapunan dosa. ⁵ Dan, samua kampong Yudea dan samua urangk Yerusalem atang ka Yohanes. Ia membaptis ayungk a ka sunge Yordan, sambil ayungk an ngakok dosa-dosa ia. ⁶ Yohanes make rambut unta dan ta ikat pinggank kulit di lingkar ka pinggank a. ia makat ka belakang dan madu utan. ⁷ Yohanes berkhotbah dan bakata, "laka nak aku mao ampus ka urangk nang labih bakuasa daripada aku. Aku nanak pantas bongkok dan ngalapas tali sandal-Ia. ⁸ Aku membaptis kao dengan aek, tapi ia mao membaptis kao dengan Roh Kudus. "Yohanes membaptis Yesus. ⁹ Dan, jadilah pada ari-ari nak, Yesus atangk dari Nazaret, kampong Galilea, dan dibaptis si Yohanes ka aek Yordan. ¹⁰ lakak ia kaluar dari aek, Yesus nelek langit tabelak dan Roh nyaruba sekok burungk marpati turunt ka atas-Ia. ¹¹ Dan, sotek suara atangk dari surga, Kao adalah anak nang kukasihi. ka kao aku berkenan."Yesus kanak cobai si iblis. ¹² Lakak nak, Roh maba Yesus ka padang belantara. ¹³ Ia badiamtt ka padang belantara selama empat puluh ari dan ia kanak cobai si iblis. Yesus badiamtt antara binatang -binatang liar dan para malaikat melayani Ia. Yesus bapadah injil Allah di Galilea. ¹⁴ Lakak Yohanes dipanjara, Yesus ampus ka kampong Galilea dan bapadah injil Allah. ¹⁵ Ia bapadah, "Paslah waktu ia, kerajaan Allah udah samak. Bertobatlah dan percayalah ka injil!" Yesus milih barape murid. ¹⁶ Pas Yesus mao ampus ka tepi danao Galilea, ia nelek Simon dan Andreas, sodaraia, mao nabak jala ka danao barang ayungk a nginak nak penjala ikan. ¹⁷ Lalu Yesus bakata ka ayungk a, "Ikutlah Aku, dan aku mao kao jadikan penjala talino." ¹⁸ Simon dan Andreas mao ninggalkan jala ayungk a ngikuti-Ia. ¹⁹ Pas ia ampus labih jauh agik, ia nelek Yakobus, anak Zebedeus, dan Yohanes, sodaraia, nang badiamtt ka perahu dan ia gik memperbaiki jala. ²⁰ Dula a, Yesus pas nyaruk ayungk a si ayung a niggal amak ayungk a, Zebedeus, ka perahu berata gik buruh-buruh bayaria, pas ampus ngikut Yesus. Yesus ngajar gik panuh Kuasa. ²¹ Lalu, ayungk a sampe ka kapernaum dan sebantar gik hari sabat, Yesus tamak ka sinagoge dan ngajar. ²² Ayungk a heran naggar ajaran-Ia barang ia ngajar macam urangk nang ada bakuasa. bukek macam ahli-ahli taurat. ²³ Pas waktu ginak. ka sinagoge ada urangk laki-laki nang kerasukan roh jahat dan ia ngampak, ²⁴ ia bepadah, "Ape urusan kao dengan aku, Yesus dari Nazaret? Apekek kao ampus untuk ngerusak aku? Aku nao sape Kao. Kao nak nang kudus dari Allah! ²⁵ Lalu, Yesus mera ia, ia bepadah, "Diamt! kaluar bah dari urangk inya!" ²⁶ abis ginak roh kotor nak nguncang -nguncang ia sambil ngampak nang suara ayak, kaluarlah roh nang dariia ²⁷ Ayungk a samua heran betanya sotek dengan nang lain, ia bepadah, "Apekek nginak? sotek ajaran baru dengan bakuasa! ia pun nyuruh roh-roh kotor nak dan ayungk a taat ka ia." ²⁸ Lalu, dengan capat barita tentang Ia kanak sebar kemane-mane sampe ka samua kampong Galilea. Inok mertua Simon dan urangk manyak kanak sambuh. ²⁹ Capat lakak nak Yesus dan murid-murid-Ia ninggalkan sinagoge, ayungk a tamak ka rumah Simon dan Andreas, berata Yakobus dan Yohanes. ³⁰ abis nak, inok mertua Simon ta tidur jukut rongkok, maka ayungk a capat-capat bepadah berita ia ka Yesus. ³¹ Yesus pun betamu dengan megang kokot ia serta mantu a badiri. seketika nak uga rongkok ia ilang dan bini nak mule melayani ayungk a` ³² Pas malam atangkng, lakak matahari tegalamp, ayungk a maba ka Yesus samua urangk nang rongkok dan nang kerasukan roh jaat. ³³ Lakak nak seleruh penduduk kota bakumpul ka depan talobok rumah nak. ³⁴ Yesus nyembuh manyak urangk rongkok dengan manyak macam panyakit ada gak ngosermanyak seta. tapi , Ia ngusar setan ngaun bakata, jukut ayungkng a kanal ka Ia. Yesus Badoa dan Menyampe Firman ³⁵ alamp-alamp banar, lakak hari masih patangkng, Yesus dani dan ampus ka sabuah tampat nang sunyi, lapas nak Ia badoa ka daun. ³⁶ Lakak nak, Simon dan urangkng-urangkng nang barata ngagok Yesus . ³⁷ Lakak ayungkng a namu Yesus, ayungkng a, ''Samua urangkng ngago Kao!" ³⁸ Dan, Yesus bakata, " jek diri ampus ka kota-kota nang samak supaya aku ugak bisa berkhotbah ka urangk urangk ka sana. Sebab inyalah alasan aku atang. " ³⁹ Pas nak, Yesus ampus nyusur saluruh tampat Galilea. Ia bakata firman ka sinagoge-sinagoge ayungk a dan ngusir setan-setan. Urangk kusta kanak sambuh. ⁴⁰ Lalu, ada sekok nang kanak sakit dusta atang ka Yesus. Ia memohon dan berlutut ka-Ia dan bakata, "Jika kalo kao mao, kao namu beranak aku". ⁴¹ Tagerak gik rasa kasihan, Yesus ngolor kokot a dan kasentuh urangk na sambil bakata, "Aku mao. Jadilah tahir!" ⁴² Pas nak uga, panyakit kustanya ilang dan urangk nak jadi tahir. ⁴³ Yesus capat nguruh urangk nak ampus dan ngigatkan dengan tegas. ⁴⁴ Ia bakata ka ia, "usah padah ape-ape ka sape pun tentang hal inya. Lalu, ampuslah patelelah umpuk kao ka imam, dan persembahkan kurban atas kesembuhan kao macan nang dinyuruh oleh musa sebagai sotek kesaksia untok ayungk a." ⁴⁵ Akan tatapi, urangk nak ampus dan mule madah a secara ta bukak dan nyebarkan barita nak secara luas. Oleh sebab nak, Yesus nanak namu agik tamak dengan terang-tarangan ka kota, pas ada kaluar, ka kampong nang sunyi. Lalu, urangk-urangk dari segala tampat nelek ia.