¹ Yesus ngomong gik perempun samaria Laka'k Tuhan naok kalo urangkng-urangkng Farisi dah nangar barang Ia dah namu dan ngamani murid labih manyakndari bapa Yohanes, ² (Kalo Yesus sorangkng nanak ngabaptis,melain kan murid-murid-Ant), ³ Ia dah ningal Yudea kambali agik ka Galilea. ⁴ Tapi, Ia arus ngalintas kampongkng samaria. ⁵ Sampe lah Yesus ka sabuah kota nang badama Sikhar, nang ada ka samak tanah nang dulu di mere'k Yakub ka anak a,Yusuf. ⁶ Sumur Yakub ada ka daun. Laka'k nak, Yesus nang latih laka'k bajalant, duduk ka pinggir sumur nak, Pas nginak, Kira-kira jam anam. ⁷ Atangkng lah nang bini Samaria unto'k nimba'k aek. Yesus bapadah ka ia, "Berelah Aku nyocok." ⁸ (Barang murid-murid-Ant laka'k ampus ka kota unto'k mali pamakant.) ⁹ Nang bini Samaria nginak bapadah ka Yesus, "Macam mane mungkin Kao. urangkng Yahudi, minta aek minum ka aku nang nginak bini samaria?" ( Barang,urangkng Yahudi nanak batagor sapa gik urangkng samaria). ¹⁰ Yesus nyaut sambil bapadah ka ia, " kalo kao naok tantang karunia Allah dan naok sape nang bapadah ka kao, 'Bere'k lah Aku nyocok', kao pasti ana minta ka Ia, Ia pun ana mere'k kao aek idup," ¹¹ Nang bini nginak bapadah ka Ia, "Tuan, Kao nanak namu timba gik sumur ngia kuat dalamp a, dari mane Kao maok namu aek idup nak? ¹² Ape kek Kao labih ayak dari pada enek atok kami, Yakub, nang mere'k sumur ngia ka kami dan nanh laka'k nyocok sorangkng dari sumur ngia basama samua anak gik pangkidup a?" ¹³ Yesus nyaut sambil bapadah ka ia, "Satiap urangkng nang nyocok dari aek ngia aus agik ana, ¹⁴ tapi urangkng nang nyocok dari aek nang ku mere'k kao kao nanak agik; melainkan aek nang ku mere'k ka ia nginak ana jadi mata aek ka dalamp diri a nang ana terus menyinar sampe la idup nang kakal." ¹⁵ Nang bini nginak bpadah ka Yesus, " Tuan, bere'k lah aku aek nginak suqpaya aku nana ana aus agik biar aku nanak race'k atangkng ka dia unto'k nimba aek." ¹⁶ Yesus bapadah ka ia, "Ampuslah, saru'k laki kao dan kambali lah ka dia." ¹⁷ Nang bini nginak nyaut, "Aku nanak ada ba laki." Kata Yesus ka ia, "kao banar saat bapadah, 'Aku nanak balaki'. ¹⁸ Barang kao dah pernah ada lima laki, dan laki nang diamp gik kao mpitu bukeklah laki kao. Dalamp hal ngia, kao bakata batol." ¹⁹ Kata nang bini nginak ka Ia, "Tuan, mpitu aku naok Kao nginak Nabi. ²⁰ Enek moyang kami nyembah ka gunung ngia, tapi bangsa-Ant bapadah bahwa Yerusalem lah tampat urangkng arus manyembah." ²¹ Yesus bapadah ka ia "Pacayaklah ka aku, hai nang bini! Ana tiba saat a pas bukek ka gunung ngia atopun ka Yerusalem urangkng nyembah Bapa. ²² Kao nyembah nang nanak kao kanal, tapi kami nyembah nang kami kanal brang keselamatan atangkng dari Yahudi. ²³ pi, ada ana saat a, ia nak mpitu, penyembah-penyembah batol ana manyembah Bapa dalamp roh gik kebenaran; Barang Bapa nuntut nang macam nginak unto'k manyembah ia. ²⁴ Allah nginak Roh nang ayungkng a nang nyembah Ia arus manyembah-Ant roh gik kebenaran ²⁵ Nang bini nginak bapadah ka Ia, "Aku naok kalo Mesias nginak anak atangkng (Ia nang di nyabut Kristus). Pas Ia atangkng, Ia ana mere tau sagala sasuatu ka kami. ²⁶ "Saut Yesus ka ia, "Aku, nang gik ngomong ka kao nginak Ia." ²⁷ Pas nginak,atangkng lah murid-murid-Ant dan ayungkng a heran nele Yesus gik ngomong dengan nang bini. Tapi, nanak sekok pun nang batanya ka Ia, "Ape nang kao ngago?" ato "Ngape kao ngomong gik ia?" ²⁸ Laka'k, nang bini nginak ningal tampat aek a dan ampus ka kota sambil bapadah ka ia urangkng-urangkng ka daun, ²⁹ "njeh, telelah ada nang bini nang madah ka aku sagal sasuatu nang lakak ku ngaraja. Mungkin kek Ia Mesias itu?" ³⁰ Ayungkng a pun ampus kaluar kota dan namu Yesus. ³¹ samantara nak, murit-murit ant mamaksa Yesus mao bakata ''Rabi makantlah." ³² namun Yesus bakata ka ayungkng a "Aku ada pamakant nang nana kao kanal ³³ Lakak nak, murit-murid ant batanya seko'k ka ia nang lain, "apekah nana ada nang maba apepun ka Ia untuk dimakan?" ³⁴ Yesus bakata "Pamakant Ku nginak ngaraja kehendak ia nang nyuruhaku nang ngabis a pagaweku. ³⁵ Bukekek kao bakata, 'Ampat bulant agi musim banyi mule? Telelah aku bakata kakao, bukelah mata kao nang telelah uma uma dah manguning maodianyi . ³⁶ Ampia uga, ia dah banyi dah narima upah ant lalu mangumpulkan buah ant untuk idup kakal sehingga banyi batanam mao bripo ripo basama sama. ³⁷ Dalamp hal ngia pakata ngina banar, 'Nang sekok nabur nang lain ant banyi.' ³⁸ Aku ngutus kao untok banyi barang nang nanak bisa kao karaja ant; Urangkng lain udah ngaraja a dan kao lakak masok ka dalamp pagawe ayungkng a ³⁹ Manyak urang Samaria dari kota nginak manjadi pacayak ka Yesus jukut pakata nang bii nginak, "Ia mere tau aku samua hal nang lakak kukaraja." ⁴⁰ Jadi, Kalo urangkng-urangkng Samaria nak sampe ka Yesus, ayungkng a minta-Ant untok diamp gik ayungkng a dan Yesus diamp ka daun salama dua ari. ⁴¹ Dan, ada labih manyak urangkng agik nang pacayak ka pakata Yesus sorangkng. ⁴² Ayungkng a bapadah ka nang bini nak, "Bukek agik gik pakata kao kami jadi pacayak, melainkan karna kami sorangkng lakak nangar, dan kami naok bahwa Ia ngia banar-banar Juru Salamat dunia." Anak Pegawai Istana DiNyambuhant ⁴³ Lakak 2 ari, Yesus ningal tampat nginak dan ampus ka Galilea. ⁴⁴ (Pas nak dah Yesus mere kasaksian bahwa Saurangkng nabi nanak di hormati ka nagari sorangkng.) ⁴⁵ Lakak Yesus sampe ka Galilea, urangkng-urangkng Galilea manyambut-Ant barang ayungkng a lakak nele sagala sasuatu nang di karaja Yesus dalamp acara paskh ka Yerusalem barang ayungkng a ugak ampus ka acara nak. ⁴⁶ Barang nak, Yesus atangknh ka Kana, Galiea, tampat Ia pernah muat aek manjadi aek anggur. Ka Kapernaum ada sekok pagawai istana nang anak a nang laki a gik rongkok. ⁴⁷ Pas pagawai istana nak nangar bahwa Yesus lakak atangkng dari Galie a, ia ampus batamu gik mamohon ka Yesus supaya atangkng dan nyambuh ant anak a barang anak a ampir mati. ^{50 48} kak nak, Yesus bapadah ka ia, "kalo kao nanak nele tanda-tanda gik hal-hal ajaib, kao nanak maok pacayak." ⁴⁹ Pagawai istana nak bapadah, "Tuan, atangkng lah sabelum anakku mati." ⁵⁰ Yesus bapadah ka ia, "Pulangkng lah anak kao idup!" Urangkng naj pacayak ka kata anang di madah Yesus ka ia dan ampuslah urangkng nak. ⁵¹ Pas pagawai istana nak masih dalamp pejalanan, Pambantu-pambantu batamu dengan a dan mere tau bahwa anak a nang laki nak idup. ⁵² Pagawai istana nak batanya ka ayunhknh a tantang jam berape kondisi anak a mule mambaik. Dan ayungkng a ngajawab, "Mearia kira-kira jam katujuh rongkok a ilang." ⁵³ Amak anak nak naok, Pas waktu nginak laj Yesus bapadah ka ia, "Anak kao idup." Jadi pagawai istana nk gik saluruh kaluarga a manjadi pacayak ka Yesus. ⁵⁴ Nginaklah tanda ajaib kadua nang dimuat Yesus lakak pulangkng dari Yudea ka Galilea.