¹ Dari Paulus, nang jadi rasul Yesus Kristus karano kamaoan Allah, ba Timotius kamaru saiman diri. ² Ka urokng-urokng kodos ba kamaru-kamaru saiman nang satia kadoop Kristus di Kolose. Anugrah bagi kau ba damai sejahtera dari Allah Bapo diri. DOA BA UCAPOT SYOKOR PAULUS ³ Kami salalu magucap syokor ka Allah, Bapo Tuhan diri Yesus Kristus, satiap kai kami badoa onto' kau, ⁴ Karano kami dah nangar kisoh imanngu kadoop Yesus Kristus ba kasihngu onto samuo urokng kodos. ⁵ Iman ba kasih koo muok karano pangharapot nang dinyiapot bagi kau ka sarugo, nang dah kau nangar kadoop kabanarot, ka Injil. ⁶ Nang dah nyampe ka kau Injil koo babuoh ba nyabar ka saluruh dunio, jakoo ugo di antaro kito' waktu kito' nangarot io ba nganal kasih karunio Allah nang sabanare. ⁷ Kau dah balajar hal nyian dari Epafras, ayukng sapalayanan kami nang takasih, nang dah jadi pelayan Kristus nang satia bagi kau. ⁸ Iolah nang mataki kami tentang kasihmu doop Roh. ⁹ Kami no parnoh baranti badoa onto kau minto supayo Tuhan mare' kau pangatahuan ka kamaoan-Ne doop sagalo hikmat ba pagaratian rohani. ¹⁰ Supayo kau biso idup make cara nang layak di hadapot Tuhan,ngasoot-Io doop sagalo hal, ngaselot buoh ka satiap karajaan baek, batumbuh doop pangatahuan ka Allah. ¹¹ Samoga kau dikoatot ba sagalo kakoatan kuaso kamulian- Ne supayo kau namu katekonan nang kasabarot ba sukacito. ¹² Baskorlah ka Bapo' nang ngamuat kau narimo' waresot urok-urok kodos kadoop tarok. ¹³ Io dah ngapasot diri dari kuaso kagalapot ba mindohot diri k karajaan Anak-E nang takasih. ¹⁴ Kadoop Io, diri namu panabosot, ba pangamponan atas doso-doso diri. KRISTUS NANG TARUTAMO DOOP SAGALO HAL ¹⁵ Io nyian rupo Dari Allah nang no gari, nang sulong ka samue'e ciptaan. ¹⁶ Karano, Iolah, sagalo sasuatu nang ado ka subayot ba ka dunio dinyiptoot, nang gari, ba no gari, baik tahto, kakuasoot, pamarentoh, maopon panguaso. sagalo sasuatu dah di nyiptoot ngalalui Io ba onto Io. ¹⁷ Io dah ado sanape sagalo sasuatu, sagalo sasuatu dinungkok basamo-samo doop Io. ¹⁸ Io nyian kapalo Dari tubuh, koolah jemaat. Io ugo' nang awal, nang solong ka antaro urokng mati supayo Io jadi nang utamo ka sagalo sasuatu. ¹⁹ Sabab, Allah bakenan agar kapanuhane diop kadoop Io. ²⁰ Ngalalui Io, sagalo sasuatu didamaiot ba diri- E, baek nang ado ka bumi maopon subayot, koolah pandamaian ngalalui darah-He nang tumpoh ka atas kayu salib. ²¹ Kau de'e no dikanal, musuhi Allah doop pekeranngu, ngamuat hal- hal jahat, ²² kanio kau dah do damaiot ba tubuh jasmani Kristus ngalalui kamatiat-Ne onto nyarohot kau jadi penyarohot nang kodos, no ba cacat cela di adapot Allah. ²³ Jadi, tataplah kau dioop kadoop iman, kokoh, ba taguh, no digoeot dari pangharapan Injil nang kau nangar, nang day dinyampeot ka saluruh ciptaan ka baboh angit, Paulus nang jadi Palayan. PALAYANAN PAULUS KA JEMAAT ²⁴ Kanio, aku basukacito kadoop pandaritaanku demi kau didoop daginku aku ngalengkapi amio nang kurang doop pandaritaan Kristus, demi tubuh-He, koolah jemaat. ²⁵ Aku jadi Palayan jemaat sasuai ba tugas panatalayanan Dari Allah nang di nyarohot ka aku bagi kau supayo aku biso nyampeot Firman Allah sapanuhe. ²⁶ Nyianlah rahasio nang tasambunyi dari zaman ka zaman ganarsi ka ganarasi, kanio dah dinyatoot ka urok kudus- Se. ²⁷ Allah mao nyatoot ka ne'ido' sangat kayo rahasio nang mulio nyian di antaro bangso-bangso laen, kalo' Kristus ado di doop kau, koolah pangharapan dari kamuliaan. ²⁸ kami madohot kisoh Io nagor ba ngajar satiap urok ba sagalo hikmat agar kami biso nabanan satiap urok jadi dewasa kadoop Kristus. ²⁹ Onto koolah, aku ugo basusoh payoh bajuang sasuai ba kuaso-E nang bakarajo koat ka doop aku.