¹ Anak biak, patuhilah iyakng tua kapm dalapm Tuhatn bante tuk bonar. ² "Hormatilah ine apakng ko," tuk perintah petama nang di serota tamah janyi ³ "Sak idup kapm bait kapm beumor panyakng di bumi." ⁴ Bala apakng, inang mulah bala anak kapm jadi godik, tapi bosekem sidak dalapm disiplin tamah nasehat Tuhatn. Nasehat ke Hamba tamah Tuatn ⁵ Bala kuli, patuh lah ke tuatn ko nang di dunia tuk dengan hormat, tamah setulus ati upa Kristus. ⁶ Inang upa bala yakng nang kereja e ingin di ponto yakng babak -- ke nyenang insia, tapi upa bala hamba Kristus nang ngelaku kahandak Allah dari ati. ⁷ Ngelayatn seponuh ati ke Tuhatn bukatn ensia. ⁸ Sebab, kapm tau, ntah kuli kah iyakn merdeka, bila inyie ngelaku nang bait, Tuhatn morik upah ke inyie. ⁹ Bala tuatn, laku kem kebala anak buah ko. Beronti lah ngancapm bante bait tuatn ko atau tuatn sidak sama ada di seruga dan Siatn e adak pilih kasih. Pakelah Semua Peralat Allah ¹⁰ Aher e, nyadi lah kuat dalapm Tuhatn tamah kuasa e. ¹¹ Pake am semua pelengkap peralat Allah sak kapm ulih bediri ngelawatn tipu daya Iblis. ¹² Sebab, usaha kite bukatn ngelawatn dagitn tamah darah, tapi ngelawatn bala pemerintah, bala penguasa, bala kekuat dunia potakng tuk, ngelawatm kekuat roh ja't nang ada di langit. ¹³ Bante nyak, pakelah semua pelengkap peralat Allah sak ikapm ulih betatn sampe ari ja't nyak datakng, udah selesai kapm masih bediri. ¹⁴ Jadi, bediri kuat, samil norit tali pungokng kebenaran tamah pakelah baju zirah keadilan, ¹⁵ pake lah alas kaki kesiapan Injil damai sejahtera. ¹⁶ Dalapm semua hal, amiklah kelauk iman ke ikapm nahan semua panah api si ja't. ¹⁷ Amiklah ketopokng keselamatan tamah pedakng roh, yaitu firman Allah, ¹⁸ samil bedoa setiap saat dalapm Roh make doa tamah permohonan. Dalapm doako nyak, bejagalah dengan segala kegolak kapm samil mohon ke bala iyakng kudus ¹⁹ Bedoa gak ke aku sak bila aku mukak nyawaku, omong aku di berokat sak aku berani nyerita rahasia Injil. ²⁰ Bante Injil tuklah, aku nyadi di penjara. Doa ken sak aku ulih nyerita e dengan bertani dimak ngaya searus e aku ngomong. Salapm Pengabis ²¹ Tikhikus, miyadik seimanku nang terkasih pelayatn Tuhatn nang setia, nadah semua ke ikapm sak ikapm tau dimak ngaya aku tamah ope nang aku pulah. ²² Aku memang nyuruh inyie ke ikapm pake tujuan tuk, sak kapm tau kabar kami sak inyie ulih ngibor ati kapm. ²³ Damai sejahtera ke bala mianak seiman, kasih namah iman dari Allah Apakng tamah Tuhatn Yesus Kristus. ²⁴ Anugrah nyerota semua iyakng nang ngasih Tuhatn kite, Kristus Yesus, make kasih nang adak mungkin binasa.