¹ Ahere, Bala mianak, bedoalah ke kami, sak firmah Tuhatn ulih di sebar copat tamah dimuliakan, upa nang tejadi di sentara kapm, ² sak kami di lopas dari bala iyakng nang kejam tamah ja't bante adak semua iyakng beiman. ³ Tapi, Tuhatn nyak setia. Siatn nguat ngelinokng kapm dari nang ja't. ⁴ Kami umpuk keyaketn dalapm Tuhatn agik ngelaku tuk tamah ngelaku ope nang kami suruh. ⁵ Kirae Tuhatn ngarah ati kapm ke kasih Allah tamah ketabahan Kristus. Kewajip ke Bekereja ⁶ Bala mianak, tuk kami madah ikapm, dalapm nama Tuhatn kite, Yesus Kristus, sak kapm ngenyauh dari bala mianak batele-tele adak sesuai tamah ajaran nang kapm bulih dari kami. ⁷ Kami tau dimak ngaya kapm aus nunak kami bante kami adak batele-tele waktu tamah ikapm. ⁸ Kami adak gak makatn di arong yakng adak bebayar. Sebalit e kami kereja koras siakg malapm sak adak jadi beban ke sope pun di sentara kapm. ⁹ Bukatn bante kami adih hak ke nyak, tapi morik kami ke contoh ke ikapm sak kapm nunak e. ¹⁰ Waktu kami masih tamah kapm pun, kami madah perintah tuk, "Kalau yakng bolek kereja, inang makatn." ¹¹ Sebab, kami ninga adadi sentara kapm nang idup batele-tele, bolek kereja, malah sibok ke jolu nang adak beguna. ¹² iyakng upa nyak kami perintah tamah nasehat dalapm dama Tuhatn Yesus Kristus pake kereja nyantai lalu makatn asel sinik. ¹³ Sedangkan ikapm, bala nianak kami, inang kopak bebuat bait. ¹⁴ Kalau ada iyang nang adak naat ope nang kami padah di surat tuk, encolik iyakng nyak inang bepangan tamah e sak inyie malu. ¹⁵ Namun, inang ngemusuh e, tapi togor upa bala miadik. Kata-Kata Pengabis ¹⁶ Tuhatn damai sejahtera kirae morik kedamaian setiap ari dalapm segala keadaan. Tuhatn nyerota ikapm semua. ¹⁷ Aku, Paulus, nulis salapm tuk pake jari aku soyakng ke tana asli e surat aku. Pnyak am aku nulis e. ¹⁸ Anugrah dari Tuhatn kite, Yesus Kristus, nyerota ikapm semua.