¹ Pituk, bala mianak, ngenai waktu tamah jaman, adak perolu di tulis ke ikapm. ² Bante, kapm tau kalau ari Tuhatn datakng malapm upa pencuri. ³ Waktu bala iyakng ngomong, "Damai tamah aman," benasa datakng tekojut ke sidak, upa sakit betinak nak beranak, sidak adak ulih rari. ⁴ Tapi, bala mianak, kami adak idup dalapm potakng sampe ari nyak magak kami upa pencuri. ⁵ Ikapm semua adalah bala anak terakng tamah siakng. Kite adak berasal dari malapm atau potakng. ⁶ Bante nyak, inang kite tidi upa bala iyakng laitn, tapi aboh kite bejaga tamah waspada. ⁷ Iyakng nang tidi, tidi malapm ari nang mabok pun malapm ari. ⁸ Namun, bante kite anak siakng, kite ngingat, make baju zirah iman tamah kasih, make ketopong pengarap keselamatan. ⁹ Allah adak ngarap kite konak kelai, tapi pake mulih keselamatan dari Tuhatn kite, Yesus Kristus, ¹⁰ nang udah mati ke kite sak kite, ntah mingat atau tidi, ulih diapm tamah inyie. ¹¹ Bante nyak, kuatkan dan bantuk menantuk, upa nang kapm pulah pintuk. Nasehat Pengabis tamah Salapm ¹² Bala mianak, kami mintak ikapm ngehormat sidak nang kereja di sentara ikapm, nang ngemimpitn kapm dalapm tuhatn tamah nogor kapm. ¹³ Hargailah sidak bonar-bonar kasih bante kereja sidak. idup damai soyakng tamah nang laitn. ¹⁴ Kami nukung ikapm, bala mianak, togorlah sidak nang kereja gulak gule, kuatkan sidak nang malu dasak, tolokng nang lomah, sabar tamah bala iyakng. ¹⁵ Ponto kem inang sampe keja't balas keja't, bahkan kebait nang kite borik ke semua iyakng. ¹⁶ Senang sarim! ¹⁷ Bedoa sarim! ¹⁸ Ngucap sukor ke segala hal. Sebab, nyak am kemaok Allah ke ikapm dalapm Kristus Yesus. ¹⁹ Inang ngerusak Roh!* ²⁰ Inang monto ronah bala nubuat!* ²¹ Tapi ujilah segala macapm! Pasokng poe nang bait! ²² Jauh dari semua nang ja't! ²³ Semoga, Allah damai sejahtera ngudus ikapm semua. Kira e roh, jiwa, tubuh kapm dijaga semua, adis cacat sampe kedatakng Tuhatn kite,Kristus Yesus. ²⁴ Siatn nang nyapa kapm setia, Siatn pasti ngelaku e. ²⁵ Bala mianak, bedoa gak ke kami! ²⁶ Borik salapm ke bala mianak make ciupm kudus. ²⁷ Aku mintak bonar demi nama Tuhatn, kemaca surat tuk ke semua mianak dinyun. ²⁸ Anugrah Tuhatn kite, Kristus Yesus nyerota ikapm.