¹ Jolu nang dah ada dari kemaik, nang udah kami dinga, nang udah kami ponto pake mata kami kinik, di ponto lalu di pasokng make jari kami, yaitu Firman idup, ² idup tuk udah di padah kami udah monto e. Kami besaksi madah ke ikapm tentang idup kekal tuk, nang udah ada tamah Apakng nang di padah ke kami. ³ Jolu nang udah kami ponto tamah kami dinga tuk, kami padah gak ke ikapm sak kapm kereja sama tamah kami. Sebonar e, kereja sama kami tuk adalah tamah Allah Apakng anak-E, Kristus Yesus. ⁴ Semua tuk kami tulis ke ikapm sak kesensng kapm nyadi ponuh. Bejalatn Di Arat Terakng ⁵ Tuklah berita tentang Siatn nang udah kami dinga lalu kami padah ke ikapm, yaitu Allah adalah terakng di Siatn e adih potakng. ⁶ Kalau kite madah kite kereja sama tamah Siatn e, tapi kite idup dalapm potakng, kite pemulak adak empilah nang bonar. ⁷ Namun, kalau kite bejalatn dalapm terakng, sama upa Siatn e dalapm terakng, kite kereja sama bebantuk tanah nang laitn, darah Yesus, anak e, mereseh kite dari dosa. ⁸ Kalau kite madah kite adak dosa, kite ngemulak kite soyakng kebonar adis di kite. ⁹ Kalau kite ngakuk bala dosa kite, Siatn e bait adel ngamputn bala dosa kite ke ngemereseh kite dari semua nang jaek. ¹⁰ Kite madah kalau kite adak kolak mulah dosa, kite mulah Siatn nyadi pemulak firman e adis di dalapm kite.