¹ Pada onu-onu hant, timuallah Yohanes pubaptis, bukhotbah nok padang belantara. ² Diapm nyonok, ''Bukhotbahlah karna Kuhajaan Surga jeh somak.'' ³ Sebab, diapmlah dik ningucapkan Nabi Yesaya tika nyonok, ''Caho nyo dik buseru-seru nok padang belantara, 'pusiapkan jalatn ngadok Tuhan, buatlah jalatn-Nya bujuar.''' ⁴ Ngant, Yohanes sendri nginyak pakaiannya sok buhuk unta ngant sabuk kulit nok sukulilink kopuanya. koyukniduaknya adalah butak-butak ngant madu singiatn. ⁵ Kumudian, nyo-nyo Yerusalem monik nganunya, ngant suluruh Yudea, ngant suluruh wilayah nok sukitar Yordan. ⁶ Lalu, datn nibaptiskan oleh Yohanes nok Yordan, samial ngakui dosa-dosa datn. ⁷ Namun, tika Yohanes honong obeh nyo Farisi ngant Saduki Saduki monik pada baptisnnya, diapm nyonok nganu datn, ''Muk, kutuhutn nyipih buludak buludak , osiah dik nyiatn muk ngadok koduh sok murka dik dok monik? ⁸ Karna hant, haselhanlah buok-buok dik subaningk samah butobat, ⁹ ngant yiak bupiker ngadok nyonok konimuk sendiri, 'Mik puk Abraham, ma leluhur mik,' karna kuk nyonok konimuk bahwa sok botuh-botu te Punopo sangiap bangkitkan nak-nak ngadok Abraham! ¹⁰ Bahkan, tu, kapak niletakan nok wat koyuh-koyuh, ngant sutiap koyuh dik kai ngasilkan buok dik baik nitimua ngant nimotatn koni wah opi. ¹¹ Kuk sungguhnya baptis muk samah pink ngadok butobat, tapi Diapm dik monik jeh kuk adalah lebih bukuasa daripada kuk, dik silup-Nya pun kuk kai layak matnnya. Diapm dok baptis muk samah Minu Bohoseh mgant samah opi. ¹² Alat punapi Alat punapi biatn nok tongan-Nya, ngant Diapm dok bohoseh ahok pungirikan-Nya latai pungirikan, ngant dok muluakan gandum koni wah jihua. Namun, Diapm dok nicual sekamnya samah opi dik kai depit nimojapkan.'' ¹³ Kumudian, Yesus monik sok Galilea koni Yordan nganu Yohanes ngadok nibaptis oleh Yohanes. ¹⁴ Namun, Yohanes buusaha cegah-Nya ngant nyonok, ''Kuklah dik perlu nibaptis oleh-Muk, tapi justru Muk dik monik nganukuk?'' ¹⁵ LaLu, Yesus jawab ngant nyonok nganunya, ''Sekarang, adunglah karna beginilah dikseharusnya jadi padayah ngadok genapi suluruh kubonaran.'' Ngant, Yohanes pun biarkan Diapm. ¹⁶ Jeh nibaptis, Yesus lansung kuluar sok pink, ngant hanonglah, surga tubuka ngant Diapm honong Minu Punopo monok mah monuak merpati monik koni somu-Nya. ¹⁷ Ngant, ngopinklah caho sok surga dik nyonok, ''Te lah Nak-Kuk dik Kukkasi hi, nganu-Nyalah Kuk bukenan.''