¹ Inga'kkan balo ngado tunuk kone pemerintah ngan penguasa, taat ngan siap ngkodi tio'k pengodi bae'k, ² kae memfitnah oseh pun, kae bedohuh, ramah, ngan bona-bona bersikap lemah lembut kone sodo nyo. ³ Sebab, de'k hamih malong geh, kae taat, tersesat, niperbudak nih balo nafsu ngan kesenangan, mide'k sosais kejahatan ngan iri hati, nibenci ngan samoh benci. ⁴ Akan tetapi, ketika kemurahan ngan kaseh Penompo, Juru Selamat de'k, ninyatokan, ⁵ De nyelamatkan de'k, biking nis pengodi bona di'k de'k nahan, melainkan nis belas kaseh-De lalu pembasuhan kelahiran agi'k ngan pembaruan Roh Kudus, ⁶ di'k De curahkan woh de'k ngan melimpah lalu Kristus Yesus, Juru Selamat de'k. ⁷ Jadi, jeh nibonakan oleh anugerah-De, de'k ncodi ahli waris sesuai ngan pengharapan akan mide'k di'k kekal. ⁸ Bobo to bona perabis. Tentang koyuh to ko owong mo bona-bona yakin supaya balo di'k jeh cayo kone Penompo dopa'k tekun ngkodi pengodi bae'k. Hal-hal to bae'k ngan bermanfaat nyo'k sodo nyo. ⁹ Akan tetapi, tehindarlah debat-debat, silsilah-silsilah, perselisihan, ngan bedohuh di'k malong tentang Hukum Taurat karna koyuh han kae odoh gunade ngan sia-sia. ¹⁰ Nyo'k nyo di'k menyebabkan perpecahan, peringatkan de gole atau dukoh kali, mosi'k han nyok nyomo'k de. ¹¹ Sebab mo panaeting nyo moh han jeh nisesatkan ngan oben duso, de ngkonik hukuman nyo'k de node'k. Petunjuk Pengkosi'k ngan Salam ¹² Mosi'k ko ngutus Artemas atau Tikhikus konemo, berusahalah nyo'k moni'k koneko so Nikopolis karna ko jeh memutuskan nyo'k ntugu ngonyuh selama musim dingin atoh. ¹³ Ngan sekua'k tenagamo, bantulah Zenas, si ahli hukum han, ngan Apolos di'k ise woh perjalanan ngado balo kea kuhong oneh pun. ¹⁴ Haruslah nyo-nyo de'k belajoh tekun woh ngodi kijo di'k bae'k supaya memenuhi kebutuhan mide'k tio'k onu ngan kae mide'k ngan kae berbuah. ¹⁵ Sodo nyo di'k ise nganko menyampaikan salam nyo'kmo. Sano salamko kone balo di'k mengasihi me woh iman.