¹ Akan tetapi, mo, telajohlah hal-hal di sesuai ngan pelajoh di sehat. ² nahi di lobeh muntuh harus panai menahan diri, terhormat, menguasai diri, ngan sehat so sais iman, so sais kasih, ngan so sais ketekunan. ³ Geh, nayong-nayong di lobeh muntuh harus ngimpoh gayo di saleh, king pefitnah atau hamba anggur, tapi harus lajoh oneh di bae'k. ⁴ Ma'k muhan, balo dopa'k menasehati nayong-nayong mongun nyok mencintai bonuhu, ngaseh ono-onode, ⁵ menguasai diri, hajing, ngurus urusan homing lawongde, ramah, ngan tunduk kone bonuhde, supaya firman Allah kae nilecehkan. ⁶ Muhan geh, nasehatilah nyo-nyo mongun ngado dopa'k menguasai diri. ⁷ Woh segala hal, jodikan mo han teladan woh sais pengodi-pengodi bae'k. Sosais pelajoh, nimpohlah integritas kehormatan, ⁸ umong bona di kae tercela sehingga kuyoh lawan han ncodi mongun karna kae dopa'k nyono koyuh di bie'k tentang de'k. ⁹ Hamba-hamba harus tunduk kone tuan-tuan balo woh segala hal, usahaknlah nyo'k nyonongkan balo, ngan kae mbantah. ¹⁰ Yo'k nongku, tetapi nimpohlah bahwa mo han dopa'k nicayo'k supaya woh segala hal balo memuliakan ajaran Allah, Juru Selamat de'k. ¹¹ Sebab, anugerah Allah di mand keselamatan jeh nyato bagi sodo nyo, ¹² nyo'k de'k leh nulok koyuh di kae saleh ataupu hawa nafsu duniawi sehingga de'k dopa'k mide'k menguasai diri, adel, ngan saleh sa jaman ntoh to, ¹³ sementara de'k nungu'k pengharapan di penuh berkat, yaitu ponik di lobeh mulia sa Allah Yang Mahabesar, ngan Juru Selamat de'k , Kristus Yesus. ¹⁴ De jeh nyilo sengolo-De nyo'k de'k nyo'k nebus de'k sa sodo pengodi bie'k ngan nyo'k menyucikan bagi sengolo-De, suatu umat pilihan-De di hajing ngkodi pengodi bae'k. ¹⁵ Telajohlah sodo koyuh to. Nasehati dan sanolah ngan segala kewibawaan. Yo'k ise nyo di merendahkan mo.