Palayanan Paulus untu'k Bangsa Buke Yahudi ¹ Lea koalah aku Paulus urang nang di minjara karna Kristus Yesus untuk urang-urang buke Yahudi. ² Kade kita nangar tentang parihal pangalolan kasih karunia dari Jubata nang udah di marean ka aku karna kao. ³ Didasarant wahyu nang di nyataan ka aku, kabanaran nang tasambunyi nang udah di nulisan ponok ada ka surat nang lain. ⁴ Waktu diri maca surat ngian, kita jadi ngarati ahe nang ada ka pikiranku parihal kabanarant nang tasambunyi dari Kristus. ⁵ Ka katurunan manusia nang lain ina di kanal, tapi nang ampeant udah bebas di Sumangat na Para Rasul man na NabiNya nang kudus. ⁶ Kabanarant nang tasambunyi nian nyataan urakng-urakng buke Yahudi koa adalah ayung pawaris man anggota dari tubuh nang namui bagian pajanjian ka dalam Kristus Yesus ngalaui nang ngabaran injil. ⁷ Kade le koa aku udah jadi palayan anugerah nang di marean Jubata ka aku ngalalui pakarajaan di KuasaNya. ⁸ Jubata mareant Anugerah nian ka aku, walopun aku nian nang paling hina dari nak kabantnya nang udah namu bagian dari Jubata untuk ngabaran injil ka urang-urang buke Yahudi dari kakayaan Kristus nang inak taetong. ⁹ Man ngicang satiap urang ka dalam tarang man ngabarant ka kabatnnya parihal rahasia rancana Jubata. Nianlah rancana Jubata nang tasambunyi dari sanapenya, nang nyiptaan sagala sasuatunya. ¹⁰ Tujuan ia ngicang urang ka dalam tarangnya untu, ngalalui aturan-aturan man kakuasaatn ka dalam Subayant maok di nauant manyak cara alami badasaratn hikmat Jubata. ¹¹ Badasaratn rancana abadi nang udah di nyampurnaan ka dalam Jubata Yesus Kristus Jubata diri. ¹² Sebab koa ka dalam Kristus kita udah barani man ada maraga kayakinan panuh di iman diri' ka dalam Ia. ¹³ Jadinya aku minta ka kao supaya ame ba'enek ati nele pandaritaan-pandaritaan untu kao. Nang mae koa adalah untuk kamuliaannyu. ¹⁵ Sabab parihal nian aku nyambah ka Bapa', ¹⁵ nang damaNya ka adapant satiap katurunan ka dalam subayant ka atas dunia dinyabutan. ¹⁶ Aku Badoa kiranya Ia mao ngaruniaan ka kao, atas dasar kakayaant kamuliaanNya, untu nguati man kuasa ngalalui SumangatNya, nang kadalam atinyu. ¹⁷ Aku badoa supaya kristus idup kadalam atinyu ngalalui iman, supaya kao baakar man tumuh ka dalam kasihNya. ¹⁸ Biar kao namu kakuatan sampe kao ngarati sama man urang nang udah pucaya, batol aya', panyakng, tingi man dalamp, ¹⁹ man supaya kao namu man nahui kasih Kristus koa, nang ngalampaui pangatahuan man supaya kao di panuhi man kapanuhan Jubata. ²⁰ Ia' lah nang sanggup ngalakuan sagala hal jauh ngalampoi samua nang diri minta man pikirant didasaran man kuasaNya nang karaja ka dalam diri. ²¹ Ka Ia' lah kamuliaan ka dalam jemaat man ka dalam Jubata Yesus dari sagala katurunan sampe salama-lamanya. Amin