Dinyalamat ka Pamareatn ¹ Lea kao dee, udah mati ka dalam palanggarant-pelanggarant man dosa-dosa. ² Lea koalah kita peranah idup nurut aturan dunia ngian. kita idup nurut ka kuasa dari angin. Koalah roh nang nguasai ka dalam anak-anak durhaka. ³ Diri samua peranah ada ka antara urang-urang nang ina pucaya. diri batindak ngikuti ahe ja Ibalis nang ada ka daging diri. diri ngalakuant ahe nang di mao daging man pikiran jahat. diri katurunan anak-anak pamera lea nang lain . ⁴ Tapi Jubata kaya man balas kasihant, sabab kasihnya sidi aya nang udh ngasihani diri. ⁵ Waktu diri mati ka dalam kasalahant , Ia udah ngicang diri ka idup nang barahu man Kristus jukut ja Anugarah nang udah nyalamatant kao. ⁶ Sama-sama Jubata mangkitant diri, man nudukant diri ka Subayant ka dalam Kristus Yesus. ⁷ Supaya waktu nang mao atakng ana Ia nonjokant ka kita kakayaant Anugerahnya nang ina ta etong di nyataan lupat dari ka baikannya ka diri ka dalamp Kristus Yesus. ⁸ Karna Anugerah kita' di nyalamatant malalui Iman, ngia ina atang dari diri, ngia koa adiah dari Jubata. ⁹ Buke uga dari pakarajaan diri, supaya ina seko pun nang jadi sombong. ¹⁰ Jubata nang minjawat diri ka dalam Kristus Yesus untuk ngarajaan nang edo, nang udah di rancanatn Jubata dari deenya, supaya kita bajalant ka dalamnya. ¹¹ Kade lea koa ingatlah de kita urang-urang Yahudi paranakant kita di nyabut "ina babalak" oleh na kabatnnya nang udah babalak. ¹² karna waktu koa kita di misahan dari Kristus. kita urang-urang buke dari bangsa Israel. kita urang-urang asing ina sasuai man janji ka nang di nyatujui. kita ina ada kapastian masa depan. ka dunia ngian kita ina ba Jubata. ¹³ Tapi ampeant ka dalam Kristus Yesus, diri nang de jauh dari Jubata, di ngicang nyamaki Jubata ngalalui darah Kristus. Ia koa damai diri, ia minjawat kaduanya jadi sote. ¹⁴ lewat dageng ia ngancuran dining pamisah nang misahan diri koa lah musuhi diri. ¹⁵ Ia uga udah ngilangan hukum taurat man paraturan-paraturan agar ia bisa nyiptaan sote manusia baru ka dalam diriNya, ia mare dame. ¹⁶ Kristus manangahi kadua bangsa jadi sote tubuh bagi Jubata ngalalui salib, nang matian pamusuhan kao. ¹⁷ Jubata Yesus nang Nyaruan dame ka kita nang samak man nang jauh. ¹⁸ Lewat Jubata Yesuslah ada maraga untuk diri samua tama ka dalam sote sumangat ka Apa'. ¹⁹ Jadi kita nang buke urang-urang Yahudi ina agi di kanal man jadi urang asing. ²⁰ tapi ngian sotepage man dangannya nang di misahant untuk Jubata man jadi kalompok kaluarga Jubata. ²¹ Kita udah di mangun ka atas dasar Rasul-rasul man Nabi-nabi. Kristus Yesus sandiri nang jadi batu panjurunya. ²² ka dalam Ia saluruh bangunan cocok sote man lainya man ba tumuh jadi Rumah Jubata ka dalamp Junbata. Ka dalamp Ia lah kita udah di mangun jadi tampat kadiaman Jubata ka dalam Roh.