¹ Yakobus dibunauh lalu Petrus ditangkap oleh Herodes Pada waktu yak, Haja Herodes ngangkat jahi iya atas bebehapai uhang jemaat kak medeh hidak. ² Iya munauh Yakobus, menyadaek Yohanes, ngau pedang. ³ Udahyak Herodes ngupaok kheja iya nyuhaoh ati uhang-uhang Yahudi hamaek, iya nyuju kheja lalu nangkap Petrus ugak. Utah yak tejadi selamak Hari Raya Roti Tidak Beragi. ⁴ Abis iya nangkap Petrus, iya napaok Petrus kalam human panis lalu ngenjuk iya kanaok empat sedadu pakai ngupaok iya,sheta bermaksud, abis Paskah, ngemaek iya kadap uhang banyak. ⁵ Maka, Petrus dukum di human panis, tapineh uhang sembayang ke Petrus tehus kanok Allah Tala ulaeh jemaat. Malaikat Tuhan Ngelepas Petrus Dahi Human Panis ⁶ Pada sutaek malam, waktu Herodes kak ngemaek Petrus keluah, Petrus tengah tiduh di antaha dua uhang sedadu, diikat ngau dua hantai, lalu hidak penjaga dadap pintu tengah ngupaok humah panis ⁷ dahpiyak, upaok, suhang malaikat Allah Tala bedihi dampin Petrus lalu cahaya bepencah dalam humah panis yak, dahpiyak malaikat yak nepuk higa Petrus dua nguas iya, ngau bannae,"ligas Thuas!" Dahpiyak, hantai-hantai yak telepas dahi kedua jahi iya. ⁸ Dahpiyak, malaikat yak bannae kanaok iya, "ketanglah punggung nuan dahyak pakailah selup nuan." dahpiyak, iya mulah mudil yak. Dahpiyak, iya bannae kanaok iya, " pakailah mantil nuan lalu ngimbae aku!" ⁹ dahpiyak, Petrus ngimae malaikat yak. iya na ketau apai sebenah yang tejadi, tapi kaji neh ya tengah buleh penampakan. ¹⁰ waktu hidak ngelalu penjaga petama dan kedua, hidak datang di pintu ghebang besi yang nuju me kota. pintu ghebang yak tebuka kedihaek, dahpiyak hidak bejalan sampai khang gang, tiba-tiba malaikat yak nudi Petrus. ¹¹ waktu Petrus sadah apai yang tejadi, iya bannae,"pitok, aq benah-benah ketau tek Tuhan ngihim malaikat-Iya dan nyelamat aku dahi jahi Herodes dan dahi semua tan yang dahap uhang-uhang Yahudi." ¹² abis Petrus sadah, iya lesi ke humah Maria, Ami Yohanes yang ditingkau Markus, do menai uhang tengah begumpul besama dua bedoa. ¹³ waktu Petrus ngetuk ghebang, suhang ulun betinak yang benama Rode mukak pintu. ¹⁴ abis ya ngelalak ingan Petrus, uleh ya hamaek nahk iya na mukak pintu, tapi bhumbak me dalam dan madah tek Petrus tengah bedihi dadap pintu ghebang. ¹⁵ hidak bannae kanaok Rode,"nuan gila" Tapineh, Rode tehus bannae macam piyak, dan hidak nyaut, "iyak malaikat iya". ¹⁶ tapineh, Petrus thus ngetuk, dan waktu hidak mukak pintu, lalu ngeliat Petrus, hidak tekejut. ¹⁷ tapineh, abis Petrus mehaek isyarat nguang jahi aju hidak tenang, iya nyelas kanaok hidak kati Tuhan dah ngemaek keluah penjaha. Dan, ia bannae, "padah utan tok kanaok Yakobus dua kanaok pangan seiman." Dahpiyak, iya angkat dan lesi khang lain. ¹⁸ waktu siang ahi, hidak sedadu begaduh nguang apai yang udah tejadi khang Petrus. Herodes tujah ¹⁹ waktu Herodes ngegak Petrus dan na nemu iya, iya mhesa penjaga dan mehaek phintah aju hidak dibunauh. dahpiyak, Herodes tuhun dahi Yudea me Kaisarea dan diam diun. ²⁰ waktu yak, Herodes tenyahung kanaok uhang Titus dua Sidon, lalu hidak bepekat ngadap Herodes, dahpiyak abis mujuk Blastus, yang nguhus humah tangga haja, hidak minta damai uleh khang hidak buleh tan makan dahi khang Herodes. ²¹ pada ahi pejanji, Herodes makai baju haja, duduk di bangku pengadilan, dahpiyak bannae kanaok hidak. ²² hayat thus betumbau,"tok ingan Allah, human mensia!" ²³ saat yak ugak, suhang malaikat Tuhan nempilin iya uleh iya na mehaek puji kanaok Allah dan ia dipajoh cacin, lalu tabun. ²⁴ tapineh, annae Tuhan makin banyak. ²⁵ dahpiyak, Barnabas dua Saulus pulang dahi Yerusalem abis hidak nuntung pelayanan hidak, sambil ngemaek sheta Yohanes, yang ditingkau Markus.