¹ Sementaha, hidak Muhid dua pangan yang seiman khang Yudea ninga tek uhang-uhang Yahudi udah nipan andai Tuhan. ² Uleh kahena yak, waktu Petrus nait ke Yerusalem, uhang yang besunat becekeh khang ya, ³ lalu bandai, " Nuan lesi kanok uhang na besunat dah yak cawis sheta sidak". ⁴ lalu neh, Petrus mulai nyelas kanok hidak, jikok ya, " ⁵ aku tengah sembayang, di kota Yope, lalu empak aku suham, ngeliat utan aneh, bisik sutek kain besai tuhun, tuluh nguang empat pituk dahi langit, lalu utan yak nampin aku. ⁶ Abis yak, keliat ku amak tanah kaki empat di Bumi, amak tanah liah, amak tanah ngehayap, dua buhung di udara. ⁷ aku ninga ugak bsik uhang bandai kanok ku, 'angkat nuan, Petrus, semelih lalu makan!' ⁸ Tapi neh, aku lalu bandai, ' na Allah Tala. Uleh na kalak yang nama neh haram atau najis suah tamak lam nyawaku'. ⁹ Tapi neh, ingan yak lalu nyaut lagek kedua kali neh dahi atas langit, 'apai yang udah dipadah Allah Tala bait, anang sekali-kali nuan padah na bait!. ¹⁰ Hal tok tejadi tiga kali, dah piyak semua neh ditahit lagek ke langit. ¹¹ Upok pitok, bisik tiga uhang nguang datang khumah ku, dahi Kaisarea. ¹² Lalu, Roh Kudus datang kanok aku lesi sheta hidak naisek asa hagu. keenam pangan ku pun ngimbae ku lesi dahyak kami tamak khumah uhang yak. ¹³ Dahyak, iya madah kanok kami kati ya dah ngeliat Malaikat bedihi di humah ya dahyak bandai, 'suhoh uhang yak ke Yope dahyak minta kanok Simon yang ditingkau Petrus datang kitok, ¹⁴ dahyak iya kak madah pesan kanok nuan yang uleh pesan yak nuan akan diselamatkan, nuan dan semua uhang yang diam dhumah nuan. ¹⁵ Sementaha aku mulai bannae, Roh Kudus tuhun kanok hidak, sama macam yang tejadi mungasneh tejadi nguang kita. ¹⁶ Maka, aku tekenang andai Allah Tala, waktu Iya bannae,'Yohanes memandaek nguang aek, tapi nuan kak dipemandaek nguang Roh Kudus." ¹⁷ Jadineh, antaek Allah Tala mehaek behekat yang sama nguang hidak macam kita abis kita pecaya kanok Allah Tala Yesus Kristus, sepai aku tok hingga aku tau mengkang Allah Tala?" ¹⁸ Ketika hidak minga utan yak, hidak nyadi tenang dua muji Allah Tala nguang bannae," Tek piyak, AllahTala dah mehekat ugak kanok uhang-uhang na Yahudi petobat yang nuju nguang idup." Injil sampai nguang Antiokhia ¹⁹ Dahpiyak, uhang-uhang yang tecehai behai oleh dipedeh yang tejadi nguang Stefanus, nyebah sampai nguang Fenisia, Siprus dua Antiokhia, nguang na madah andai Allah Tala kanok sepaipun sebali tek kanok uhang-uhng Yahudi. ²⁰ Tapineh, bisaek behapai uhang dahi hidak, yaitu uhng-uhang Siprus dua Kirene, nguang datang ke Antiokhia dan bannae ugak kanok uhang-uhang Helenis, sambil madah tentang Tuhan Yesus. ²¹ Jahi Allah Tala ngimbae hidak, nyangkak uhang menyadi pecaya bebalik kanok Allah Tala. ²² Behita nguang hidak sampai ke kelindang jemaat di Yerusalem, da hidak nyuhoh Barnabas ke Antiokhia. ²³ Waktu Barnabas datang dua ngupaok behekat Allah Tala, iya hamaek dua mehaek nasehat kanok hidak aju tetap setia kanok Tuhan nguang ati yang kuat. ²⁴ Uleh Barnabas adalah uhang bait, penuh nguang Roh Kudus dua Iman, banyak uhang dibaek kadap Allah Tala. ²⁵ Dahpiyak, Barnabas lesi ke Tarsus kak ngegak Saulus. ²⁶ Dahpiyak abis hidak nemu iya, iya dibaek ke Antiokhia. Selamak setahun, hidak betemu nguang jemaat dua ngajah banyak uhang. Dahpiyak, di Antiokhia, muhid-muhid untuk petama kali ditelah, "uhang Kristen". ²⁷ Pada ahi-ahi yak, bebehapai uhang Nabi tuhun dahi Yerusalem ke Antiokhia. ²⁸ Suhang dahi hidak yang benama Agabus, bedihi dua ngehamal nguang dibantauk Roh tek kak tejadi lepaek yang besai di seluhuh dunia. Dahpiyak, lepaek yak tejadi nguang masa pemehintah Klaudius. ²⁹ Maka, hidak muhid mutus kak ngihim ungkus lagek, sesuai kemampu hidak, kanaok pangan belayan seiman nguang Yudea. ³⁰ Dahyak, yang hidak pulah ugak, ngihim sumbangan khang penatua ngelalu jahi Barnabas dua Saulus.