¹ Lalu mlaekat kalimo nyiup sarompete, lalu aku nanang bintokng sege' janto' ampat ka angit ka atas dunio nyian, lalu ka io dimare' kunci ubokng arokng maut. ² Io muko' ubokng arokng maut, jadi naiklah asap ampat ka tongko' nang ayo', lalu mata ari ba angit jadi galap kamo asap ubokng koo. ³ Ako' koo, ampat ka doopm asap koo kauarlah buntak-buntak ka atas dunio nyian, lalu ne'ido' dimare' kuaso angayo kuaso kalo ka dunio. ⁴ Lalu, ne'ido' dimasatni' supayo ino' ngarusak rumput-rumput dunio, tumuh-tumuhotn, maopun puhutn-puhutn, malainkan kahe ne'ido' ino' ba segel Allah ka kaning ne'ido'. ⁵ Ne'ido' ino' dimuihotn munuhi' ne'ido', tapi supayo nyikso ne'ido' salamo 5 buotn; lalu siksootn koo sabayo angayo siksootn kalo waktu io nyanget manusio. ⁶ Pado maso koo, manusio paati ngago' kamatiotn, tapi ne'ido' ino' namuan io. Ne'ido' mao' mati, tapi kamatiotn ngaimoot ne'ido'. ⁷ Model buntak-buntak koo angayo kudo-kudo nang dinyiapotn sa' parang; lalu ka atas kapalo ne'ido' ado jukut angayo mahkota amas, muho ne'ido' angayo muho manusio. ⁸ Buuk ne'ido' angayo buuk ambini lalh gigi ne'ido' angayo gigi singa, ⁹ lalu dado ne'ido' angayo baju basi, bunyi seap ne'ido' angayo bunyi kareto-kareto nang manyak kudo nang bapacu ka medan parang. ¹⁰ Lalu, eko' ne'ido' angayo kalo nang ado sangete, lalu kadoopm eko' ne'idolah ado kuaso sa' nyakiti' manusio salamo 5 buotn. ¹¹ Rajo nang marentoh ne'ido' koo malaekat arokng maut, nang doopm bahaso Ibrani damae koo "Abadon" sadangkan doopm bahaso Yunani damae koo "Apolion". ¹² Bancana nang pamulo dah lewat, masih ado 2 pandaritaan lain nang pasti atokng. SAROMPET KA ANAM BABUNYI ¹³ Lalu, malaekat nang ka anam nyiup sarompete, lalh aku nangar suaro ampat kaampat tanuk altar amas nang ado ka adapotn Allah, ¹⁴ bakato ka malaekat ka anam nang nangkapi' sarompet koo, "Apasotnlah kaampat malaekat nang di ngikat ka sunge Efrat nang ayo' koo." ¹⁵ Jadi, kaampat malaekat koo, nang dah dinyiapotn sa' jam ba ari, buotn ba tahutn koo, diapasotn biar munuh1/3 umat manusio. ¹⁶ Jumbaloh tantara ne'ido' ado 200 juto manyake; aku nangar jumbaloh ne'ido'. ¹⁷ Lalu, jakoolah aku nanang doopm pananangan * kudo-kudo koo ba ne'ido' nang duduk ka atase; para panunggange make baju basi bawarno meroh nyalo, biru galap, ba kuning angayo liubong; lalu kapalo kudo-kudo koo angayo kapalo singa lalu ampat ka moot ne'ido' kauar api, asap, ba liubong. ¹⁸ Ba ka taluelah bagi talu manusio dimunuh, ba api, asap, ba liubong nang kauar ampat ka moot ne'ido' ¹⁹ Sabab, kakoatotn kudo-kudo koo ado pado eko' ne'ido' koo anvayo uar ado b kapalo,lalu ba angkoolah ne'ido' nyikso. ²⁰ Tapi, manusio nang salamat, nang ino' tabunuh ba bancano koo, tatap ino' ba tobat ampat ka parambuatan- parambuatane koo, bahawo ne'ido' ino' muih nyamboh roh-roh jahat ba patung-patung amas, perak, ato kayu; nang ino'biso nanang, nangar, atopun bajootn, ²¹ lalu ne'ido' ino' batobat karamo pambunuhan, sihir, pancabulotn, ba pangait.