¹ Ako' koo, aku nanang ampat malaekat badiri ka ampat panjuru dunio nyian, agi' nahan ka ampat dunio biar ino' ado nang batiup ka darat, ka laut, atopun ka puhutn-puhutn kayu. ² Ako' koo, aku nanang malaekat lain muok ampat ka mata ari tarabit, sambil nabanan segel ampat ka Allah nang idup. Io ngampak karas sidi suarae ka kaampat malaekat nang dah dimare' kuaso sa' ngarusako' dunio, ba laut tai, ³ "Amelah ngarusak dunio, laut, ba puhutn-puhutn kayu sanape' kami ako' mare' tando segel ka kaning ambo-ambo Allah diri'." ⁴ Aku nangar jumbaloh ne'ido' nang dinyegel samanyak 144.000 urokng. Ne'ido' samuo ba asal ampat ka satiap suku anak-anak Israel:* ⁵ ampat ka suku Yehuda 12.0 00 dari suku Ruben 12.000 dari suku Gad 12.0 00 ⁶ ampat ka suku Asyer 12.000 ampat ka suku naftali 12.000 ampat ka suku Manasye 12.000>/ cell> ⁷ ampat ka suku Simeon 12.000 ampat ka suku Lewi 12.000 ampat ka suku Isakhar 12.000 ⁸ ampat ka suku Zebulon 12.000 12.000 ampat ka suku Benyamin 12.000>/cell> nang dah dimataraiotn. LAUTAN MANUSIO ⁹ Ako' kok aku nanang, sasungguhe sajumbaloh manusio rami nang ino' dapat di itung jumbalohe, ampat ka samuo nagari ba suku bangso ba bahaso, badiri ka muho takhta ka adapotn Anak Domba, make juboh putih ba dauk-dauk palem ka kokot ne'ido'; ¹⁰ lalu ne'ido' bakampakotn ba suaro karas sidi, "Kasalamatotn bagi Allah kami nang duduk ka atas takhta, ba bagi Anak Domba." ¹¹ Lalu, samuo malaekat nang gi' badiri ka sakaliling takhta koo lalu ka sakulilingan tuho-tuho, ba kaampat barang koo, ne'ido' ngogo' ka adapotn takhta koo lalu nyamboh Allah, ¹² sambil bakato,"Amin! pujiotn ba kamuliootn lalu hikmat ba kato syukur,kalu kahormatotn ba kakuasootn, lalu kajagootn bagi Allah diri' sampe salama-lamae, Amon!" ¹³ Ako' koo, 1 tuho-tuho koo bakato lalu batanyo' ka aku, "Sape ge' ne'ido' nang make juboh putih nyian lalu ampat kamae ne'ido' atokng?" Jadi, aku bakato ka io, ¹⁴ "Tuanku, kau bo nahui." Lalu io bakato ka aku, "Ne'ido'koo o urokng-urokng nang dah kauar ampat ka panganiayaan ayo lalu dah ako' nyasoh juboh ne'ido' lalu mutihotn io kadoopm daroh Anak Domba. ¹⁵ Karamo koo, ne'ido' badiri ka adapotn takhta Allah kalu ngalayani' Io siokng ba maam ka bait-E; lalu Io nang duduk ka atas takhta koo pasti diopm ka antaro ne'ido'. ¹⁶ Ne'ido' pasti ino' kaparotn ba aus agi'; atopun mata ari pasti ino' nyakiti' ne'ido' atopun angat nang laine. ¹⁷ Sabab, Anak Domba nang katangoh-tanvoh takhta koo pasti jadi gambalo ne'ido' lalu pasti nabanan ne'ido' ka mato ai' kaidupotn; lalu Allah pasti ngapusotn ai' mato ampat ka mato ne'ido'."