¹ Saling Tolong hai kamaru-kamaru, kade ado urok kadapatan ngalakukan palanggaran, kao nang rohani harus ngembalikan urok angayo koo dengan roh kalamutot. bajago-jagolah supayo kao sandiri ame ekot tagoda. ² saling manolonglah doop nanggung beban supayo kao naati ukum Kristus. ³ kade ado urok nganggap diri'e penting, padahal anok jakoo, io nipu diri'e sandiri. ⁴ je'lah satiap urok nguji perbuatane sandiri. setelah koo, io biso bangga nanang kaadaane sandiri lantas buke karamo mandengkan dengan urok laen. ⁵ sebab, satiap urok harus nanggung bebane sandiri. Tetaplah Ngalakukan Hal nang Baek. ⁶ sape nang namu pangajaran dari firman Allah haruslah io magiot samuo hal nang baek koo dengan urok ngajari io. ⁷ ame mao kano tipu. Allah anok biso dipamaenan karamo urok akan nuai ameo nang io tabur. ⁸ urok nang nabur dari nafsu kadagengan akan nuai kaburukot dari kadagenganne. tapi, urok nang nabur Roh akan nuai idup nang kekal dari Roh. ⁹ ame diri' latih babuat baek. kade moseme dah atok, diri' akan manen asalkan diri' anok nyaroh. ¹⁰ karamo koo, kade diri' ado kesempatan, je'lah diri' babuat baek kasamuae urok, kususe ka kaluarga doop iman. Paulus Ngakhiri Surate ¹¹ coba tanang sangape ayo urup-urup nang kunoles onto'ngu dengan kokotku sandiri. ¹² ne' udo nang mao mamerot kabaekane dari hal-hal nang lahiriah akan makso kao onto' disunat. ne' udo ngalakukan hal koo supayo anok dianiayo demi salib Kristus. ¹³ ne' udo nang disunat pun anok naati ukum taurat, tapi ne' udo mao kao disunat supayo ne' udo biso ninggiot diri' atas sunatngu. ¹⁴ semoga aku anok pernah ninggiot diri kacoali doop salib Tuhan diri', Yesus Kristus. melalui salib-Nya, dunio dah dinyalibpot onto' aku, lantas aku onto' dunio. ¹⁵ disunat ato anok disunat ameolah artie. yang penting koo adalah menjadi ciptaan baru. ¹⁶ bagi samuae urok nang majaanan aturan nyian, biarlah damai sejahtera lantas rahmat turut atas ne' udo lantas Israel milik Allah. ¹⁷ akhire, ame sampe ado urok nang mampasulit aku karamo aku nabanan tando-tando Yesus doop tubuhku. ¹⁸ kamaru-kamaru, kirae anugrah Tuhan Yesus Kristus ado bersama dengan rohngu. amin.