¹ Paulus, rasul Yesus Karistus malalui' kainginan Jubata Panampa', ka kabatne nang di misahatn untuk Jubata Panampa' ka Efesus nang satia basama Yesus Karistus. ² Kirae anugerah ba damai sejahtera dari Jubata Panampa' diri' ba Jubata Yesus Karistus salalu ada ba kita'. ³ Kirae Jubata Panampa' ba apa' Jubata diri' Yesus Karistus di fuji. soale Jubata Panampa'lah nang udah marakati' diri' dari samua barakat rohani ka subayatn ka daapm Karistus. ⁴ Sanape' dunia dinyiptaatn Jubata Panampa' udah milih diri' nang picaya' ka daapm Karistus. Ia udah milih diri' biar diri' bisa jaji kudus ba ina cacat ka adapatn-Ne. ⁵ Ka daapm kasih, Jubata Panampa' udah nakdiratn diri' untuk diadopsi jaji anak - anak-Ke malalui' Yesus Karistus.Ia udah ngalakukan nyian soale Ia bakenan untuk ngalakuan ahe nang Ia kahendaki. ⁶ Sahingga Jubata Panampa' koa di sambah untuk kamuliaan anugerah-E.Nyianlah nang udah Ia mareatn sacara cuma - cuma ka diri' malalui' putra-E nang terkasih. ⁷ Sabab ka daapm putera-E, diri' namu panabusatn malalui' darah-E, yakoa pangampunan dosa - dosa , diri' namu nyian sabab kakayaatn anugerah-E. ⁸ Ia nyajiatn anugerah koa balimpah ka diri' ka daapm samua hikmat ba pangartian. ⁹ Juabta Panampa' minjawat diri' biar nahui' kabanaratn nang ina' kateatn dari rancana-E,sasuai kamao'an-Ne nang udah Ia neatn malalui' Karistus. ¹⁰ Saat waktue udah diganapi'untuk nyalasaiatn rancana-E. Jubata Panampa' mao' nyatuatn samua nang ka daapm subayat ba nang ka dunia ba komo' ba Karistus. ¹¹ Ka daapm Karistus diri' udah di milih ba dinatapatn sanape'e sabagai warisan Jubata Panampa'. Nyian sasuai ba rencana dari Ia nang malakukan samuae sasuai ba maksud ba tujuan-Ne. ¹² Jubata Panampa' malakukan hal nyian biar diri' muih idup untuk mamuji kamuliaan-Ne.Diri adalah nang pertama miliki' kayakinan ka Karistus. ¹³ Ka Karistus , kao uga' , waktu kao udah nangar pakatatn kabanaratn , Injil kasalamatan , Kao udah picaya' ka Ia nang di materaiatn ba Roh Kudus nang udah di nyanjiatn. ¹⁴ nang adalah jaminan warisan diri' sampe kapamilikatn udah di namu sabagai pujian kamulian-Ne. ¹⁵ Sabab koalah , dari partama kali aku nangar soal imannyu ka Jubata Yesus ba soal kasihnyu ka samua urakng nang di misahatn untuk Ia. ¹⁶ aku ina' baranti -barantie batarima kasih ka Jubata Panampa' untuk kita' daapm doa aku salalu nyabutatn dama - dama kita' ¹⁷ Aku badoa kade' Jubata Panampa' diri' Jubata Yesus Karistus , Apa' kamuliaan , marei' ka Roh kabijaksanaan ba nubuat tentang pangatahuan-Ne. ¹⁸ Aku badoa biar mata atinyu jaji carah ka kao, biar nahui' ahe nang minjawat diri jaji yaken ka panggilan diri' ba kakayatn kamuliaan warisan-Ne ka antara umat kudus Jubata Panampa'. ¹⁹ Aku badoa biar kita' nahui' kamegahan kuasa-E nang luar biasa ka diri' nang picaya'. Kamegahan nyian badasarkan pakarajaatn dari kakuatan kuasa-E. ²⁰ Nyianlah kuasa nang bakaraja ka Karistus waktu Jubata Panampa' mangkitatn Ia dari kamatiatn ba madudukatn Ia ka sisi kanan-Ne ka Subayatn. ²¹ Ia nudukatn Karistus ka atas samua paraturan , wewenang , kakuasaan , pamarentahan . ba satiap dama nang di sabutatn . Ia nudukatn Karistus bukenya masae nang angkitn saja' , tapi masa nang dah anae uga'. ²² Jubata Panampa' udah muangan samuae ka babah paha Karistus ba nyajiatn Ia sabagai kapala atas samua hal daapm jamaat. ²³ Jamaat koalah sabagai tubuh-He, kabainsiatn-Ne nang nginsii' samua hal-hal ba cara sandiri'.