1 Neli kwa siyalela ambu maiwa meeli ambu maiwa meeli ngao kuikale mukiti no paseka wa mulalelo wa mulena. Aa no ma pulisita na añoli mwana kengela omu nokumu kwatela ku mukunda naku mumanga Jesu ngao amuipaye. 2 Kakuli mwanamba ngao, ''ko kuna piluka nako za silika, kuiyapitha mifilifili mukachi ka anu.'' 3 Onako naikala mu Betania muthuwo tha Simoni no mbingwa,yona tengamene pa tafule, keo kuwiya mukathi oyu no shimba sikopo no maathi no kutula onene, mathi nombula kupethuliwa. Keo ofekula sikopo no mathi naku thela kumutwi wae. 4 Koño amweya na lwana.Keo ambaula mukachi koo ngao, ''kandi libaka mwike no ku petha ngeya? 5 A mathi nga mwana ilithiwa mali aku pitela mianda thiatu, na kupa a hutu,'' keo atunukela mukathi. 6 Keo Jesu oamba , ''mumuteneke yofoti. yike apa mumukomwitha? onatende thinu thiwa o kwange. 7 E nako thoshe mwaikalanga na utwi,poshe po muthaelea mwatwetha kutenda inu iwa okoo, koño kombo muikala nange nako thoshe kao. 8 Onatende ethinu ana twethe ko. Onawetheze olutu lwange nakotha kepelo thange. 9 Yathikuma namiambela,koshe okumbo ku kutathiwa evangeli mukaye koshe,eyi anatende oyu mukathi moiambiwa,mukumu anuka.'' 10 Keo Judas isikalioti,omweya wa likumi naili, otha kwa ama pulisita ngao akamupe okuoo. 11 Aa kulu no mapulisita apa na yuba ngeyo,mwana wa pela enene nakumu thepitha kumupa mali. Keo otateka kuthaela thibaka tha kuamupela mumakaa ohoo. 12 Muliwa litangi no mulalelo wa mulena,apana apaa nga wa thilika tha patheka, alutiwa amuambela ngao, ''wathaela ngao tu the kupi oka tukamu lukiseza ( kutendela), ngao nawe ngo kalye kuilya no paseka?'' 13 Mwana tuma alutiwa aili okoo ngao aka ambela, ''muthe mumuleneñi, momu wana mulume ona shimbi kaula ka meyu. mumu koñe?'' 14 Oko aingena muthuwo,mumu koñele naku ambela omute no thuwo, muluti amba ngao, ''Kupi kuli sibaka konitamba kulya paseka na alutiwa ange?'' 15 Mwami monitha musiyo unene kuwilu ouna pakiwa thiwana. mukatu lukisethe omobene anu yoshe. 16 Alutiwa keo afunduka nakutha ku muleneñi. mwana kawana inu yoshe omu naambela,keo atateka kulukitha ilya no paseka. 17 Enako no singolangola,owiia na likumi na ili. 18 Apana toomana pa tafule okualya, '' Jesu noamba, Namiambela yathikuma, omweya pano pa tafule mwa ni sheleka.'' 19 Oshe mwana kuyuba kuipa kumichima, omweya omweya na ambao kwaye, '' yathikuma kome kao?'' 20 Jesu mwana alaba nakuambela, ''omweye kua likumi na ili,oya pelo bi beela naye pamweya pa katuwo. 21 Omwana munu mwatha shina mwana ñoleliwa. koño umai wo yu mbo mbo sheleka mwana munu! mane kulithiwana nga nashi mwa kuelekiwa.'' 22 Apa naikala na lya,Jesu keo shimba sinkwa othi fuya wetha nokuthi tapa. Mwana pa haku amba, '' mushimbe ethi. Olu lutu lwange.'' 23 Keo oshimba komoki,nakukutumela, na kuapa,keo oshe a nwa. 24 Mwana ambela, '' Ou unyinga wange ea uonyi, ounyinga ou mwaeliwa aangi. 25 Namiambela yathikuma,nishi mwa kunwa kame veine kupitela elyo liwa mbo nikathi nwa mumu buso wa mulimu.'' 26 Apa na mana kwimba limbo, natha ku lilundu lya Olive. 27 Jesu keo amba okoo, ''Moshe momungwa, kakuli kunañoliwa, 'moni ipaa omulisani mi angu mwa shandauka.' 28 Munyima thange no kuinguku,moniku tangetha ku Galilea.'' 29 Pitolosi keo omwambela, ''shiwanga a shandauke, ome nje.'' 30 Keo Jesu mwambela, ''Nakuambela ya thikuma, pelo-bene,uno usiku ondemba nakukana kale kutambeka twili moniyaya tuatu. 31 Kono Pitolosi keo amba, ''endi ngao monifa noye nishimwa kukuyaya. Oshe naapa yhepiso thi mweya. 32 Mwana wiya kuthibaka thithaniwa Gethsemane, keo Jesu oamba ku a lutiwa aye, '' Mutomane apa kuno nishilapela.'' 33 Oshimba Petolosi.Jakobo na Joani naye keo oteka kuku nyenga nakukatathea yonene. 34 Noamba akowo, ''Omepo thange tha bilaela enene mane kutwala ku lifu. Muthiale pano na kutona.'' 35 Apa naatha kule kanyonyo,Jesu keo ngwela pashi na kulapela ngao haibandi kwa twethala nga ethi nako thani piteela. 36 Keo oamba, '' Abba,Tate,inu yoshe ya twethala okoye. Otundithe ethi komoki okwange, Koño kokunatendala omuni thaelela,kutendaale omuuna thaelele owe.'' 37 Apa uka aka wana ngao analala,keo oambela Pitolosi,''Simon,ona lala? Kotwethe kutona pa nako thimweya kao? 38 Mutone na kulapela ngao komuna ingena mu miliko.Omepo tha wapela koño onyama tha fokola.'' 39 Kame otha kukalapela,no kututhi mai mamweya. 40 Apa na uka kame,mwana wana analala, kauili mwana yuba tulo enene. Naimwa kulimuka ya ku kuaamba okwae. 41 Mwana wiya ka waatu na kuamba okoo, ''Mushilala na kuku pumulisa? Kuna kwana! Enako thina kumu. Mumone! mwana munu a shelekiwa mumakaha aayi. 42 Muinguke; twende. mumone,oyu nisheleka aikala pepi nange.'' 43 Yo shiambanga ngeyo,Judas,omweya kualikumi naili, choo kuma,na anu angi na ana shimbi mikwale na milamu kutunda ku mukulu wa mupulisita, añoli na akulu. 44 Apo omusheleki ona mana kuanangitha sisupo ngao, ''Oyu ni tamba nika thipita yo nyiko. Mumukwate mumu twale na kumu mamela.'' 45 Judas apana kuma,apo bene keo wiya kwa Jesu na kucemba ngao, ''muluti'' na ku mu thipita. 46 Keo aleta makaha okwaye na kumukwata. 47 Koño omweya okoo aneemana no panitha omukwale waye nakukañala omupika no mupulisita mukulu nakumbatula litwi lyae. 48 Jesu keo oambela, '' Mwawiya ngepi na milamu na mikwale okwange shinani no lilengwami? 49 Koño mononikalanga nenu maiwa oshe na kumi lutanga mu Tempele, No moshi mwani kunimanga. Shango ngao inatendaala kutaleletha mañolo.'' 50 Oshe naikala na Jesu mwana muthinga na kuituka. 51 Nalumbaana,no kumanga ambu liina pa lutu lwae, mwana koñela Jesu. Alume apa na mukwata. 52 Mwana thiya liina lyae na kuituka sheshe. 53 Mwana twala Jesu ku mukulu wa ma pulisita.Oko naakuwana na mapulisita okulu, na akulu no thichaba na a ñoli. 54 Keo Pitolosi mwana mukoñela mumanyima kule pa lya mukulu no ma pulisita. mwana toomana mukachika masole, ana ikala pepi na liziko ngao kuenyaane. 55 Keo a kulu no mapulisita na kuta thoshe no Majuda oshe mwana thaela upaki ulwitha Jesu ngao amumange naku muipaa. Koño na kwanga kuwana. 56 Kakuli aangi naaleta upaki waku mu angetha,kono shiwanga ngeyo oupaki woo noushimwa ku mwa kuendeela. 57 Aamweya na iman na kuleta upaki wa kumu angetha; mwanaamba, 58 ''Motunotuyubu yo amba, 'Moniumba ethi temple no thiumbiwa na makaha, mu maiwa maatu monithiumba oku no kuulwa makaha.'' 59 Shiwangeyo oupaki woo no ushimwa kuendeela. 60 Mukulu wa ma Pulisita mwana immana mukachi na kuipula Jesu, ''Ko kwite kalabo kao? Aanu aku angetha yike?'' 61 Koño mwana mwena nashimwa ku alaba. Kame omukulu no mapulisita no muipula kame ngao, '' Owe Kelesite, Mwana Mulimu wa mulule waku fuya wethiwa?'' 62 Jesu no alaba, ''Ome; Kame momumona mwana munu apa katomana Kuthilyo tha maata nakukawiya mu mabui a liwilu.'' 63 Omukulu no mapulisita keo oyatula thito thae na kwamba ngao, ''Tushithaela apaki? 64 Muna yubu o kapopo. Mwatenda ngepi?'' Oshe mwana muatula ngao a swanela lifu. 65 Amweya atateka kumuthipwela mate na kumufeka kumeo nakumufula pendi amu ipule ngao, ''opolofite!keo masole amushimba na kumu pumaula. 66 Etho nako Pitolosi yo shili mulilapa, omweya wa akathana wa pika wa mukulu no mu pulisita owiya kwaye. 67 mwana mona Pitolosi yoku enyanitha,keo omutopelelisisa siwana naku amba, ''Nawe onaikalanga namuNazaleta Jesu.'' 68 Koño no kuyaya nakuamba, ''Koni mulimuka kao kame nje nakulimuka eyi uamba, ''Keo opanena pathi kuthelo. 69 Koño omupika wa mukathana omumona kame nakutateka kame kuamba kwao na imanapo, ''Oya mulume naye womweya woo!'' 70 Koño aokana kame. Apanokupita ambu kanako kanyonyo,ao naimana mwana amba kwa Pitolosi, ''Yathikuma omwea woo, kauli kame omu Galilea.'' 71 Keo otateka kukutumana na kuetha,oya mulume mu amba ome njena kumulimuka.'' 72 Ondemba keo otambeka ka wiili, keo Pitolosi oanuka mai ana muambela Jesu, ''Ondemba njekale a tambeke twiili moni yaya tuatu,'' Keo ombolomoka kulila.