¹ Apa Jesu ns enda ku tunda mutempele,Omweya kwa lutiwa hae keo omwambela ngao, ''Muluti otopele a mawe anawa mawa na miyao e mawa mawa. ² Keo o mwambela, ''Ona mono ethi miyao ethi nene ndi? Njeko liwe limweya mbo lithiiwa peulu no likwayo eli mbolikana kumbu liwa .'' ³ Apa na tomana pa lilundu lya Olive ku ku kushanga na tempele,Pitolosi,Jakobo,Joani na Andilias keo a mwipula ku mukunda, ⁴ ''O twambele pano,kandi ei inu omboitendala, ka mwaka? kandi ei supo ipi apa mbo itendala ei inu? ⁵ Keo Jesu o ambela ngao, ''Mu Ku mamele ngao shiwa munu omweya kana milyanganisa. ⁶ Anu angi mwa wiya mu lithina lyange na kwamba ngao, '' Yonyio ome, mi mba twesa lyanganisa angi. ⁷ Mona mbo muyuba mandwa na milumo tha mandwa,ko muna bilaela kakuli ei inu ya lukanela kutendala,kono ka onyiwo ama maneno kawo. ⁸ Kakuli litunga ombo lilwisa litunga likwalyo, na mubuso kupilukela mubuso ukwao. Ma lyamindandamo mbaikala muibaka ingi-ngi. mane na nzala zinene-nene. Yoshe ei ya monisa amatatekelo no manyando. ⁹ ''Mukumamele yo nene.Mwa mipa mumakaha no makuta ,kame omba mi pumaula mu masinangonge.Omba mi meka poso no abusisi na malena ba keñisa ome nga upiluke upaki okwoo. ¹⁰ Kono ou lumiwa wa swanela ku laweliwa weli ku matunga oshe. ¹¹ Kumona ana mimanga na ku mi shimba, ko mu nabilaela esi muswanela kwamba. ka kuli mwetho nako etho,esi mu swanela kwamba mo musipiwa; kakuli komwe muswanela okwamba kao, kono omoya no ku kena. ¹² Omu kulwa munu mbo twesa kuipa O mina munu, mi iwa munu kuipa o mwana.Anamba pilukela ashemi o na kwa ipasa. ¹³ Mo muthimbiwa kwanu oshe mulithina lyange.kono oyu mbo tundamena ku twala ku ma maneno,oyo mbo yoisiwa. ¹⁴ ''Ku mona mu mona e misunga no mbulo laswalea limana apa no mbula ku swanela'' (Keo uyubala a mamele),'' keo ali mu Judea a shandukela kau malundu. ¹⁵ Muteneke ali pa mitiupa kana shuluka kwi ngena mu manthuwo kapa ku shimbamo sinu. ¹⁶ Muteneke oyu nathi mulyuwa kana kuthika kanawiya kushimba e thiapalo no thienge. ¹⁷ Kono o umai we kala kwa no aikana anyonyo ali mabumo mane alela a nikana mwawo a maiwa!. ¹⁸ Mulapele ngao,koina tendala enako no mupepo. ¹⁹ Ka kuli omba ipiluka maiwa a kwiyapisa yonene kutenda ngao, shamba ethanga kwi kalako lakala ku matatekelo,kutunda apo Mulimu na ambela elitunga,kuleta pelo, njeko kapa ku tundela po kame. ²⁰ Haiba ndi Mulimu kamba ipipisa amaiwa kawo,Njeko shiwa munu omweya oyu mbo yoyithiwa.Kono bakeñisa etato no anoluka,awo na ku ketela,no ipitha a maiwa. ²¹ Aiba ndi munu ami ambela ngao, 'Mumone, oyu yonyiko Kelesite! kapa mumone oya yo nyiko! ko munetana. ²² Ka kuli ama kelesite no mbula niti na mapolofita nombula niti mba ikalako naku monisa e isupo na mikaelo no ku kokisa ngao, ko kuna otopa,atwesa ku onga a no niti ²³ Mukutokomele! kakuli ima miambela yoshe poso no nako. ²⁴ ''Mu manyima no ku thilakanyeka netho nako, iliwa ombo lilaula. Okwethi ombo ku monisa o kenu wa teni. ²⁵ A matungwethi ombo ku monisa o kenu ku wilu mane na mata no kuwilu omba nyanganya. ²⁶ Keo mba mona omwana munu yoshelumuka mu mabwii no kuwilu na mata manene na kanya. ²⁷ Keo mbo tuma ama ñeloi aye mi mbo wanatheka pamweya anaye no niti ku tundela pa mepo nthine,kutundela ku ma mameno no litunga na ma maneno no liwilu. ²⁸ Muka tute tuto mu nguli no sitondo no feiga. Mona emitai thi nakolo na mashako angwa,mu limuke ngao omuntha pepi. ²⁹ Mi kame apa mumona ei yoshe yo itendala, mulimuke ngao seli nikala pepi,pepi na thelo na lilapa. ³⁰ Mu uniti na miambela ngao, olu lusika kombo luyundu kao,kupitela enako ei inu yose apa mbo itendala. ³¹ Eliwilu na litunga mbo lipwa,kono e lii lyange nje kupwa. ³² Kono witha neyo no liwa lyo na nako etho njeko shiwo omweya oyu limuka,shiwa a mañeloi kuwilu,kapa omwana keti o tate no kuwilu. ³³ ''Mtokomele! mu tone,ka kuli ko mu limuka eyo no nako etho kawo. ³⁴ Kwa ku feka na mulume oyu tho omwendo-a thianga e nthio thae na ku paka a pika aye ku elela enthio,munu na munu na musebethi wae,mane na kai laula Omilonda ngao.kana lala. ³⁵ Kono mu tokomela kakuli ko mulimuka ngao omimye nthio mwa kauka kamwaka ; yatwesa ku piluka eshi ngola ngola,pa kachi no usiku,o ndemba yo tambeka,kapa o masiku-siku ³⁶ Mono na kauka wangu-wangu kona muteneka kuku wana oi lala. ³⁷ Ei niamba kwenu na ambela munu yoshe;mutokomele.