¹ Gu sheep mǝgwuo mou, yong baa mǝ nsheep gun zak. ² Nsa bii kwat wu gu gap gu tak nkaa mǝgwuo, gǝ mǝ gap ntak nkaagu a kam zak, gongong wu gu kat bii gǝnyi hǝ, gǝ mǝ kat a kam gǝnyi ngun. ³ Waa nme gǝ fu naa kamshit n-yit emnang mǝn gǝ ɓoot npǝ naa gǝtshep wu n-yit gǝ mou eh? ⁴ Chin a nang gǝ yi laa dǝr emnang gǝ yen, 'Ɗagat a shang kamshit wu n-yit gǝ yi,' ɗe gǝtshep nyi n-yit gǝ eh?. ⁵ Mweng muop! Yawar gǝ shang a gǝtshep wu n-yit gǝ hǝ ɗewar gǝ naa pee yi has, ɓǝ gǝ shang kamshit wu n-yit emnang hǝ. ⁶ Naa yong gu pǝn bii wusǝsaar n-as muop. Gu tak bii wuret ntagam zeng mou. Gu chin kam ɓǝ gǝ mǝ dalkaa shi kwak muop mǝn mǝ nbat ntee gun. ⁷ Gu ɗang, ɓǝ gǝ mǝ pǝn ngun. Gu tang, ɓǝ gu kat. Gu kwak fulǝ, ɓǝ gǝ mǝ ep ngun. ⁸ Nsa mǝgwuo wu ɗang, ɓǝ gǝ lap; mǝgwuo wu tang ɓǝ g kat; gurum wu kwak fulǝ, ɓǝ gǝ mǝ ep fulǝ nnyi. ⁹ A wuɗa gǝnaar gu ɗǝ laa muup nnang gǝgǝl nawe ɓǝ pǝn pang nnyi eh? ¹⁰ Ɗagat ɓǝ nnang a cherep ɓǝ pǝn woo nnyi eh? ¹¹ Ɗe gun ndung a wuɓǝtbyas mǝn gu man npǝ pǝn byiwuret njep gu ɓǝ Ndaagu wu gǝbǝtǝng gǝ pǝn jepe wuret ngurum muop wu mǝ nang fumuup hǝ mo? ¹² A waa nnyi, bii wu gǝ tangkop gurum mǝ chin ngun hǝ, ɓǝ gu chin zak nmuop. Ndung hǝ a nyi a byitǝt gǝ byiyil mǝlaa-ɓǝlǝpnaan. ¹³ Gu ruo fukǝrang wu fǝfogor, nsa fukǝrang gǝ war dam muop a wu kǝkaam, mǝn gurum gwet bii mǝ ruo a nnǝgǝn. ¹⁴ Fukǝrang gǝ war tooklang muop a wu fǝgogor; bii laafu gǝ ruo, mǝn gurum wu gǝ mǝ ruo nnǝgǝn muop nɓǝl mou. ¹⁵ Gu kang suk gǝ mǝlaa-ɓǝlǝpnaan wurum, wu gǝ mǝ wul dǝr gu nɗǝgǝn shim tǝm ɗe muop wagap a aslaar. ¹⁶ Yong gu man muop a shi bii wu gǝ mǝ chan hǝ. Kan gurum jet gǝ mǝ kat jeptǝng wuret nshik nǝlǝk, ɗǝ mǝ kat wut yi nshik nǝkyen mǝ? v 17 A kam shi, tǝng wuret gǝ sam a jep wuret, tǝng wubaan gǝ sam a jep wubaan. ¹⁸ Tǝng wuret gǝ sam jep wuret, tǝng wubaan gǝ sam jep wubaan. ¹⁹ Tǝng wu gǝ laa laa wuret mou ɓǝ gǝ mǝ gap mǝn mǝ ntak nwus. ²⁰ A waa nnyi, ya gu man muop a shi jep muop. ²¹ A gurum a dip wu gǝ yong an shi 'Miskagam, Miskagam' hǝ gǝ mǝ kat pǝruo nɗǝgǝn yil-long gǝbǝtǝng mou, a muop wu gǝ mǝ chan bii wu Ndaanǝ wu gǝbǝtǝng gǝ tangkop hǝ. ²² Gurum mbǝl dat gǝ mǝ laa gǝ an parde mǝ n-yen, 'Miskagam, Miskagam, dok mǝ laa ɓǝlǝp gǝ sǝm gǝ, mǝn mǝ chen damwam, mǝn mǝ chan nɗǝgǝn sǝm gǝ mo? ²³ Nlat ɓǝ a laa gǝ muop dar a yen, 'Jet a man gun mou! Gu yigil ntagam nǝ, gun mǝ chan wubyas. ²⁴ Waa nsa kam hǝ, mǝgwuo wu kǝlǝng ɗǝgǝl nǝ mǝn lapɗem ɓǝ nyi a kabi gurum wudok ɗyik lǝ afe gǝlaar hǝ. ²⁵ Fan lai, am pǝt, mǝn kogom ɓwap lǝ nanyi; nau gǝ kam mǝ ship mou nsa dok mǝ ɗyik nyi a gǝlaar. ²⁶ Mǝgwuo wu kǝlǝng ɓǝlǝp gǝnǝ mǝn lapɗem mou ɓǝ nyi a kabi wuyogor wu ɗyik lǝ afe gǝ- ees hǝ. ²⁷ Fan lai, am pǝt, kogom ɓwap lǝ nanyi, mǝn rǝgǝp wagap dau." ²⁸ Yesu laa ɓǝlǝp laat kam, mǝn rǝng gurum wukǝgǝi muop, ²⁹ nsa shee muop kabi gurum wu nyi gǝ kamshik hǝ, a kabi nung mǝbyiyil gǝmuop mou.