Tiga Tawai Sen Petrus ¹ sen Petrus, pengawaq Yesus Kristus, kuma kelunan - kelunan yaq ngelinaq koq baan sakai, yaq biyuq seng wilayah pontus, Galatia, Kapadokia, Asia, ngan Bitinia; yaq dipileq ² yaq lemileq sen tading kuun Allah amai ngan kembuweq kuun Roh idi apan sendeng mudip ngan tudep palaq Kristus Yesus Ngan ka alaq percikan daag ' A : tembelum lu, peniga ngan kembangen yaq sangan mikem. ³ pembauna Allah ngan amai sen Tuhan lu Yesus Kristus, yaq pekesioq ngan pengelesau' a. yaq biyuq aleq o' musang ilu ngeliwet. koq dalem tembelum yaq mudip sen kembeteq Kristus Yesus menga'ang kelunan matai, ⁴ ngan ka alaq inu yaq ruun tai salai, ruun tai taat, ngan ruun tai mo'o; yaq tai demun koq sorga kuma ikem, ⁵ ya, ina ikem yaq ya ngelidung kuun kuasa Allah sen pengelan keselamatan yaq ka badaq neng ko'o usun tanaq. ⁶ neng ini na ikem ka bangen, naq piya jabeq luq, beq lu ubaq'a ikem ka tuyen nang masem - masem penuyen. ⁷ sehingga pengelan enjuq yaq berharga neng' o, emas yaq fana, naq piya pekina teruji neng apui, ya riq saq buweq ngan pujian ngan peniga ngan kehormatan neng kenai ludaq, Yesus Kristus. ⁸ Embi yem taan ya luq pa, ya riq ikem lesau Ya, ngan naq pikem dalau ini ruun taan ya yariq ikem mengelan ya. ikem bangen ngan tiga tawai yaq biyuq ngan sangan peniga, ⁹ moq ko'o sen pengelan yaq tai abeq, ya ina keselamatan beruwawuq. ¹⁰ neng keselamatan ini , toq nabi yaq badaq yaq peniga yaq ka anun enjuq ina' o menaat ngan pekalai'a ngan tudep. ¹¹ ida pita tisen neng iyeq ngan midan na koq baan dau Roh Kristus yaq uun dalem usa' ra, neng ya badaq penuyen Kristus ngan peniga yaq kenai ' o ina. ¹² palaq toq nabi ina ka badaq moq ida embia ka jagaq usa' ra tengen, ya kiq ka petubo ikem dalem puyan - puyan yaq o, lepeq badaq palaq ikem sen - sen kelunan - kelunan yaq badaq injil palaq ikem neng Roh Kudus yaq ida suk sen surga; puyan - puyan ina na yaq ateq ubaq ka badaq oleh para malaikat. ¹³ moq pekina, petenupna kimet suq ngan jagaq na, peleqna tembelum embui ngan lan neng peniga yaq ka naq palaq ikoq dalau Kristus Yesus peludaq. ¹⁴ kebaan anak - anak yaq tangen, ayen maya palaq kimet jaat suq koq baan dalau enjuq mudip yaq ruun tisen. ¹⁵ ya riq buweq na dalem toq sieq kuq, koq baan Allah mengin ikoq bawaq na. ¹⁶ moq un surat 'buweq na ikem moq kiq buweq'. ¹⁷ ngan, moq kem mengin ya koq baan, amai ya ina ya yaq ka meng hakimi singget kelunan ngan pemuyan da yaq ruun pileq, mudip na ngan merasa takut seng Tuhan enjem kebaan sakai; ¹⁸ ngan menisen bahwa ikoq lepeq ditebus neng udip yaq ruun tiga, yaq ikoq kanan sen tepun - tepun enjuq embi ngan kini yaq ruun majan koq baan emas ngan perak, ¹⁹ ya riq ngan daag' a Kristus yaq buweq, daag' a Anak Domba yaq ruun mano ngan yaq buweq. ²⁰ moq Kristus lepeq lemileq kena asun tanaq un, ya riq ya lu, wo nai ludaq neng uman bayaq ini kuun enjut. ²¹ sen Ya, ikem nai mengelan palaq Allah; ya ina Allah yaq lemeteq ya neng a'ang kelunan matai ngan Allah yaq naq peniga kuma ya, apan pengelan ngan tembelum juq apan pengelan ngan tembelum enjuq un neng dalem Allah. ²² moq kuq o' ngebuweq beruwa koq dalem tudep palaq penelit sehingga alaq pengelesau senganaq yaq telit, ukoq'a na ina ngan lesau yaq lan - lan sen kimet yaq tiga. ²³ moq kem' o, nai musang ngeliwet, embi ngan beneq yaq ruun matai, ya ina sen beneq isiu Allah yaq mudip ngan ngelineq majan. ²⁴ kitab buweq badaq, toq yaq mudip ina un kebaan udu, ngan peniga 'a kebaan sapuq udu - udu, yaq koko ngan sapuk ka lero, ²⁵ ya riq isiu Tuhan majan lemuto, isiu ina ya ina Injil yaq ida badaq kuma ikoq.