isui pegudip ¹ ca yaq aun cen penading, yaq o ameq kenaan, yaq o ameq taan neng mata meq ni, yaq o ameq ngetugen ngan geman ujoq a meq, yaq ina isui yaq mudip. ² udip ina lepek ia badaq ngan ameq lepek taan ia. ameq ka badaq ngan ke pedenga kepalaq ikem neng udip yaq majan ina, yaq lepek aun ngan amai ngan o badaq palaq ameq. ³ yaq ina lepekna ameq taan ngan kenaan ina, ameq pedenga pa kepalaq ikem supaya ikem aun tai pembun ngan ameq yaq lan - lan a, pembun meq ina yaq ina ngan amai ngan Anak, Kristus Yesus. ⁴ neng ketoq ina ameq nyurata kepalaq ikem supaya bangen tawai sangan ikem. ⁵ ina na dengan yaq lepeq ameq kenaan neng ia ngan ameq kepenjo kepalaq ikem yaq ina Allah yaq ina dema ngan dalem ia mbi aun yaq mendeng. ⁶ beq pekina ilu ke badaq moq lu aun pembun ngan a, ya riq ilu mudip dalem mendem, ilu lemalo ngan mbi lo ti pemuyen yaq teneng. ⁷ naq piya pekina, beq lo masat dalem dema, kung baan ia neng dalem dema, ilu aun keluung ca ngan diaq ca, ngan daaq Yesus, Anaka, ngebueq ilu cen mung penyalaq. ⁸ beq pekina ilu ke badaq moq lu raun penyalaq ilu lemalo ilu tengen ngan penelit mbi aun neng dalem ilu. ⁹ beq lo mengakui penyalaq - penyalaq lo, ia yaq tudep ngan lan mengampuni penyalaq - penyalaq lo ngan ke ngebueq ilu cen mung diaq jaat. ¹⁰ beq lo kuma riq ilu mbi uyan penyalaq, ilu uyan Ia lemalo ngan isiu a mbi aun neng dalem ilu.