Yesus lemalaq palaq ilu ¹ Anak - anak keq, akeq nyurat yaq ini ke palaq ikoq ayen uyan penyalaq. ya req beq aun yaq uyan penyalaq, ilu aun menyarat deng juma Bapa, yaq Kristus Yesus, yaq sioq ina. ² Iya Na, pengencai yaq t'a saeq palaq penyalaq lo. ngan, mpi deng penyalaq - penyalaq lo lan, mpi deng penyalaq lo loq, nggina ta pa deng penyalaq ketoq usun tanaq. ³ nggina na uben lo tisen uben lo ngetisen Allah, ina na uban Ia bayaq katuq - katuq ' A. ⁴ dulu yaq kuma, " Akeq ngetisen Allah," mpi ra ubaq bayaq katuq - katuq ' A, ia ca kelunan palo, ngan yaq tiga toq mpi aun deng' a. ⁵ nggina na, e'eq yaq bayaq katuk' A, pengelesau Allah lan yaq sioq yaq teneng deng ca. ina na lo ngetisen ilu deng dalam ia. ⁶ dulu yaq kuma' a, ia mudip ngan Allah, ia mudip koq baan seq Yesus yaq mudip. ⁷ cenganak - cenganak keq yaq akeq lesau, mpi ke menyurat peke cuq yaq mading palaq ikem, ina pan cuq yaq majan yaq ilu lepeq aun can penading 'a. cuq yaq majan ina na Firman yaq ikem lepeq ngedina can dalem majan. ⁸ ina na, akeq pa nding nyurat katuq mading palaq ikoq, yaq lan sioq deng dalem Ia ngan deng dalem ikem moq mendem tai pelapa ngan dema yaq sioq naq qina dema ngan tiga. ⁹ dulu yaq kuma ia aun koq dalem dema, ia na mia cenganak' a, ina pa ia aun koq dalem ndun pabeq naq kini. ¹⁰ kelunan yaq lesau cenganak' a mudik koq dalem dema ngan mpi yaq aun yaq uyan ida re aun tiga. ¹¹ nggina pa, ia yaq mia' h cenganak' a aun koq dalem dema thai masat koq dalem mendem. ia mpi tisen koq mpi ketai moq mendem lepeq ngebutaq penaat' a. ¹² akeq nyurat palaq ikem, thai toq anak - anak toq mung penyalaq koq lepah muso deng ngadan' a. ¹³ akeq nyurat palaq ikoq, hai amai - amai, moq ikem lepeq tisen Ia cen penading' a. Akeq nyurat palaq ikem, hai kelunan - kelunan muat, moq koq lepeq nyupeq di bali jaat. akeq nyurat palaq ikem, hai anak - anak, moq ikem lepeq ngetisen Amai Bapa. ¹⁴ uyan surat palaq ikoq, hai amai - amai, moq ikoq lepeq ngetisen Ia cen penading' a. akeq nyurat palaq ikoq, ketoq kelunan - kelunan muat, moq kem salet ngan firman Allah peleq dalem ikoq, moq koq lepeq nyupeq yaq bali jaat ina. ¹⁵ ayen kem selum deng usun tanaq ini ketoq yaq cen koq dalem usun tanaq ne. beq un kelunan selum deng usun tanaq ne, pengelesau Bapa mpi aun deng dalem ia. ¹⁶ moq, ketoq yaq aun deng dalem usun tanaq, yaq ina pengubaq usa, pengubaq penaat, ngan pekimet mbau udip mpi nai cen Bapa, moq ida req nai cen usun tanaq. ¹⁷ usun tanaq ini ketai miba ngan peng ubaq da, moq kelunan yaq uyan peng ubaq Allah ketai mudip pa majan' na. ¹⁸ anak - anak keq, naq kini ketai udip mubo; baan uben ikem ngelina moq anti Kristus yaq kenai, pa naq kini kaduq anti Kristus yaq nai. ina pa lo ngetisen moq naq kini ketai zaman teko'o. ¹⁹ nai ra ceng aang ilu, moq mpi ra njam kluung ata ilu. moq beq da aun cen aang ilu, ida ka serengan ngan lo. ina pa, ida peleq ilu ina dudaq ina pa ida mpi njam deng aang ilu. ²⁰ nggina pa, ikoq lepeq aun anun pengurapan cen yaq kudus, beng ikoq ngetisen ketoq mung' a. ²¹ akeq nyurat ke palaq ikem pan uben kem ngetisen katuq yaq sioq, moq uben ikem ngetisen a moq uben mpi aun yaq palo yaq cen katuq yaq sioq. ²² e'eq a yaq kepalo ina kalau beq re e'eq yaq menisen moq Yesuslah Sang Kristus? ina na anti - Kristus, kelunan diak req ubaq Bapa ina pa Anak. ²³ e'eq yaq ra ubaq Anak yaq te aun Bapa. nggina pa, singget kelunan yaq mengelan pada Anak, nggina ta ray pa ke aun Bapa. ²⁴ nggina pa inu yaq ikem lepeq ngelina cen penading yaq lepeq aun dalem ikoq. nggina lepa ikoq aun dalem Anak ngan Bapa. ²⁵ ngan na pa, peseqat yaq Ia naq kepalaq ilu, yaq nggina udip yaq bueq. ²⁶ ketoq inu yaq akeq lepeq nyurat palaq ikem ne, nggina pa ngan ra yaq uben ke pelingu ikem. ²⁷ nggina pa, peniga yaq ikem lepeq alaq cen Ia yaq peleq deng ikem, ngan ikem re ubaq kelunan dia ca ke pekatuk ikem. nggina pa, ngan peniga da, yaq pekatuq ikem ketoq inu ne - ketoq dina mung sioq, mpi palo - moq kumpin uben pekatuq ikem, tiga pa ikem mudip deng dalam Ia. ²⁸ naq kini, anak - anak keq, tiga kem peleq na mudip ngan apan' a, pa ka Ia badaq Ia deng ikem ilu aun pengelan tengen ngan mpi lo sae deng Tua ia pa kenai Ia. ²⁹ beq kem ubaq tisen Ia ne uben yaq sioq, ikem pa tisen ketoq kelunan yaq ubaq ke uyan peniga, nai musang cen Ia.